Levitico 16:34 - Chol: I T’an Dios

³⁴ Pejtelel iliyi yom chʌn c'ajal la' cha'an ti pejtelel ora cha'an junyajl jach ti jujump'ejl jab mi' yʌpbentelob i mul israelob. Che' tsi' yʌlʌ lac Yum. Jini cha'an che'ʌch tsi' mele' Moisés che' bajche' tsi' sube lac Yum.

Chol de Tumbalá Bible

³⁴ Pejtelel iliyi yom chʌn c'ajal la' cha'an ti pejtelel ora cha'an junyajl jach ti jujump'ejl jab mi' yʌpbentelob i mul israelob. Che' tsi' yʌlʌ lac Yum. Jini cha'an che'ʌch tsi' mele' Moisés che' bajche' tsi' sube lac Yum.

Jiñi Tsiji' bʌ Wen T'añ cha'añ Estudio

³⁴ “Jiñʌch c mandar yom bʌ mi la' mel ti pejtelel ora cha'añ junyajl ti jujump'ejl ja'b mi' ñusʌbentelob i mul israelob.” Moisés tsi' mele che' bajche' tsi' yʌq'ue mandar lac Yum.

Levitico 16:34 Iomraidhean Croise

Exodo 27:21

Yom mi la' wʌc' jini c'ajc ti Ch'ujul bʌ Ajñibʌl. Yom ma' wa'chocon Aarón yic'ot i p'olbalob cha'an mi' chʌcʌ q'uelob jini c'ajc ti ic'ajel yic'ot ti sʌc'ajel. Jiñʌch jump'ejl mandar yom bʌ ti' tojlel israelob ti pejtelel ora.

Exodo 30:10

Jini Aarón, cojach junyajl yom ti jump'ejl jab mi' yʌc' majtañʌl cha'an mulil ya' ti' xulub jini pulʌntib. Yom mi' c'ʌmben i ch'ich'el jini majtañʌl cha'an bʌ mulil. Che' jini mi caj i yʌc' i tojol mulil ti jujump'ejl jab c'ʌlʌl ti pejtelel ora. C'ax ch'ujul tic tojlel. Che' tsi' yʌlʌ lac Yum.

Exodo 39:43

Tsi' q'uele Moisés jini e'tel. Che'ʌch tsi' meleyob ti' pejtelel che' bajche' tsi' yʌlʌ lac Yum. Che' jini Moisés tsi' yʌq'ueyob israelob i yutslel i t'an.

Levitico 17:1

Lac Yum tsi' sube Moisés: Suben Aarón yic'ot jini motomajob, yic'ot pejtelel israelob:

Levitico 23:28

Mi junchajpic e'tel yom mi' la' mel ti ili q'uin, come jiñʌch i q'uiñilel che' mi cʌq'uentel i tojol la' mul. Joñon la' Yumon la' Dioson.

Levitico 24:23

Moisés tsi' subeyob jini israelob cha'an mi' loc'sañob jini tsa' bʌ i cha'le p'ajoñel. Tsi' juluyob ti xajlel. Jini israelob tsi' meleyob che' bajche' lac Yum tsi' yʌlʌ.

Levitico 3:17

Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.

Numeros 29:7

Che' ñumenix lujump'ejl q'uin, yom mi la' cha' tempan la' bʌ ti la' pejtelel. Yom mi la' peq'uesan la' bʌ tic tojlel. Mach yomic mi la' cha'len e'tel.

Hebreos 10:14

Come ti jump'ejl jach bʌ i majtan Dios, tsa'ix i junyajlel weñ'esayob i pusic'al jini sʌq'uesʌbilo' bʌ.

Hebreos 10:3

Pero che' mi' chʌn tsʌnsʌbeñob i majtan ti jujump'ejl jab, chʌn añix i ña'tʌntel mulil.

Hebreos 9:25

Junyajl jach tsa' ochi ti panchan cha'an mi' yʌc' i bʌ. Mach che'ic bajche' jini ñuc bʌ motomaj mu' bʌ i yochel ti jujump'ejl jab ti C'ax Ch'ujul bʌ Ajñibʌl yic'ot ch'ich', mach bʌ i ch'ich'elic.

Hebreos 9:7

Pero ti cha'tsajlel i mal, cojach mi' yochel jini ñuc bʌ motomaj junyajl jach ti jump'ejl jab. Wersa mi' ch'ʌm ochel ch'ich' mu' bʌ i yʌc' cha'an i bajñel mul yic'ot i mul winicob x'ixicob che' mach tsajilobic i cha'an.