Levitico 17:5 - Chol: I T’an Dios

⁵ Che' jini tic'bilob jini israelob cha'an mach mi' tsʌnsʌbeñon c majtan ya' ti cholel. Yom mi' ch'ʌmbeñob tilel jini motomaj wʌ' ti' ti' jini Tabernáculo. Mi caj i pulbeñon i lewil cha'an tijicña mi cubin.

Chol de Tumbalá Bible

⁵ Che' jini tic'bilob jini israelob cha'an mach mi' tsʌnsʌbeñon c majtan ya' ti cholel. Yom mi' ch'ʌmbeñob tilel jini motomaj wʌ' ti' ti' jini Tabernáculo. Mi caj i pulbeñon i lewil cha'an tijicña mi cubin.

Jiñi Tsiji' bʌ Wen T'añ cha'añ Estudio

⁵ cha'añ ma'añic mi' tsʌnsʌbeñon c majtañ ya' ti cholel jiñi israelob, come yom mi' ch'ʌmbeñob tilel jiñi motomaj tic tojlel wʌ' ti ti' jiñi Tabernáculo ba' mi la' tempan la' bʌ, che' jiñi mi yʌq'ueñoñob c majtañ cha'añ i ñʌch'tʌlelob i pusic'al tic tojlel.

Levitico 17:5 Iomraidhean Croise

Genesis 21:33

Abraham tsi' pʌc'ʌ cipreste' ya' ti Beerseba. Tsi' pejca lac Yum ti' c'aba', jiñʌch Dios Am bʌ ti Pejtelel Ora.

Genesis 22:13

Abraham tsi' can q'uele pañimil. Tsi' q'uele juncojt i tat tiñʌme' ya' ti' pat, joc'ol i xulub ti' xʌc' te'. Abraham tsa' majli. Tsi' chucu jini tiñʌme'. Tsi' yʌq'ue Dios pulbil bʌ i majtan. I q'uexolʌch i yalobil.

Genesis 22:2

Dios tsi' yʌlʌ: Pʌyʌyix majlel ch'iton bʌ a walobil, jini cojach bʌ a walobil Isaac mu' bʌ a c'uxbin. Cucu ti lum i c'aba' Moríah. Aq'ueñon a walobil cha'an pulbil bʌ c majtan ya' ti jump'ejl wits mu' bʌ caj c pʌsbeñet, che'en.

Genesis 31:54

Jacob tsi' tsʌnsʌbe i majtan Dios ya' ti wits. Tsi' pʌyʌ i pi'ʌlob ti we'el. Tsi' c'uxuyob waj. Jump'ejl ac'ʌlel tsa' jaleyob ti wits.

1 Reyob 14:23

Tsi' wa'chocoyob oy ba' mi' cha'leñob ch'ujutesaya ya' ti bujbujtʌl. Tsi' meleyob dios tac. Tsi' yʌc'ʌyob ti jujump'ejl chan bʌ bujtʌl yic'ot ti yebal jujuntejc jupul bʌ te'.

1 Reyob 3:2

Jini israelob tsi' chʌn tsʌnsayob majtañʌl ya' ti bujbujtʌl, come maxto melbilic i yotot lac Yum.

1 Reyob 3:3

Salomón tsi' c'uxbi lac Yum. Tsi' jac'be i mandar David i tat. Tsi' chʌn tsʌnsa majtañʌl ya' ti bujtʌl tac. Tsi' chʌn pulu pom ya'i.

2 Reyob 16:4

Tsi' pulu majtañʌl tac yic'ot pom ya' ti bujbujtʌl, ti pulʌntib am bʌ ti yebal colem te'.

2 Reyob 17:10

Tsi' meleyob wa'al bʌ xajlel tac yic'ot dioste' tac ya' ti bujbujtʌl, yic'ot ti yebal jini yʌxte' ti pejtelel i lumal.

2 Cronicas 28:4

Che' ja'el tsi' tsʌnsa majtañʌl tac. Tsi' pulbe pom ya' ti bujbujtʌl ti yebal colem te'.

Exodo 24:5

Tsi' choco majlel ch'iton winicob cha'an mi' pulbeñob i majtan Dios. Tsi' tsʌnsʌbeyob alʌ tat wacax cha'an mi' yʌq'ueñob Dios wocolix i yʌlʌ.

Ezequiel 20:28

Che' bʌ tsac pʌyʌyob tilel ila ti lum tsa' bʌ cʌq'ueyob che' bajche' tsac subeyob i tatob, tsi' ch'ujutesayob dioste' tac ba'an colem te' tac ti bujbujtʌl. Ya' tsa' majli i tsʌnsʌbeñob i majtan cha'an mi' yutsi techbeñoñob c mich'ajel. Ya' tsi' puluyob jini xojocña bʌ pom. Tsi' bec'beyob jini japbil bʌ majtañʌl tac.

Ezequiel 22:9

An mu' bʌ i cha'leñob jop't'an cha'an mi' yʌc'ob ti chʌmel i pi'ʌlob. An mu' bʌ i c'uxbiñob dioste' tac ti bujbujtʌl. Leco i melbalob ti pejtelel la' lumal.

Ezequiel 43:27

Che' ti' waxʌcp'ejlel q'uin yic'ot c'ʌlʌl ti yan tac bʌ q'uin anix ti' wenta jini motomajob cha'an mi' tsʌnsañob jini la' wofrenda cha'an pulbil tac bʌ majtañʌl, yic'ot cha'an bʌ i ñʌch'tʌlel la' pusic'al. Che' jini mi caj c ch'ʌmetla tic wenta”, che'en lac Yum Dios.

Ezequiel 44:15

Pero jini motomajob yic'ot levíjob i yalobilo' bʌ Sadoc tsi' chʌn meleyob i motomajil ti Templo che' baqui ora jini israelob tsi' tʌts'ʌyob i bʌ tic tojlel cha'an mi' ch'ujutesañob dioste' tac. Jiñobʌch mu' bʌ caj i melbeñoñob que'tel cha'an mi' yʌc'ob i lewil yic'ot i ch'ich'el majtañʌl, che'en lac Yum Dios.

Levitico 17:6

Jini motomaj mi caj i tsijcʌben i ch'ich'el ya' ti pulʌntib ti' ti' jini Tabernáculo. Mi caj i laj pulben i lewil tac cha'an xojocña bʌ c majtan mu' bʌ c mulan.

Deuteronomio 12:2

Mi caj la' laj jisan pejtelel jini ajñibʌl tac baqui woli' ch'ujutesañob i dioste' ti' chañelal wits, yic'ot ti bujtʌl tac, yic'ot ti' yʌxñʌlel colem te'.