Levitico 17:16 - Chol: I T’an Dios

¹⁶ Mi ma'anic tsi' wuts'u i pislel, mi ma'anic tsi' cha'le ts'ʌmel, mi' cʌytʌl ti' bajñel wenta jini mulil. Che' tsi' yʌlʌ lac Yum.

Chol de Tumbalá Bible

¹⁶ Mi ma'anic tsi' wuts'u i pislel, mi ma'anic tsi' cha'le ts'ʌmel, mi' cʌytʌl ti' bajñel wenta jini mulil. Che' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

¹⁶ Mi ma'añic tsi' wuts'u i pislel, mi ma'añic tsi' cha'le ts'ʌmel, mi' cʌytʌl ti' bajñel wenta i mul.”

Levitico 17:16 Iomraidhean Croise

Isaias 53:11

Mi caj i taj i tijicñʌyel i pusic'al cha'an tsi' colta cabʌlob, cha'an tsa' mʌjli i cha'an che' bʌ tsi' yubi wocol. C winicʌch jini toj bʌ. Che' cʌmbilix i cha'an winicob mi caj i yʌc'ob ti q'uejlel ti toj, come i bajñel mi caj i cuchbeñob i mul.

Levitico 18:1

Lac Yum tsi' sube Moisés: Subeñob jini israelob: La' Yumon, la' Dioson.

Levitico 19:8

Majqui jach mi' c'uxe' ti yuxp'ejlel q'uin mi' taj i mul, come ma'anic mi' p'is ti wenta jini ch'ujul bʌ j c'aba'. Awilan jini winic wersa mi caj i chojquel loq'uel ti' tojlel i pi'ʌlob.

Levitico 20:17

Che' an winic mu' bʌ i pi'len i chich mi i yijtsin, mi xch'oc bʌ i yalobil i tat i ña', c'ax ñucʌch i mulil. Quisintic jax chuqui mi' mel. Wersa mi caj i tsʌnsʌntelob ti' wut pejtelel israelob. La' cʌlec i mul ti' wenta.

Levitico 5:1

Mi an tsa' bʌ i q'uele ti mulil juntiquil i pi'ʌl, mi tsi' wen ubi chuqui tsa' ujti, mi ma'anic tsi' tsictesa, mi' yajñel ti' wenta jini mulil.

Juan 13:8

Pedro tsi' sube: Ma'anic mi caj a pocbeñon coc ti pejtelel ora, che'en. Jesús tsi' sube: Mi ma'anic mic poquet, mach c cha'añetic, che'en.

Hebreos 9:28

Che' ja'el, Cristo junyajl jach tsa' ajq'ui cha'an mi' cuchbeñob i mul cabʌlob. Mi caj i tsictiyel ti' cha'yajlel cha'an mi' coltan jini woli bʌ i pijtañob, pero ma'anix mi caj i chʌn cuch mulil.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'an mi' jilel i p'ʌtʌlel mulil ti lac tojlel. Cuxulonixla cha'an yom mi lac mel chuqui toj. Lajmesʌbiletla cha'an tsa' lojwi lac Yum.