Levitico 18:21 - Chol: I T’an Dios

²¹ Mach ma' lon ac' a walobil cha'an i majtan dios Moloc. Mach ma' pul ti' pulʌntib. Mach ma' p'ajben i c'aba' Dios come la' Dioson, la' Yumon.

Chol de Tumbalá Bible

²¹ Mach ma' lon ac' a walobil cha'an i majtan dios Moloc. Mach ma' pul ti' pulʌntib. Mach ma' p'ajben i c'aba' Dios come la' Dioson, la' Yumon.

Jiñi Tsiji' bʌ Wen T'añ cha'añ Estudio

²¹ “Mach yomic ma' wʌc' a walobil ti pulbil bʌ i majtañ Moloc, come che' jiñi mi caj la' wʌc' ti p'ajtʌl j c'aba'. Joñon, Yumʌlon.”

Levitico 18:21 Iomraidhean Croise

1 Reyob 11:33

Che'ʌch mic mel cha'an tsi' cʌyʌyon Salomón. Tsi' ch'ujutesa Astoret, jini x'ixic bʌ dios i cha'an sidoñajob, yic'ot Quemos i dios moabob, yic'ot Milcom i dios amoñob. Ma'anic tsi' jac'ʌ c mandar. Ma'anic woli' mel chuqui toj tic wut. Ma'anic woli' jac'beñon c t'an che' bajche' David i tat.

1 Reyob 11:7

Tsi' melbe i yotlel dioste' i c'aba' Quemos ya' ti Olivo wits am bʌ ti' tojel Jerusalén. Jiñʌch leco bʌ i dios moabob. Tsi' melbe i yotlel Moloc, i dios amoñob.

2 Reyob 16:3

Tsi' mele jontolil che' bajche' tsi' meleyob i reyob Israel. Tsi' pulu i yalobil cha'an i majtan jini dioste' tac che' bajche' tsi' meleyob jini chocbilo' bʌ loq'uel ti' lumal Israel cha'an ti' caj leco bʌ i melbal.

2 Reyob 17:31

Jini aveojob tsi' diosiyob Nibhaz yic'ot Tartac. Jini ch'oyolo' bʌ ti Sefarvaim tsi' puluyob ti c'ajc i yalobilob cha'an mi' ch'ujutesañob jini dios Adramelec yic'ot Anamelec. Jiñʌch tsa' bʌ i diosiyob Sefarvaim.

2 Reyob 21:6

Tsi' pulu juntiquil ch'iton bʌ i yalobil ti pulʌntib cha'an i majtan dioste'. Tsi' pejca xch'ʌcojelob. Tsi' wa'choco xwujtob yic'ot jini año' bʌ i ña'tʌbal tilem bʌ ti xiba. Tsi' yutsi mele chuqui tac leco ti' wut lac Yum. Tsi' techbe i mich'ajel lac Yum.

2 Reyob 23:10

Josías tsi' jembe i pulʌntib jini dios Tofet, am bʌ ti joctʌl i cha'an bʌ i yalobilob Hinom. Che' jini ma'anix majch tsa' chʌn mejli i pul i yalobil cha'an i majtan Moloc.

2 Cronicas 28:3

Tsi' pulbe i majtan ya' ti joctʌl i c'aba' Hinom. Tsi' yʌc'ʌ i yalobilob ti c'ajc i wenta pulbil bʌ i majtan che' bajche' tsi' cha'leyob jini winicob tsa' bʌ chojquiyob loq'uel ti' lumal cha'an mi' yochelob ti chumtʌl jini israelob.

Jeremias 19:5

Tsa' la' wa'chocobe i pulʌntib i majtan Baal ba' mi la' pul ti c'ajc la' walobilob. Mach c mandaric. Ma'anic tsac wis ña'ta j c'ajtibeñet.

Jeremias 32:35

Tsi' wa'chocobeyob i pulʌntib Baal ya' ti joctʌl i cha'an Hinom ba' mi' pulob jini ch'iton bʌ yic'ot xch'oc bʌ i yalobilob cha'an i ch'ujutesʌntel Moloc. Mach che'ic tsa cʌq'ueyob mandar. Mach tilemic tic pusic'al. Jiñʌch leco bʌ i melbal Judá woli bʌ i yʌsan ti ñuc bʌ i mul.

Jeremias 7:31

Ya' ti joctʌl Hinom tsi' wa'chocoyob chan bʌ i yajñib tac c'ajc i c'aba' Tofet ba' mi' pulob ch'iton bʌ yic'ot xch'oc bʌ i yalobilob. Mach che'ic tsac subeyob. Leco bajche' mi' melob. Mach tilemic tic pusic'al.

Ezequiel 20:26

Tsaj cʌyʌyob cha'an mi' bib'esañob i bʌ yic'ot i majtan tac tsa' bʌ cʌq'ueyob. Tsi' puluyob jini ñoj ñaxan bʌ i yalobilob cha'an i majtan tac i diosob. Tsa cʌlʌ uts'at mi' toj sajtel i pusic'al cha'an jini leco bʌ i melbal, cha'an mi' ña'tañob Yumʌloñʌch”.

Ezequiel 20:31

Mi la' tsʌnsʌben i majtan jini dioste' tac. Mi la' pul la' walobilob. Jini cha'an mach chʌn mejlix c ñich'tañetla. ¿Woli ba la' lon ña'tan, Israel, mi caj c chʌn jac'beñetla? Isujm mic subeñetla, ma'anic mi caj c jac'beñetla.

Ezequiel 23:37

Come tsi' cha'leyob i ts'i'lel yic'ot tsʌnsa. Tsi' c'uxbiyob i dioste'. Tsi' puluyob ti c'ajc jini calobilob tsa' bʌ i yʌc'ʌyob ti pañimil.

Levitico 19:12

Mach la' lon wa'chocon la' t'an cha'an jini mach bʌ isujmic, ame che'ic mi la' juch' tec'beñon j c'aba', come la' Yumon, la' Dioson.

Levitico 21:6

Yom ch'ujuletla tic tojlel. Mach mi la' juch'tec' j c'aba', come an ti la' wenta la' wʌq'ueñon c majtan, come la' Yumon la Dioson.

Levitico 22:32

Mach yomic mi la' lon pejcan j c'aba'. Yom mi la' ñuq'uesañon. Yom mi la' ch'ujutesañon ti' tojlel israelob. Come joñoñʌch mu' bʌ c sʌq'uesañetla. Tsac loc'sayetla ti Egipto cha'an mi la' wochel tic cha'an. Joñon la' Yumon, che'en.

Levitico 24:15

Che' ja'el yom ma' subeñob jini israelob: Pejtelel majqui jach mi' p'ajbeñon j c'aba' Dios, wersa mi' tsʌnsʌntel cha'an i tojol i mul. Pejtelel jini winicob la' i julob ti xajlel, mi israel, o mi mach israelic. Mi tsi' p'ajbeyon j C'aba', la' chʌmic jini winic.

Amos 2:7

Mi' yʌq'ueñob wocol bʌ e'tel jini p'ump'uño' bʌ. Mi' t'uchtañob che' bajche' ts'ubejn. Ñumen ti p'is mi' tic'lañob ti e'tel jini utso' bʌ. Jini ch'iton yic'ot i tat mi' comol pi'leñob jini jach bʌ xch'oc, cha'an mi' yʌc'ob ti wajlentel jini ch'ujul bʌ j c'aba'.

Amos 5:26

Tsa' la' ch'uyu ñumel la' dioste' tac yic'ot i t'uchlib, “i dios ec'”, lon che'etla, yic'ot pejtel i yejtal tsa' bʌ la' mele.

Miqueas 6:7

¿Tijicña ba i pusic'al lac Yum che' cabʌl mi cʌq'uen tat tiñʌme' yic'ot lujump'ejl mil p'isoñib but'ul bʌ ti aceite? ¿Yom ba mi cʌq'uen jini yʌx alʌl, i p'olbal c bʌc'tal, cha'an mi' ñusʌbeñon c mul?

Malaquias 1:12

Pero jatetla mi la' wʌc' j c'aba' ti wajlentel, che' mi la' wʌl ma'anic i c'ʌjñibal jini pulʌntib c cha'an, che' mi la' subeñob winicob x'ixicob uts'at mi' pʌybeñoñob tilel alʌc'ʌl mach bʌ wenic yic'ot c'am bʌ.

Hechos 7:43

Tsa'ix la' q'uechbe pisil bʌ i yotlel Moloc, yic'ot jini ec', i yejtal bʌ a dios Renfán. Tsa' la' mele cha'an mi la' ch'ujultesan. Joñon mi caj j c'axtesañetla ti junwejl Babilonia”, che'en.

Romanos 1:23

Tsi' cʌyʌyob jini ñuc bʌ Dios mach bʌ yujilic jilel. Tsi' diosiyob i yejtal winic mu' bʌ i jilel, yic'ot i yejtal te'lemut, yic'ot i yejtal jini cotol bʌ, yic'ot i yejtal jini jʌlʌcña bʌ.

Romanos 2:24

Come jini gentilob mi' p'ajbeñob i c'aba' Dios cha'an ti la' melbal che' bajche' ts'ijbubil.

Deuteronomio 12:31

Come ts'a'lebil ti' wut lac Yum pejtel chuqui mi' melob ti' c'aba' i diosob. Mi' pulob i yalobilob, ch'itoñob yic'ot xch'oc bʌ i yalobilob cha'an i majtan i dios tacob.

Deuteronomio 18:10

Mach yomic mi' yajñel ti la' tojlel mi juntiquilic mu' bʌ i pul ti c'ajc ch'iton mi xch'oc bʌ i yalobil. Mach yomic mi xtic'laya mi xwujt mi jini mu' bʌ i wʌn ña'tan chuqui mi caj i yujtel, mi jini mu' bʌ i yʌc' i bʌ ti' wenta ec',