Levitico 17:7 - Chol: I T’an Dios

⁷ Pero mach yomic mi' chʌn bajñel ac'ob majtañʌl winicob cha'an mi' yʌq'ueñob jini xibajob. Mach yomic mi' wis ñajʌyel la' cha'an ili mandar ti pejtelel ora.

Chol de Tumbalá Bible

⁷ Pero mach yomic mi' chʌn bajñel ac'ob majtañʌl winicob cha'an mi' yʌq'ueñob jini xibajob. Mach yomic mi' wis ñajʌyel la' cha'an ili mandar ti pejtelel ora.

Jiñi Tsiji' bʌ Wen T'añ cha'añ Estudio

⁷ Ma'añix ba' ora mi caj i chʌn aq'ueñob i majtañ jiñi xi'bajob, che' bajche' tsi' meleyob ti' ts'i'lel. Mach yomic mi' wis ñajʌyel la' cha'añ ili mandar ti pejtelel ora.”

Levitico 17:7 Iomraidhean Croise

2 Cronicas 11:15

Jeroboam tsi' bajñel wa'choco ti motomaj majqui jach yom i mel i ye'tel ya' ti bujbujtʌl ba' tsi' yʌc'ʌ i yejtal tac xiba yic'ot i yejtal tac wacax.

Salmos 106:37

Tsi' yʌc'ʌyob ti chʌmel ch'iton bʌ yic'ot xch'oc bʌ i yalobilob, Cha'an tsʌnsʌbil bʌ i majtan xibajob.

Salmos 106:39

Tsa' sojquiyob che' leco i melbalob. Cabʌlob i mul tsi' cha'leyob ts'i'lel.

Exodo 22:19

Mi an mu' bʌ i pi'len alʌc'ʌl wersa mi' tsʌnsʌntel.

Exodo 22:20

Wersa mi' tsʌnsʌntel jini mu' bʌ i yʌq'uen i majtan dioste'. Cojach lac Yum mi' yʌq'uentel i majtan.

Exodo 27:21

Yom mi la' wʌc' jini c'ajc ti Ch'ujul bʌ Ajñibʌl. Yom ma' wa'chocon Aarón yic'ot i p'olbalob cha'an mi' chʌcʌ q'uelob jini c'ajc ti ic'ajel yic'ot ti sʌc'ajel. Jiñʌch jump'ejl mandar yom bʌ ti' tojlel israelob ti pejtelel ora.

Exodo 32:8

Ti ora jach tsa' sajtiyob ya' ti bij ba' tsac pʌsbeyob. Tsa'ix i meleyob juncojt alʌ wacax ti oro. Tsa'ix i ch'ujutesayob. Tsa'ix i yʌq'ueyob i majtan tac. Tsa'ix i yʌlʌyob israelob: “Jiñʌch iliyi lac dios tsa' bʌ i loc'sayonla ti' lumal Egipto”, che'ob. Che' tsi' yʌlʌ lac Yum.

Exodo 34:15

Jini cha'an mach yomic mi la' laj la' t'an yic'ot jini año' bʌ ya' ti tejclum tac, come an cabʌlob ya'i mach bʌ anic mi' ñopoñob, mu' bʌ i ch'ujutesañob i diosob melbil tac bʌ. Mi caj i yʌq'ueñob i majtan i diosob. Mi caj i pʌyetla majlel cha'an mi la' c'uxben i we'el aq'uebilix bʌ i cha'an i diosob.

Jeremias 3:1

Mi an winic mu' bʌ i choc loq'uel i yijñam, ¿mu' ba caj i cha' pʌy mi tsa' pʌjyi cha'an yambʌ winic? Tic'bilix ti mandar come tic'lʌbilix jini x'ixic. ¿Mach ba bibi'ic ti' wut Dios jini lum ba' mi' melob che' bajche' jini? Pero jatet sts'i'lel x'ixiquet yilal. Cabʌl jini c'uxbibilo' bʌ a cha'an. Jumuc' jach mi' yajñelob a wic'ot, jumuc' jach ma' cha' tilel quic'ot, che'en lac Yum.

Ezequiel 23:8

Ma'anic tsi' cʌyʌ i ts'i'lel tsa' bʌ i ñopo ti Egipto, come che' xch'oc to tsa' bʌc' ajni yic'ot winic. Ya'i tsa' ñet'benti i chu' cha'an i ts'i'lel.

Levitico 17:8

Mic cha' subeñetla majqui jach mi' tsʌnsʌbeñon c majtan cha'an mi' bajñel ac' ti pulel, mi' ma'anic tsi' ch'ʌmʌ tilel ti' ti' jini Tabernáculo cha'an mi' yʌq'ueñon, wersa mi caj i chojquel loq'uel jini winic ti tojlel i pi'ʌlob.

Levitico 20:5

che' jini, joñon mi caj j contrajiñet yic'ot pejtelel a pi'ʌlob. Mi caj c choquet loq'uel tic tejclum yic'ot a pi'ʌlob woli bʌ i tsajcañob jini dioste' Moloc.

Levitico 3:17

Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Juan 12:31

Wʌle mi caj i mejlelob winicob x'ixicob ti pañimil cha'an i mul. Wʌle mi caj i chojquel loq'uel i yum jini pañimil.

Juan 14:30

Mach chʌn cabʌlix mic pejcañetla, come tal i yum pañimil. Ma'anic i p'ʌtʌlel tij contra.

1 Corintios 10:20

Pero jini sajtemo' bʌ, che' mi' yʌc'ob i majtan ti pulʌntib, woli' yʌq'ueñob xibajob. Ma'anic mi' yʌq'ueñob Dios. Mach comic mi la' tem ajñel yic'ot xibajob.

2 Corintios 4:4

Satanás, jiñʌch i dios jini jontolo' bʌ ti pañimil. Tsa'ix i yʌpbeyob i wut jini mach bʌ anic mi' ñopob Cristo, ame i q'uelob i sʌclel jini wen t'an ba' tsiquil i ñuclel Cristo i yejtal bʌ Dios.

Efesios 2:2

Ti yambʌ ora tsa' ajniyetla ti jontolil che' bajche' i tilel i cha'año' bʌ pañimil. Tsa' la' jac'be Satanás i yum pañimil mu' bʌ i yumañob xibajob, jini espíritu woli bʌ ti e'tel ti' pusic'al xñusa mandarob.

Deuteronomio 31:16

Lac Yum tsi' sube Moisés: Mi caj a majlel ba'an a ñojte'elob. Mi caj a chʌmel. Jixcu ili winicob x'ixicob, che' mi' c'otelob ti chumtʌl ya' ba'an yaño' bʌ tejclumob, mi caj i tsajcʌbeñob i dioste' tac. Mi caj i cʌyoñob. Mi caj i ñusʌbeñoñob jini xuc'ul bʌ t'an tsa' bʌ c mele quic'otob.

Deuteronomio 32:17

Tsi' tsʌnsʌbeyob i majtan tac xibajob mach bʌ diosobic. Tsi' tsajcayob tsiji' bʌ dioste' mach bʌ anic tsi' ch'ujutesayob i ñojte'elob.

Apocalipsis 9:20

Yambʌ winicob mach bʌ anic tsa' chʌmiyob ti jini wocol ma'anic tsi' cʌyʌyob i mel jontol bʌ i melbal. Ma'anic tsi' cʌyʌyob i ch'ujutesan xibajob, yic'ot dios oro tac, yic'ot dios plata tac, yic'ot dios c'ʌnc'ʌn taq'uin tac, yic'ot dios xajlel tac, yic'ot dios te' tac, mach bʌ anic mi' c'otel i wut, mach bʌ anic mi' yubin t'an, mach bʌ yujilic xʌmbal.