Levitico 19:13 - Chol: I T’an Dios

¹³ Mach mi la' p'ump'un tic'lan la' pi'ʌlob. Mach mi la' xujch'iben chuqui an i cha'an. Mach yomic mi' cʌytʌl ti bet i tojol i ye'tel.

Chol de Tumbalá Bible

¹³ Mach mi la' p'ump'un tic'lan la' pi'ʌlob. Mach mi la' xujch'iben chuqui an i cha'an. Mach yomic mi' cʌytʌl ti bet i tojol i ye'tel.

Jiñi Tsiji' bʌ Wen T'añ cha'añ Estudio

¹³ “Mach mi la' p'ump'un tic'lan la' pi'ʌlob, mi yomic mi la' xujch'iben chuqui añ i cha'añ.” “Mach yomic mi' cʌytʌl ti bet i tojol x'e'tel a cha'añ, cha'añ ma' to ti yijc'ʌlal.”

Levitico 19:13 Iomraidhean Croise

Job 17:5

P'ump'uñob i yalobilob jini winic mu' bʌ i p'aj i cʌñʌyo' bʌ. Mi caj i yubiñob wi'ñal.

Job 31:39

mi tsaj c'uxu i wut c pʌc'ʌb che' mach tojbilic x'e'telob, mi tsac chilbeyob i lum yaño' bʌ,

Job 7:2

Jal mic pijtan cha'an mi' bʌjlel majlel q'uin. Lajalon bajche' x'e'tel jal bʌ mi' pijtan i tojol cha'an i ye'tel.

Exodo 20:15

Mach a cha'len xujch'.

Exodo 22:13

Mi tsi' c'uxu bʌte'el, la' i ch'ʌmbeñet tilel i colojbal cha'an mi' tsictesan. Che' jini ma'anic mi caj i toj.

Exodo 22:15

Mi ya'ʌch an i yum alʌc'ʌl, ma'anic mi caj i toj. Che' ja'el mi tsi' yʌq'ue taq'uin cha'an mi' poj c'ʌn ti e'tel, jasʌl jach.

Exodo 22:21

Mach ma' lotin jini mach bʌ a pi'ʌlic ch'oyol bʌ ti yambʌ lum, come parte ba' ch'oyoletla che' bʌ ya' añetla ti Egipto.

Exodo 22:7

Che' an chuqui ma' wʌq'uen a pi'ʌl cha'an mi' cʌntʌbeñet mi taq'uin mi a wʌlac', mi tsa' xujch'ibenti loq'uel ya' ba' lotol, mi tsa' tajle jini xujch', wersa mi' toj cha'yajl.

Proverbios 20:10

Ts'a' mi' q'uejlel ti lac Yum jini asibil bʌ balanza yic'ot jelchojc tac bʌ lac p'isonib.

Proverbios 22:22

Mach a xujch'iben i chubʌ'an jini p'ump'un bʌ mach bʌ mejlic i coltan i bʌ. Mach a ts'a'len che' mi' tilel i mel i bʌ.

Proverbios 3:28

Mi an chuqui woli' c'ajtibeñet, mi añʌch a cha'an lotol bʌ ti a wotot, mach a suben: Cucu, yanto bʌ ora mi caj cʌq'ueñet. Ijc'ʌl to. Mach che'iquet.

Jeremias 22:13

Obol i bʌ jini mu' bʌ i ñuq'uesan i yotot cha'an i xujch', jini mach bʌ tojic mi' mel ti' tojlel i pi'ʌlob. Mi' wersa c'ajtin taq'uin ñumen bajche' yom. Mi' c'ʌmben i ye'tel yambʌ, pero ma'anic mi' toj.

Jeremias 22:3

Lac Yum woli' yʌl: Cha'lenla meloñel ti toj. La' loq'uicob pejtel woliyo' bʌ ti wocol ti' c'ʌb xtic'layajob. Mach la' contrajin jini meba'ob yic'ot jini ñajt bʌ ch'oyolob. Mach la' to'ol ñusañob che' yomob i coltʌntel. Mach la' tsʌnsan jini mach bʌ añobic i mul.

Ezequiel 18:7

Ma'anic mi' tic'lan i pi'ʌlob. Mi' cha' sutq'uiben i prenda jini xbet taq'uin. Ma'anic mi' cha'len xujch'. Mi' yʌq'uen i c'ux waj jini am bʌ i wi'ñal. Mi' yʌq'uen i pislel jini pits'il bʌ.

Ezequiel 22:12

Mi la' ch'ʌm la' tojol cha'an mi la' cha'len tsʌnsa. Mi la' tic'lan la' pi'ʌlob. Tsa'ix ñajʌyiyon la' cha'an, che'en lac Yum Dios.

Ezequiel 22:29

Ti pejtelel pañimil an tic'laya yic'ot xujch'. Jini p'ump'uño' bʌ mi' tic'lañob i bʌ. Mi' chilbeñob i chubʌ'an jini ñajt bʌ ch'oyolob.

Levitico 25:14

Mi tsa' la' chombe lum la' pi'ʌlob, mi tsa' la' mʌmbeyob i lum, mach yomic mi la' wis lotiñob. Ña'tanla jayp'ejl to jab jinto mi yujtel i jabilel la' tijicñʌyel. Che'ʌch yom i tojol la' lum che' mi la' cha'len choñoñel mʌñoñel ti' tojlel la' pi'ʌlob. Che' bajche' c'amel jini jabil yic'ot c'ajbal che'ʌch yom i tojol. Che' jal to jini jabil, letsem i tojol, pero che' lʌc'ʌl jini jabil yom juben i tojol, come che'ʌch bajche' c'amel jini c'ajbal mu' to bʌ caj i c'aj che'ʌch mi caj i chombeñet.

Levitico 25:17

Pero mach yomic mi la' wis lotin la' pi'ʌlob. Yom jach mi la' chʌn bʌc'ñañon. Come joñoñʌch la' Yumon, la' Dioson. Jini cha'an ts'ʌcʌl yom mi la' jac' jini t'an. Che'ʌch yom mi la' chʌn cha'len, cha'an tijicña mi la' wajñel ya' ba' chumuletla.

Levitico 6:3

o mi tsi' loto chuqui tsa' sajti pero ma'anic tsi' tsictesa, mi tsi' cha'le lot cha'an mi' muc i mul, che' jini an i mul.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Mateo 20:8

Che' iq'uix cajel, i yum ts'usubil tsi' sube xq'uel e'tel i cha'an: “Pʌyʌ tilel x'e'telob. Aq'ueñob i tojol. Ñaxan ma' toj jini wi'ilix bʌ tsa' juliyob. Ti wi'il ma' toj jini ñaxan bʌ tsa' juliyob”, che'en.

Marcos 10:19

A wujil jini mandar: “Mach a cha'len ts'i'lel, mach a cha'len tsʌnsa, mach a cha'len xujch', mach a cha'len jop't'an, mach a xujch'iben i chubʌ'an a pi'ʌl ti lot, q'uele ti ñuc a tat a ña'”, che'en Jesús.

Lucas 3:13

Juan tsi' subeyob: Mach yomic mi la' c'ajtin tojoñel ñumen bajche tsa' subentiyetla, che'en.

1 Tesalonicenses 4:6

Mach yomic mi la' lotin la' pi'ʌl. Mach yomic mi la' contrajin ti mulil, come lac Yum mi' yʌq'ueñob i toj i mul pejtelel mu' bʌ i melob bajche' jini. Tsa'ix c subeyet lojon.

1 Timoteo 5:18

Come i Ts'ijbujel Dios mi' yʌl: “Mach ma' cʌchben i yej tat wacax che' woli' t'uchtʌben loq'uel i wut trigo”. Mi' yʌl ja'el: “Yom mi' yʌq'uentel i tojol jini x'e'tel”, che'en.

Santiago 5:4

La' wilan c'am woli ti t'an jini taq'uin, come ma'anic tsa' la' tojo x'e'telob la' cha'an tsa' bʌ i tsepbeyetla la' jamil. Tsa' c'oti i t'an la' waj tsep jamob ti' chiquin lac Yum, jiñʌch i Yum panchan yic'ot pañimil.