Levitico 19:10 - Chol: I T’an Dios

¹⁰ Mach yomic mi la' laj tuc'ben i wut la' ts'usubil. Mach la' chʌn lot jini mu' bʌ i yajlel ti lum, come i cha'anix jini pump'uño' bʌ yic'ot jini ñajt bʌ ch'oyolob. Ña'tanla iliyi come la' Yumon la' Dioson.

Chol de Tumbalá Bible

¹⁰ Mach yomic mi la' laj tuc'ben i wut la' ts'usubil. Mach la' chʌn lot jini mu' bʌ i yajlel ti lum, come i cha'anix jini pump'uño' bʌ yic'ot jini ñajt bʌ ch'oyolob. Ña'tanla iliyi come la' Yumon la' Dioson.

Jiñi Tsiji' bʌ Wen T'añ cha'añ Estudio

¹⁰ Mach yomic mi la' laj tuc'ben i wut la' ts'usubil, mi yomic mi la' chʌn lot jiñi mu' bʌ i yajlel ti lum; yom mi la' cʌy come i cha'añix jiñi p'ump'uño' bʌ yic'ot jiñi ñajt bʌ ch'oyolob, come Joñon, la' Yumon, la' Dioson.”

Levitico 19:10 Iomraidhean Croise

Isaias 17:6

Ts'i'ta jax mi caj i cʌytʌlob winicob che' bajche' ts'i'ta jax mi' cʌytʌl i wut olivote' che' ujtemix ti tujq'uel, wʌjʌl p'ʌcʌl jax, che'en lac Yum i Dios Israel.

Isaias 24:13

Lajal mi caj i yujtel ti' tojlel winicob che' bajche' ti olivojil che' ujtemix i tuc'ob. Ts'ita jax mi caj i cʌytʌlob winicob.

Jeremias 49:9

Che' mi' tilelob winicob cha'an mi' tuc'ob ts'usub, ¿mach ba anic mi' cʌyob ts'ita'? Che' mi' tilelob xujch' ti ac'ʌlel, ¿mach ba anic mi' majlelob che' jasʌlix i xujch'?

Levitico 11:44

Come joñon la' Yumon, la' Dioson. Jini cha'an cʌntan la' bʌ cha'an mi la' wajñel ti ch'ujul, come ch'ujulon. Yom tsajiletla cha'an ma'anic mi la' pʌc' la' bʌ ti' chʌñil tac pañimil jexecña bʌ yic'ot tip'tip'ña bʌ mi' majlel tac ti lum.

Levitico 19:11

Mach la' cha'len xujch'. Mach yomic mi la' lotin la' pi'ʌlob.

Levitico 19:25

Che' ti' jo'p'ejlel jab mi mejlel la' c'uxben i wut jini te', come joñoñʌch la' Yumon la' Dioson.

Levitico 19:9

Che' mi la' tuc'ben i wut la' pʌc'ʌb, mach yomic c'ʌlʌl ti' ti' te'el mi la' lu' c'aj. Mach yomic mi la' chʌn lot jini tsa' bʌ yajli ti lum.

Levitico 23:22

Che' mi la' cha'len c'ajbal ti' la' chol, mach yomic c'ʌlʌl ti' ti'il mi la' c'aj. Mach yomic mi la' laj tuc' jini la' trigo ti' pejtelel. Yom mi la' cʌybeñob jini p'ump'uño' bʌ yic'ot jini ñajt bʌ ch'oyolob. Come joñonʌch la' Yumon la' Dioson.

Levitico 25:6

Pero chʌn jasʌl chuqui mi caj la' c'ux, jatetla yic'ot la' winicob yic'ot la' criadajob, yic'ot la' waj e'tel mu' bʌ i cha'len chumtʌl la' wic'ot.

Abdias 1:5

¡Wen p'ump'uñetla! Mi tsa' tiliyob xujch'ob cha'an mi' ch'ʌmob majlel la' chubʌ'an ti ac'ʌlel, cojach mi' xujch'iñob majlel chuqui tac yomob. Mi tsa' tiliyob winicob ba' añetla cha'an mi' tuc'ob ts'usub, ¿mach ba muq'uic i cʌyob i ch'oquel?

Miqueas 7:1

Obol jax c bʌ, come lajalon bajche' jini te' che' ujtemix i tuc'bentel i wut. Lajalon bajche' jini mu' bʌ i chʌcʌ sʌclan ts'usub yic'ot higo che' tsa'ix ñumi i yorajlel. Ma'anix mi' cʌytʌl mi ts'ita'ic cha'an mij c'ux, anquese cabʌl c wo'lel. Che' ja'el tsa'ix lu' jiliyob ti pañimil jini winicob tojo' bʌ i pusic'al. Ma'anix mi juntiquilic ila ti pañimil. Ti pejtelelob mi' cha'leñob tsʌnsa. Mi' chijtañob i pi'ʌlob che' bajche' xchijtaya me'.

Deuteronomio 24:19

Che' ma' tuc a trigo ya' ti' yajñib, mi tsa' cʌyʌ junsejm jini a trigo, mach chʌn majliquet a ch'ʌm tilel. La'ix cʌlec cha'an mi' ch'ʌm jini ñajt bʌ ch'oyolob, yic'ot jini meba'ob, yic'ot jini meba' x'ixicob. Che' jini lac Yum Dios mi caj i coltañet ti pejtelel a we'tel mu' bʌ a mel.

Deuteronomio 24:20

Che' ma' tujc'an majlel jini te' i c'aba' olivo, mach yomic ma' cha' sʌclʌben i wut tsa' bʌ cʌle. La' cʌlec cha'an jini ñajt bʌ ch'oyolob, yic'ot jini meba'ob, yic'ot meba' x'ixicob.

Deuteronomio 24:21

Che' ma' tuc' a ts'usub, mach yomic ma' laj tuc' ti pejtelel. Yom ma' cʌybeñob jini ñajt bʌ ch'oyolob, yic'ot jini meba' alʌlob, yic'ot meba' x'ixicob.

Juezob 8:2

Jini cha'an Gedeón tsi' subeyob: Mach yoque anic i c'ʌjñibal jini tsa' bʌ c cha'le, pero wen ñuc jini tsa' bʌ la' cha'le. Come lac Yum tsa'ix i yʌc'ʌ ti la' c'ʌb jini Oreb yic'ot Zeeb, jini yumʌlo' bʌ ti Madián. Jini cha'an, ¿chuqui i c'ʌjñibal jini tsa' bʌ c cha'le? che'en. Che' jini tsa' lajmiyob i mich'ajel che' bʌ tsi' yubiyob ili t'an.

xRut 2:2

Rut jini ch'oyol bʌ ti Moab tsi' sube Noemí: A wocolic la' majlicon ti jamil cha'an mic tempan cʌlejem bʌ cebada. Mux c tsajcan majlel jini stsep cebada mu' bʌ i q'uelon ti uts'at, che'en. I yʌ'lib tsi' sube Rut: Cucu calobil, che'en.