Levitico 17:11 - Chol: I T’an Dios

¹¹ Come i ch'ujlel mu' bʌ i yʌq'uen i cuxtʌlel jini alʌc'ʌl an ti' ch'ich'el. Tsa'ix cʌq'ueyet cha'an ma' tsijcan ya' ti pulʌntib cha'an i ñusʌntel la' mul ti' q'uexol i cuxtʌlel.

Chol de Tumbalá Bible

¹¹ Come i ch'ujlel mu' bʌ i yʌq'uen i cuxtʌlel jini alʌc'ʌl an ti' ch'ich'el. Tsa'ix cʌq'ueyet cha'an ma' tsijcan ya' ti pulʌntib cha'an i ñusʌntel la' mul ti' q'uexol i cuxtʌlel.

Jiñi Tsiji' bʌ Wen T'añ cha'añ Estudio

¹¹ come i cuxtʌlel jiñi alʌc'ʌl añ ti' ch'ich'el, come joñon tsa' cʌq'ueyetla cha'añ mi' tsijcʌntel ya' ti pulʌntib cha'añ mi' ñusʌntel la' mul, come jiñi ch'ich' jiñʌch mu' bʌ i yʌc' ti ñusʌntel la' mul.”

Levitico 17:11 Iomraidhean Croise

Genesis 9:4

Pero mach la' c'ux yic'ot i ch'ich'el come tic'bil. Jiñʌch i cuxtilel.

Levitico 1:5

Jini motomajob i yalobilob Aarón mi caj i tsʌnsañob jini alʌc'ʌl tic tojlel. Mi caj i ch'ʌmob jini ch'ich' cha'an mi' tsijcañob i joytʌlel i pulʌntib jini majtañʌl am bʌ ti' tojel i ti' jini Tabernáculo.

Levitico 16:11

Aarón mi caj i yʌc' ti tsʌnsʌntel jini alʌ tat wacax cha'an i bajñel mul yic'ot i mul jini año' bʌ ti' yotot. Mi caj i yʌc' cha'an i q'uexol i mul.

Levitico 17:12

Jini cha'an tsa'ix c subeyob jini israelob yic'ot jini ñajt bʌ ch'oyolob mach mejlic la' c'ux ch'ich'.

Levitico 17:14

Come i cuxtʌlel pejtelel cuxul tac bʌ an ti' ch'ich'el. Jini cha'an tsac subeyob jini israelob mach mejlic i wis c'uxob jini ch'ich', come jiñʌch i cuxtʌlel pejtel cuxul tac bʌ. Jini cha'an mi caj i wersa chojquel loq'uel ti jini tejclum majqui jach mi' c'ux.

Levitico 4:25

Jini motomaj mi caj i ts'aj i c'ʌb ya' ti' ch'ich'el chivo. Mi caj i bomben i xulub jini pulʌntib ba' mi' pulel jini majtañʌl. La' i bec' i colobal i ch'ich'el ya' ti' yebal jini pulʌntib.

Levitico 4:26

Pejtelel i lewil tac yom mi' pulel ya' ti jini pulʌntib che' bajche' mi' pulel i lewil yan tac bʌ majtañʌl mu' bʌ cʌq'uentel cha'an wocolix cʌlʌ. Che'ʌch mi caj i yʌc' majtañʌl jini motomaj cha'an i tojol i mul jini yumʌl. Mi caj i ñusʌbentel i mul.

Levitico 8:15

Moisés tsi' tsʌnsa jini alʌ tat wacax. Tsi' ts'aja i yal i c'ʌb ti' ch'ich'el. Tsa' caji i bomben i xulub am bʌ ti' xujc tac jini pulʌntib cha'an mi' sʌq'uesan. Tsi' beq'ue i colobal jini ch'ich' ya' ti' yebal jini pulʌntib. Che' jini tsi' sʌq'uesa yic'ot majtañʌl cha'an i tojol mulil. Moisés tsi' laj ch'ʌmbe i lewil i soyta', yic'ot i lewil i yolmal, yic'ot am bʌ ti cha'p'ejlel i cuchi'tun. Tsi' yʌc'ʌ ti pulel pejtelel i lewil ya' ti pulʌntib.

Mateo 20:28

Che'ʌch mi' mel i Yalobil Winic. Come ma'anic tsa' tili cha'an mi' coltʌntel. Tsa' tili cha'an mi' coltan winicob x'ixicob, cha'an mi' yʌc' i bʌ ti chʌmel cha'an i tojol i mul cabʌlob. Che' tsi' yʌlʌ Jesús.

Mateo 26:28

Jiñʌch c ch'ich'el cha'an jini xuc'ul bʌ t'an mu' bʌ i bejq'uel cha'an cabʌlob cha'an i ñusʌntel mulil.

Marcos 14:24

Jesús tsi' subeyob: Jiñʌch c ch'ich'el cha'an jini trato bʌ t'an mu' bʌ i bejq'uel cha'an cabʌlob.

Romanos 3:25

Come Dios tsi' wa'choco Cristo cha'an mi' tojbeñob i mul yic'ot i ch'ich'el, cha'an mi' lajmel i mich'ajel ti' tojlel pejtel mu' bʌ i ñopob. Che' jini tsiquil tojʌch Dios tsa' bʌ i to'ol q'uelbeyob i mul winicob x'ixicob ti yambʌ ora che' woli to i cuchbeñob i mul.

Romanos 5:9

Ñusʌbilix lac mul, añonixla ti' wenta Dios cha'an ti' ch'ich'el Cristo. Jini cha'an ñumen mi caj laj coltʌntel ti Cristo che'mi' tsictiyel i mich'ajel Dios.

Efesios 1:7

Che' bʌ tsa' chʌmi Cristo, tsi' yʌc'ʌyonla ti colel cha'an ti' ch'ich'el. Tsi' ñusʌbeyonla lac mul come wen on i yutslel.

Deuteronomio 12:23

Pero yom tsajiletla cha'an ma'anic mi' la' c'uxben i ch'ich'el, come i ch'ich'el i cuxtʌlelʌch. Jini cha'an mach yomic mi' la' c'uxben i cuxtʌlel yic'ot i bʌc'tal.

Colosenses 1:14

tsa' bʌ i yʌc'ʌyonla ti colel che' bʌ tsi' ñusʌbeyonla lac mul ti' ch'ich'el.

Colosenses 1:20

Cha'an ti' caj i ye'tel Cristo, Dios tsi' yuts'esa pejtelel chuqui an ti pañimil yic'ot panchan. Cristo tsi' ñʌch'choco pejtelel mu' bʌ i contrajin Dios che' bʌ tsa' bejq'ui i ch'ich'el ti cruz.

Hebreos 13:12

Che' ja'el Jesús tsi' yubi wocol ti junwejl i ti' tejclum cha'an mi' sʌq'uesañonla ti' bajñel ch'ich'el.

Hebreos 9:22

Che' bajche' mi' yʌl jini mandar, cojach yic'ot ch'ich' mi' sʌq'uesʌntel ti pejtelel. Machic mi' bejq'uel i ch'ich'el i majtan Dios, ma'anic i ñusʌntel mulil.

1 Pedro 1:2

Yajcʌbiletla che' bajche' tsi' wʌn ña'ta Dios lac Tat. Jini Espíritu woli' sʌq'uesañetla cha'an mi la' jac'ben Jesucristo, yic'ot ja'el cha'an mi la' mujlel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

1 Juan 2:2

Jiñʌch tsa' bʌ i yubi i mich'ajel Dios ti' caj lac mul, mach jinic jach lac mul pero i mul ja'el pejtelel año' bʌ ti pañimil.

Apocalipsis 1:5

yic'ot ja'el Jesucristo, jini xuc'ul bʌ Testigo mu' bʌ i yʌc' ti cʌjñel i sujmlel. Jiñʌch tsa' bʌ ñaxan tejchi loq'uel ba'an chʌmeño' bʌ. I yumʌch jini reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.