Levitico 18:25 - Chol: I T’an Dios

²⁵ Come tsa' wen p'ojli jontolil ti jini tejclum. Wolix cʌq'ueñob i toj i mul. Mi caj c chocob loq'uel ba' chumulob.

Chol de Tumbalá Bible

²⁵ Come tsa' wen p'ojli jontolil ti jini tejclum. Wolix cʌq'ueñob i toj i mul. Mi caj c chocob loq'uel ba' chumulob.

Jiñi Tsiji' bʌ Wen T'añ cha'añ Estudio

²⁵ yic'ot ja'el jiñi lum tsi' toyo jiñi mulil. Pero tsa'ix cʌq'ueyob i toj i mul, jiñi cha'añ jiñi lum tsa'ix i xejta loq'uel yilal jiñi wiñicob x'ixicob ya' bʌ chumulob.

Levitico 18:25 Iomraidhean Croise

1 Reyob 21:26

Wen jontol bajche' tsi' mele. Tsi' ch'ujutesa jini dios tac che' bajche' tsi' meleyob jini amorreojob tsa' bʌ i jisayob lac Yum ti' tojlel israelob.

Esdras 9:11

Jini x'alt'añob a cha'an tsi' subeyon lojon a t'an che' bajche' tsa' subeyob. Tsi' yʌlʌyob: “Pʌjq'uemix ti mulil jini lum ba' tilemetla ti chumtʌl, come cabʌl i jontolil jini wʌ' bʌ chumulob. Tsi' pam wa'chocoyob i melbal i c'ʌb mu' bʌ c ts'a'len”. Che' woli' yʌl lac Yum, che'ob.

Salmos 106:38

Tsi' bec'beyob i ch'ich'el i yalobilob mach bʌ añobic i mul, ch'itoñob yic'ot xch'ocob, Cha'an mi' yʌq'ueñob tsʌnsʌbil bʌ i majtan jini dioste' tac ti Canaán. Tsi' yʌc'ʌyob ti ts'a'lentel i lumal yic'ot i ch'ich'el i yalobilob.

Salmos 89:32

Che' jini mi caj c ju'sʌbeñob i pusic'al ti asiyal. Mi caj c jats'ob cha'an i mul.

Isaias 26:21

La' wilan, tal lac Yum ti panchan cha'an mi' yʌq'ueñob i toj i mul jini año' bʌ ti pañimil. Ma'anix mi mejlel i mucob i bʌ jini stsʌnsajob. Mux i tsictiyel i mul.

Jeremias 14:10

Lac Yum tsi' subeyon wen cabʌl jax i sajtemal i winicob. Mi' mulañob i xoy i bijlel. Ma'anic mi' tic'ob i bʌ. Jini cha'an ma'anic i ñusʌbentel i mul. I yorajlelix mi caj i tojob i mul.

Jeremias 16:18

Cha'yajl mi caj i tojob i mul cha'an tsi' bib'esayob c lum. Ya' ba' com chumtʌl tsi' p'ojlesayob i diosob. Leco mij q'uel i diosob che' bajche' ch'ujlelʌl ts'a'lebil bʌ c cha'an, che'en lac Yum.

Jeremias 2:7

Pero joñon tsac pʌyʌyetla tilel ti jini wen bʌ lum ba' wen yujil colel pʌc'ʌbʌl cha'an on mi cʌq'ueñet la' c'ux i wut te' yic'ot yambʌ c'uxbil bʌ. Che' bʌ tsa' ochiyetla, tsa' la' bibesa jini lum. Tsa' la' wʌc'ʌ ti ts'a'lentel jini c lum.

Jeremias 23:2

Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Jeremias 5:29

¿Mach ba muq'uic i tojob i mul? che'en lac Yum. Joñon mi caj cʌq'ueñob i toj i mul jini tejclum.

Jeremias 5:9

¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Jeremias 9:9

¿Mach ba yomic mi cʌc'ob ti wocol cha'an cabʌl i mul c tejclum? ¿Mach ba yomic mic sutq'uibeñob wocol cha'an che'ʌch woli' melob? che'en lac Yum.

Oseas 2:13

Mi caj cʌq'uen i toj i mul cha'an tsi' pulbe pom jini Baal dios. Tsi' ch'ʌlʌ i bʌ ti ujʌl yic'ot mʌtc'ʌb wen letsem bʌ i tojol. Tsa' majli i sʌclan i winic. Ma'anix tsi' chʌn ña'tayon. Jini cha'an mi caj i toj i mul. Jiñʌch laj cʌntesʌntel ti lac Yum.

Oseas 8:13

Jini israelob mi' yʌq'ueñoñob cotol bʌ c majtan. Mi' c'uxob jini we'elʌl, pero mach tijicñayic mij q'uel. Mach ñajʌyic c cha'an i mul. Mi caj c melob. Mi caj cʌq'ueñob i toj i mul. Mi caj i cha' majlelob ti majtan e'tel ti Egipto.

Oseas 9:9

Leco jax bajche' mi' melob che' bajche' tsi' meleyob ti Gabaa. Ma'anic mi' ñajʌyel i cha'an Dios. Mach jalix mi caj i yʌq'ueñob i toj i mul.

Levitico 18:26

Yom mi la' chʌn jac' jini c t'an yic'ot jini c mandar cha'an ma'anic mi la' mel ili mulil jatetla wʌ' bʌ chumuletla, yic'ot jini ñajt bʌ ch'oyolob mu' bʌ i cha'leñob chumtʌl la' wic'ot.

Levitico 18:28

Yom tsajaletla cha'an ma'anic mi la' mel jini mulil, cha'an ma'anic mic choquetla loq'uel ti jini lum che' bajche' jini ñaxan xcolelob ya' bʌ chumulob.

Romanos 8:22

Come la cujil temel woli ti ajacniyel pejtelel jini pañimil. Woli ti bajq'uel yilal c'ʌlʌl wʌle.

Deuteronomio 18:12

Come ts'a'lebil ti lac Yum pejtel mu' bʌ i melob che' bajche' jini. Che'ʌch mi' melob pejtel xchumtʌlob ya' ba' mi la' majlel ti chumtʌl. Jini cha'an lac Yum woli' chocob loq'uel ti la' tojlel.

Deuteronomio 21:23

mach yomic mi la' cʌyben i bʌc'tal ya' ti te' ti ac'ʌlel, pero yom mi la' wersa mucben i bʌc'tal ti jini jach bʌ q'uin, come chocbil ti Dios juntiquil mu' bʌ i joc'tʌl ti te'. Mach yomic mi la' wʌc' ti bib'an la' lum woli bʌ i yʌq'ueñetla lac Yum ya' ba' mi la' majlel ti chumtʌl.

Deuteronomio 9:5

Mach cha'anic tojetla mi cha'anic wen la' pusic'al mi caj la' wochel ti chumtʌl ti lum, pero cha'an jontolob. Jini cha'an lac Yum mi caj i chocob loq'uel ti la' tojlel cha'an mi' ts'ʌctiyel i t'an tsa' bʌ i wʌn subeyob la' ñojte'elob, Abraham yic'ot Isaac yic'ot Jacob.