Levitico 19:15 - Chol: I T’an Dios

¹⁵ Mach yomic jelel mi la' cha'len meloñel cha'an mi la' tic'lan jini p'ump'un bʌ, cha'an mi la' coltan jini wen chumul bʌ. Toj yom mi la' mel la' pi'ʌlob.

Chol de Tumbalá Bible

¹⁵ Mach yomic jelel mi la' cha'len meloñel cha'an mi la' tic'lan jini p'ump'un bʌ, cha'an mi la' coltan jini wen chumul bʌ. Toj yom mi la' mel la' pi'ʌlob.

Jiñi Tsiji' bʌ Wen T'añ cha'añ Estudio

¹⁵ “Mach yomic jelchojc mi la' cha'len meloñel, mi yomic mi la' coltañ jiñi p'ump'un bʌ, mi jiñic ti' tojlel jiñi wen chumul bʌ: toj yom mi la' cha'len meloñel ti' tojlel la' pi'ʌlob.”

Levitico 19:15 Iomraidhean Croise

Job 13:8

Mi la' lon jop'ben i t'an, come mach i winiqueticla. Pero mach uma'ic Dios. Mach yomic i coltʌntel ti winicob.

Job 32:21

Mach jelchojquic jach mij q'uel winicob. Ma'anic mic lotiñob ti uts bʌ t'an.

Job 34:19

Mach jejchoquic jach mi' q'uel winicob. Junlajal mi' pʌsbeñob i yutslel jini pobrejob yic'ot jini wen chumulo' bʌ. Junlajal i melbalonla.

Salmos 82:2

Dios mi' yʌl: ¿Jayp'ejl to q'uin mach tojic mi caj a chʌn cha'len meloñel? ¿Jayp'ejl to q'uin mi caj a q'uel ti uts'at jini jontolo' bʌ?

Exodo 18:21

Che' ja'el yom ma' yajcan winicob año' bʌ i ña'tibal, xuculo' bʌ winicob mu' bʌ i bʌc'ñañob Dios, winicob mach bʌ anic mi' mulañob taq'uin. Yom ma' wa'chocoñob ti' ye'tel. Yom juntiquil yumʌl ti' tojlel jujump'ejl mil yic'ot yambʌ ti' tojlel jo'jo'c'al yic'ot yambʌ ti' tojlel lujump'ejl i yuxc'al tac, yic'ot yambʌ ti' tojlel lujuntiquil tac.

Proverbios 18:5

Mach yomic mi la cʌc' ti colel jini am bʌ i mul anquese uts'at i pusic'al yilal. Mach yomic mi lac tic'lan jini toj bʌ che' mi' mel i bʌ.

Proverbios 24:23

Wʌ'an yan tac bʌ i subal jini año' bʌ i pusic'al: Mach yomic jelchojc jach mi lac cha'len meloñel.

Proverbios 31:9

Cha'len toj bʌ meloñel. Meleyob ti uts'at jini mach bʌ añobic i chubʌ'an yic'ot jini p'ump'uño' bʌ.

Levitico 19:35

Mach yomic jelel mi la' cha'len chuqui jach mi la' mel ti pañimil, che' mi la' p'is jini lum, che' mi la' p'is la' choñoñel. Yom ts'ʌcʌl chuqui mi la' p'is. Joñoñʌch la' Yumon la' Dioson tsa' bʌ c loc'sayetla ti Egipto.

Juan 7:24

Mach mi la' lon ña'tan woli la' cʌmbeñob i pusic'al la' pi'ʌlob cha'an chuqui jach mi la' q'uel. Ña'tanla ti toj chuqui mi la' ña'tan, che'en.

Hechos 23:3

Pablo tsi' sube: Mi caj i jats'et Dios. Pajq'uet bombil bʌ ti tan. Buchulet cha'an ma' c'ʌn jini mandar a melon, pero wola' ñusan mandar che' ma' wʌc'on ti jajts'el, che'en.

Deuteronomio 1:17

Mach yomic jelchojc jach mi la' c'uxbin winicob che' mi la' melob. Yom lajal mi la' ñich'tʌbeñob i t'an jini p'ump'un bʌ che' bajche' ñuc bʌ. Mach yomic mi la' bʌc'ñan winicob mi juntiquilic, come jini meloñel i cha'añʌch Dios. Jini wocol tac bʌ mach bʌ mejlic la' mel yom mi la' subeñon cha'an mic mel.

Deuteronomio 10:17

Come lac Yum Dios i Diosʌch jini diosob, i Yumʌch jini yumʌlob. Wen ñuc lac Yum, wen bʌc'ñʌbil. Mach jelchojquic mi' c'uxbin winicob x'ixicob. Mach yujilic i ch'ʌmol majtañʌl cha'an mi' ñusan jontolil.

Deuteronomio 16:19

Mach yomic mi la' jem jini toj bʌ. Mach yomic jelchojc jach mi la' c'uxbin winicob. Mach yomic mi la' ch'ʌm la' majtan ti' tojlelob, come jini majtañʌl mi' mʌcben i wut jini am bʌ i ña'tʌbal. Mi' socben i t'an jini tojo' bʌ.

Deuteronomio 27:19

“La' aq'uentic wocol jini mach bʌ anic mi' mel ti uts'at jini ñajt bʌ chumulob, yic'ot meba' x'ixicob yic'ot alʌlob”, che'ob. Pejtelel jini año' bʌ ti tejclum mi caj i yʌlob: “Amén”, che'ob.