Levitico 19:12 - Chol: I T’an Dios

¹² Mach la' lon wa'chocon la' t'an cha'an jini mach bʌ isujmic, ame che'ic mi la' juch' tec'beñon j c'aba', come la' Yumon, la' Dioson.

Chol de Tumbalá Bible

¹² Mach la' lon wa'chocon la' t'an cha'an jini mach bʌ isujmic, ame che'ic mi la' juch' tec'beñon j c'aba', come la' Yumon, la' Dioson.

Jiñi Tsiji' bʌ Wen T'añ cha'añ Estudio

¹² “Mach mi la' lon wa'chocon la' t'añ tij c'aba', come che' jiñi mi la' bi'b-esan j c'aba', come Joñon, la' Yumon.”

Levitico 19:12 Iomraidhean Croise

Salmos 15:4

Mach wenic mi' q'uel jini xjontolil. Mi' c'uxbin jini mu' bʌ i bʌc'ñañob Dios. Mi' ts'ʌctesan i t'an anquese wocol mi' yubin.

Exodo 20:7

Mach a lon tajben i c'aba' a Yum a Dios, come a Yum ma'anic mi caj i ñusʌben i mul jini mu' bʌ i lon tajben i c'aba'.

Isaias 48:1

Ñich'tan c t'an, i yalobil Jacob, ochem bʌ a c'aba ti Israel, i p'olbalet bʌ Judá. Ma' wa'chocon a t'an ti' c'aba' lac Yum. Ma' lon sub ñopol a cha'an i Dios Israel, pero mach xuc'uletic yic'ot. Mach jump'ejlic a pusic'al.

Jeremias 34:16

Pero tsa' la' cha' q'uexta la' t'an. Tsa' la' bib'esa j c'aba' che' bʌ tsa' la' cha' chucu ti la' wenta jini yomo' bʌ ajñel ti libre. Tsa' la' cha' cʌchʌyob cha'an mi' wersa melob la' we'tel.

Jeremias 4:2

Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

Jeremias 5:2

Che' mi' wa'chocoñob i t'an, mi' cha'leñob lot anquese mi' yʌlob j c'aba': “Cuxul lac Yum”, lon che'ob. Che' tsi' yʌlʌ lac Yum.

Jeremias 7:9

Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Levitico 18:21

Mach ma' lon ac' a walobil cha'an i majtan dios Moloc. Mach ma' pul ti' pulʌntib. Mach ma' p'ajben i c'aba' Dios come la' Dioson, la' Yumon.

Levitico 20:3

Joñon ja'el mi caj j contrajin jini winic. Mi caj c choc loq'uel ti' tojlel i pi'ʌlob, come tsa'ix i yʌc'ʌ i yalobil cha'an i majtan Moloc. Tsa'ix i bib'esa jini Ch'ujul bʌ Ajñibʌl. Tsi' juch' teq'ue jini ch'ujul bʌ j c'aba'.

Levitico 24:11

Che' woli ti leto i yalobil jini egipto, tsi' p'ajbe i C'aba' lac Yum. I c'aba' i ña' jiñʌch Selomit, i yalobil jini Dibri loq'uem bʌ ti' p'olbal Dan. Tsa' pʌjyi ba'an Moisés jini winic tsa' bʌ i cha'le p'ajoñel.

Levitico 6:3

o mi tsi' loto chuqui tsa' sajti pero ma'anic tsi' tsictesa, mi tsi' cha'le lot cha'an mi' muc i mul, che' jini an i mul.

Zacarias 5:3

Tsi' subeyon: Ili jun i yejtalʌch wocol tilem bʌ ti Dios mu' bʌ caj i ñumel ti pejtelel pañimil. Ts'ijbubil ili t'an: “Dios tsa'ix i mele pejtel xujch'ob yic'ot pejtel xlotob. Mi caj i laj jisʌntelob.

Zacarias 5:4

Wolic choc majlel ili t'an ti' yotot jujuntiquil xujch' yic'ot jujuntiquil mu' bʌ i c'ʌn j c'aba' ti jop't'an. Jini wocol mi' caj ti jalijel ya' ti' yotot jinto mi' laj jisan”. Che' tsi' yʌlʌ i Yum Panchan yic'ot Pañimil, che'en jini ángel.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Deuteronomio 5:11

Mach a lon tajben i c'aba' a Yum Dios cha'an chuqui mi caj a mel, come a Yum ma'anic mi caj i ñusʌben i mul jini mu' bʌ i lon tajben i c'aba'.

Santiago 5:12

Quermanojob, jiñʌch ñumen uts'at bʌ che' ma'anic mi la' lon taj ti t'an panchan mi pañimil mi yambʌ t'an cha'an mi la' wa'chocon la' subal. Jasʌl jach mi la' wʌl che'ʌch yom o mach che'ic yom ame la' taj la' mul ti' tojlel Dios. Mi mach isujmic, mach i sujmic, che'etla, cha'an ma'anic mi la' pʌjyel la' mel la' bʌ.