Levitico 16:4 - Chol: I T’an Dios

⁴ Yom mi' cha'len ts'ʌmel. Yom mi' lʌp jini ch'ujul bʌ i bujc yic'ot i wex, yic'ot i cajchiñʌc' melbil bʌ ti lino bʌ pisil ti' pejtelel. Yom mi' cʌch ti' jol jini lino bʌ pisil.

Chol de Tumbalá Bible

⁴ Yom mi' cha'len ts'ʌmel. Yom mi' lʌp jini ch'ujul bʌ i bujc yic'ot i wex, yic'ot i cajchiñʌc' melbil bʌ ti lino bʌ pisil ti' pejtelel. Yom mi' cʌch ti' jol jini lino bʌ pisil.

Jiñi Tsiji' bʌ Wen T'añ cha'añ Estudio

⁴ Yom mi' cha'len ts'ʌmel, yom mi' lʌp jiñi ch'ujul bʌ i bujc melbil bʌ ti lino yic'ot i yalʌ wex lino bʌ pisil; yic'ot yom mi' cʌch i cajchiñʌc' melbil bʌ ti lino bʌ pisil yic'ot yom mi' cʌch ti' jol jiñi lino bʌ pisil.”

Levitico 16:4 Iomraidhean Croise

Exodo 28:2

Yom la' melben i pislel a wʌscun Aarón, ch'ujul bʌ, sʌc bʌ, yic'ot i t'ojol bʌ, cha'an mi' q'uejlel ti ñuc.

Exodo 29:4

Yom ma' pʌy majlel Aarón yic'ot i yalobilob ti' ti' jini Tabernáculo cha'an ma' pocbeñob i c'ʌb yic'ot i yoc ti ja'.

Exodo 30:20

Wersa yom mi' pocob i c'ʌb yic'ot i yoc che' bajche' jajayajl mi' yochelob ya' ti Tabernáculo yic'ot che' mi' lʌc'tesañob i bʌ ya' ti' t'ejl pulʌntib cha'an mi' pulbeñoñob c majtan. Che' jini ma'anic mi caj i chʌmelob.

Exodo 40:12

Yom ma' pʌy majlel Aarón yic'ot i yalobilob ba'an i ti' Tabernáculo. Yom ma' pocob yic'ot jini ja'.

Isaias 53:2

Tsa' coli ili Winic ti' tojlel Dios che' bajche' i buts i wi' te' mu' bʌ i pasel ti tiquin lum ba' mach wenix. Ma'anic bajche' yilal. Mach la comic laj q'uel. Che' mi laj q'uel jini winic, mach i t'ojolic mi laj q'uel. Ma'anic mi laj c'uxbin.

Ezequiel 44:19

Che' mi' loq'uelob ya' ti patio am bʌ ti jumpat, yom mi' cha' jochob tsa' bʌ i c'ʌñʌyob ya' ti mal. Che' jini yom mi' cʌyob ya' ti tsalʌl ti Ch'ujul bʌ Ajñibʌl. Muq'uix i cha' lʌpob yambʌ i pislel cha'an ma'anic mi' sʌq'uesañob ti' wut Dios jini winicob cha'an ti' pislelob.

Ezequiel 9:2

Awilan ya' ti' bijlel tejclum ti' ti' ts'ajc am bʌ ti' tojel norte woli' tilelob wʌctiquil winicob. Ti jujuntiquil an i yespada ti' c'ʌb cha'an mi' cha'len tsʌnsa. Juntiquil lʌpbil i cha'an lino bʌ i pislel, joc' cʌchbil i cha'an pluma yic'ot tinta ti' cajchiñʌc'. Tsa' laj ochiyob ti Templo ba' tsa' wa'leyob ti' tojel pulʌntib melbil bʌ ti bronce.

Levitico 16:23

Ti wi'il yom mi' cha' ochel Aarón ti Tabernáculo cha'an mi' joch i pislel tsa' bʌ i lʌpʌ cha'an mi yochel ti Ch'ujul bʌ Ajñibʌl. Ya' jach yom mi' cʌye'.

Levitico 16:24

La' i cha'len ts'ʌmel ya' ba'an sʌq'uesʌbil bʌ ja'. La' i cha' lʌp i pislel cha'an mi' loq'uel i yʌq'ueñon pulbil bʌ c majtan cha'an i bajñel mul yic'ot i mul jini winicob x'ixicob. Mi caj i ñusʌntel i bajñel mul yic'ot i mul jini israelob.

Levitico 16:32

An ti' wenta jini ñuc bʌ motomaj wa'chocobil bʌ ti' q'uexol Aarón cha'an mi' mel ili e'tel. La' i q'uextan i pislel. La' i lʌp jini sʌsʌc bʌ lino pisil jini ch'ujul bʌ.

Levitico 6:10

Che' ti sʌc'ajel jini motomaj mi caj i lʌp lino bʌ i pislel ti' pejtelel i cuctal, lino bʌ i borwex, yic'ot lino bʌ i bujc. Yom mi' much'quiben i tʌñʌl ya' ti pulʌntib. Che' jini much'ul jach mi' cʌy ya' ti' t'ejl pulʌntib.

Levitico 6:3

o mi tsi' loto chuqui tsa' sajti pero ma'anic tsi' tsictesa, mi tsi' cha'le lot cha'an mi' muc i mul, che' jini an i mul.

Lucas 1:35

Jini ángel tsi' sube: Mi caj i yochel jini Ch'ujul bʌ Espíritu ti a tojlel. I p'ʌtʌlel jini C'ax Ñuc Bʌ mi caj i moset. Jini cha'an jini ch'ujul bʌ alʌl mu' bʌ caj i yilan pañimil mux i pejcʌntel ti' Yalobil Dios.

Filipenses 2:7

Pero tsi' wen peq'uesa i bʌ. Tsa' ajni che' bajche' juntiquil am bʌ ti' yum. Tsi' yila pañimil che' bajche' winic.

Hebreos 10:22

Jini cha'an la' lac lʌc'tesan lac bʌ ba'an Dios ti jump'ejl lac pusic'al. Mach yomic tile bixel lac pusic'al che' mi lac ñop. Yom sʌq'uesʌbil lac pusic'al. Yom pocbil lac bʌc'tal ti yʌx bʌ ja'.

Hebreos 2:14

An i bʌc'tal yic'ot i ch'ich'el i yalobilob. Jini cha'an Jesús tsi' taja i bʌc'tal yic'ot i ch'ich'el ja'el cha'an mi' yʌc' i bʌ ti chʌmel. Che' bʌ tsa' chʌmi tsi' jisa jini am bʌ i p'ʌtʌlel cha'an mi' yʌc' ti chʌmel winicob x'ixicob, jiñʌch xiba.

Hebreos 7:26

Jesús jiñʌch c'ax ñuc bʌ la caj motomaj che' bajche' yom lac cha'an. Come ch'ujulʌch, ma'anic i jontolil, sʌc i pusic'al, mach xmulilic. Tsa'ix aq'uenti i ñuclel ti panchan.