Levitico 17:10 - Chol: I T’an Dios

¹⁰ Che' ja'el mi an majqui mi' c'ux jini ch'ich', mi israel mi ñajt bʌ ch'oyolob, mi caj c choc loq'uel ti tejclum.

Chol de Tumbalá Bible

¹⁰ Che' ja'el mi an majqui mi' c'ux jini ch'ich', mi israel mi ñajt bʌ ch'oyolob, mi caj c choc loq'uel ti tejclum.

Jiñi Tsiji' bʌ Wen T'añ cha'añ Estudio

¹⁰ “Mi añ majqui mi' c'ux ch'ich' ti' tojlel israelob o ti' tojlel jiñi ñajt bʌ ch'oyolob ya' bʌ chumul la' wic'ot, mach uts'atic mi caj q'uel jiñi mu' bʌ i c'ux ch'ich', jiñi cha'añ mi caj c choc loq'uel ti' lumal,

Levitico 17:10 Iomraidhean Croise

Genesis 9:4

Pero mach la' c'ux yic'ot i ch'ich'el come tic'bil. Jiñʌch i cuxtilel.

2 Samuel 23:17

David tsi' yʌlʌ: C Yum, mach mejlic c jap ili ja'. ¿Mu' ba mejlel c japbeñob i ch'ich'el jini winicob tsajniyo' bʌ ba' bʌbʌq'uen mi' chʌmelob? che'en. Jini cha'an ma'anic tsi' japʌ David. Che'ʌch tsi' cha'leyob ili uxtiquil ch'ejl bʌ winicob.

Salmos 34:16

Pero mi' ts'a'len jini mu' bʌ i cha'leñob jontolil. Mi caj i jisañob cha'an ma'anic mi' chʌn ña'tʌntelob ti pañimil.

Exodo 30:33

Majqui jach mi' mel pom lajal bʌ bajche' iliyi mi caj i chojquel loq'uel ti' tejclum. Che'ʌch mi caj i yujtel ti' tojlel jini mu' bʌ i c'ʌn i bon joch winic”. Che' yom ma' subeñob israelob. Che' tsi' yʌlʌ lac Yum.

Jeremias 21:10

Come joñon wolij contrajin ili tejclum. Mach uts'atic mij q'uel. Mi caj cʌc' ti wocol. Mi caj cʌc' ti' c'ʌb jini rey ti Babilonia. Jini mi caj i jisan ti c'ajc, che'en lac Yum”. Che' yom mi la' subeñob.

Jeremias 44:11

Jini cha'an p'isila ti la' wenta chuqui wolic subeñet, che'en i Yum Panchan yic'ot Pañimil, i Dios Israel. La' wilan la' contrajon. Mi caj c chocbeñetla tilel ñuc bʌ wocol cha'an mic junyajlel jisan pejtel jini ch'oyolo' bʌ ti Judá tsa' bʌ i ñusʌbeyoñob c t'an.

Ezequiel 14:8

Mi caj c pʌsben c mich'lel jini winic. Mi caj cotsʌben i bʌq'uen yic'ot quisin. Mi caj c choc loq'uel ti' tojlel c cha'año' bʌ. Mi caj la' ña'tan la' Yumon.

Ezequiel 15:7

Mi caj j contrajiñob ti pejtelelob. Jini mu' bʌ i puts'tan c'ajc mi caj i jilel ti c'ajc. Mi caj la' ña'tan la' Yumon che' mij contrajiñob.

Ezequiel 33:25

Jini cha'an yom ma' subeñob: “Lac Yum Dios woli' yʌl: Mach mejliquetla come cabʌl la' mul. Mi la' c'ux we'elʌl yic'ot i ch'ich'el. Mi la' ch'ujutesan dioste' tac. Mi la' cha'len tsʌnsa. Ma'anic mi caj j coltañetla.

Ezequiel 44:7

Mach yomix mi la' chʌn pʌy tilel yambʌ winicob mach bʌ tsepbilobic i pʌchʌlel yic'ot jini jontolo' bʌ i pusic'al ya' ti Ch'ujul bʌ Ajñibʌl c cha'an, come jiñob mi' bib'esañob, che' mi' yʌc'ob jini c waj, yic'ot i lewil yic'ot i ch'ich'el jini majtañʌl. Tsa'ix la' ñusʌbeyon c t'an.

Levitico 17:11

Come i ch'ujlel mu' bʌ i yʌq'uen i cuxtʌlel jini alʌc'ʌl an ti' ch'ich'el. Tsa'ix cʌq'ueyet cha'an ma' tsijcan ya' ti pulʌntib cha'an i ñusʌntel la' mul ti' q'uexol i cuxtʌlel.

Levitico 19:26

Mach mi la' c'ux jini we'elʌl yic'ot i ch'ich'el. Mach mi la' lon ñop winic mu' bʌ i sub chuqui mi caj ti ujtel tac. Mach mi la' wotsan la' bʌ ti xwujt.

Levitico 26:17

Mi caj j contrajiñetla. Mi caj la' puts'el ti' tojlel la' contrajob. Majqui jach ts'a' mi' q'ueletla, mi caj i p'ump'un tic'lañetla. Mi caj la' to'o cha'len bʌq'uen che' ma'anic majch woli' yajñesañetla.

Levitico 3:17

Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Amos 9:4

Mi cʌchʌl mi' pʌjyelob majlel ti' lumal i contrajob, mi caj cʌc' mandar cha'an mi' tsʌnsʌntelob ti espada. Joñon mi caj j q'uelob cha'an mij contrajiñob. Ma'anic mi caj j coltañob, che'en lac Yum.

Hechos 15:20

Cojach yom mi la' ts'ijbubeñob ti jun cha'an mi' cʌyob i c'ux chuqui tac aq'uebil dioste', yic'ot chuqui tac milbil yic'ot i ch'ich'el, cha'an mi' cʌyob i ts'i'lel ja'el.

Hechos 15:29

Cʌyʌ la' c'ux jini tsʌnsʌbil bʌ i majtan dioste' yic'ot i ch'ich'el yic'ot jini milbil bʌ. Mach mi la' cha'len ts'i'lel. Mi uts'at mi la' cʌntan la' bʌ cha'an pejtelel jini, uts'at mi la' mel. Ajñenla ti la' wenlel”. Che'ʌch tsi' ts'ijbayob.

Deuteronomio 12:16

Cojach mach yomic mi la' c'uxben i ch'ich'el. Yom mi' la' bec' che' bajche' mi' la' bec' jini ja'.

Deuteronomio 12:23

Pero yom tsajiletla cha'an ma'anic mi' la' c'uxben i ch'ich'el, come i ch'ich'el i cuxtʌlelʌch. Jini cha'an mach yomic mi' la' c'uxben i cuxtʌlel yic'ot i bʌc'tal.

Deuteronomio 15:23

Mach yomic mi la' c'uxben i ch'ich'el. Beq'ue ti lum che' bajche' mi la' bec' ja'.

Hebreos 10:29

¿Mach ba ñumeniquix mi caj i toj i mul jini mu' bʌ i ts'a'len i Yalobil Dios? Che' mi' ñusan jini xuc'ul bʌ t'an yic'ot i ch'ich'el mu' bʌ i sʌq'uesañonla woli' ts'a'len jini Espíritu woli bʌ i pʌyonla ti' yutslel i pusic'al. Ña'tanla cabʌlix i mul jini winic. Cabʌl mi caj i taj wocol che' mi' toj i mul.

1 Samuel 14:32

Che' bʌ tsa' bʌjli q'uin jini winicob tsa' caji' ch'ʌmob i chubʌ'anob i contrajob. Tsi' ch'ʌmʌyob tiñʌme' tac, yic'ot wacax, yic'ot alʌ wacax. Tsa' caji' tsʌnsañob cha'an mi' bʌc' c'uxob yic'ot i ch'ich'el.

1 Samuel 14:33

Tsa' tili winic i suben Saúl: Jini winicob woli' cha'leñob mulil ti' contra lac Yum. Woli' c'uxob we'elʌl yic'ot i ch'ich'el, che'en. Saúl tsa' caji i tic' i winicob: Woli la' cha'len mulil. La'la ts'ʌlbeñon letsel ñuc tac bʌ xajlel wʌ'i, che'en.