Levitico 19:11 - Chol: I T’an Dios

¹¹ Mach la' cha'len xujch'. Mach yomic mi la' lotin la' pi'ʌlob.

Chol de Tumbalá Bible

¹¹ Mach la' cha'len xujch'. Mach yomic mi la' lotin la' pi'ʌlob.

Jiñi Tsiji' bʌ Wen T'añ cha'añ Estudio

¹¹ “Mach mi la' cha'len xujch', mach mi la' cha'len lot, mi yomic mi la' lotin la' pi'ʌlob.”

Levitico 19:11 Iomraidhean Croise

2 Samuel 17:20

Che' bʌ tsa' c'otiyob i winicob Absalón ya' ti otot, tsi' c'ajtibeyob jini x'ixic: ¿Baqui tsa' majliyob Ahimaas yic'ot Jonatán? che'en. Jini x'ixic tsi' jac'ʌ: Tsa'ix c'axiyob ya' ti' junwejl ja', che'en. Ti ora jach tsa' majliyob jini winicob cha'an mi' sʌclañob. Che' ma'anic tsi' tajayob tsa' cha' sujtiyob ti Jerusalén.

1 Reyob 13:18

Jini ñoxix bʌ winic tsi' sube: X'alt'añon ja'el che' bajche'et. Juntiquil i yángel lac Yum tsi' subeyon cha'an mic pʌyet ti cotot ti we'el uch'el, che'en.

Salmos 101:7

Ma'anic mi' caj ti chumtʌl ti cotot jini mu' bʌ i lotin i pi'ʌlob. Ma'anic mi caj i yajñel ba' añon jini mu' bʌ i cha'len lot.

Salmos 116:11

Tsa cʌlʌ xlotob pejtel winicob, Come tsac lon ña'ta mach lajmicon.

Exodo 20:15

Mach a cha'len xujch'.

Exodo 20:16

Mach a cha'len jop't'an ti' contra a pi'ʌl.

Exodo 20:17

Mach a mulʌben i yotot a pi'ʌl, mi i yijñam mi i winic, mi i criada, mi i wacax, mi i burro, mi yambʌ chuqui tac an i cha'an. Che' tsi' yʌlʌ Dios.

Exodo 22:1

Majqui jach mi' xujch'in mi wacax mi tiñʌme', mi tsi' tsʌnsa, mi tsi' choño, wersa mi' q'uextʌben i yum jo'cojt wacax mi chʌncojt tiñʌme'.

Exodo 22:7

Che' an chuqui ma' wʌq'uen a pi'ʌl cha'an mi' cʌntʌbeñet mi taq'uin mi a wʌlac', mi tsa' xujch'ibenti loq'uel ya' ba' lotol, mi tsa' tajle jini xujch', wersa mi' toj cha'yajl.

Exodo 23:1

Mach ma' p'ojlesan t'an che' mach a wujilic mi isujm. Mach ma' cha'len lot cha'an ma' mucben i mul xjontolil.

Proverbios 24:28

Mach ma' lon pucbeñob i mul a pi'ʌlob che' mach anic ti a wenta. Mach yomic ma' lotin a pi'ʌlob ti uts bʌ t'an.

Jeremias 6:13

Ti pejtelob añob i mul, jini ñuco' bʌ yic'ot jini ch'o'ch'oco' bʌ. Mi' ch'ʌmob taq'uin ñumen bajche' yom. Ti pejtelelob mi' cha'leñob lotiya. Che'ʌch mi' melob ja'el jini x'alt'añob yic'ot jini motomajob.

Levitico 19:10

Mach yomic mi la' laj tuc'ben i wut la' ts'usubil. Mach la' chʌn lot jini mu' bʌ i yajlel ti lum, come i cha'anix jini pump'uño' bʌ yic'ot jini ñajt bʌ ch'oyolob. Ña'tanla iliyi come la' Yumon la' Dioson.

Romanos 3:4

Ma'anic. Anquese xlotob pejtelel winicob, mach yujilic lot Dios. Che' bajche' ts'ijbubil ti Salmos: “Tojʌch chuqui mi' yʌl Dios ti pejtelel ora. Ma'anic majqui mi mejlel i yʌl mach tojic Dios”, che'en.

Efesios 4:25

Jini cha'an cʌyʌla lot. Cha'lenla t'an ti isujm ti jujuntiquiletla yic'ot la' pi'ʌlob, come lac pi'ʌlʌch lac bʌ.

Efesios 4:28

Jini tsa' bʌ i cha'le xujch' mach i chʌn cha'len. La' i cha'len e'tel. La' i c'ʌn i c'ʌb cha'an wen bʌ i ye'tel. Che' jini mi mejlel i yʌq'uen i chubʌ'an jini anto bʌ yom i cha'an.

Deuteronomio 5:19

Mach a cha'len xujch'.

Colosenses 3:9

Mach mi la' lotin la' pi'ʌlob, come tsa'ix la' choco jini tsucul bʌ la' pusic'al yic'ot i melbal.

1 Timoteo 1:10

Tsa' ts'ijbunti cha'an mi' tijq'uelob jini mu' bʌ i cha'leñob ts'i'lel, yic'ot jini mu' bʌ i wʌlʌc pi'leñob i bʌ, yic'ot jini mu' bʌ i xujch'iñob winicob, yic'ot xlotob, yic'ot xjop't'añob, yic'ot yaño' bʌ bajche' jach mi' ñusañob toj bʌ cʌntesa.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.