Levitico 16:26 - Chol: I T’an Dios

²⁶ Jini winic tsajni bʌ i cʌy jini tat chivo ya' ti colem bʌ i tiquiñal pañimil la' i wuts' i pislel. La' i cha'len ts'ʌmel. Ti wi'il yom mi' cha' ochel ti tejclum.

Chol de Tumbalá Bible

²⁶ Jini winic tsajni bʌ i cʌy jini tat chivo ya' ti colem bʌ i tiquiñal pañimil la' i wuts' i pislel. La' i cha'len ts'ʌmel. Ti wi'il yom mi' cha' ochel ti tejclum.

Jiñi Tsiji' bʌ Wen T'añ cha'añ Estudio

²⁶ Jiñi wiñic tsajñi bʌ i cʌy jiñi tat chivo cha'añ Azazel, la' i wuts' i pislel, la' i cha'len ts'ʌmel, ti wi'il mi' cha' ochel ti tejclum.”

Levitico 16:26 Iomraidhean Croise

Levitico 11:24

Majqui jach mi' tʌl jini chʌmen tac bʌ i chʌñil pañimil, bibi' c'ʌlʌl mi' yic'an pañimil.

Levitico 11:25

Majqui jach mi' tʌl jini chʌmen bʌ, wersa mi caj i wuts' i pislel ti ora. Wersa mi' cʌytʌl ti' yotot c'ʌlʌl mi' bʌjlel q'uin.

Levitico 11:27

Mach mejlic la' c'ux jini bʌte'el moch'ol tac bʌ mi' c'otel i yoc ti lum. Majqui jach mi' tʌl che' chʌmenix i bʌc'tal, bibi' mi' cʌytʌl c'ʌlʌl mi' bʌjlel q'uin.

Levitico 11:28

Majqui jach mi' ch'uyben majlel i bʌc'tal, wersa mi caj i wuts' i pislel ti ora. Bibi' mi' cʌytʌl c'ʌlʌl mi' bʌjlel q'uin, come tic'bilʌch.

Levitico 11:31

Majqui jach mi' tʌl chʌmen bʌ i bʌc'tal, bibi' mi' cʌytʌl c'ʌlʌl mi' bʌjlel q'uin.

Levitico 11:32

Che' ja'el ya' ba' mi' chʌmel jini bʌte'el, bibi' mi' cʌytʌl c'ʌlʌl mi' bʌjlel q'uin, mi te', mi bujcʌl mi coxtal, mi pʌchi. Wersa yom mi' yotsʌntel ti' mal jini ja'. Wi'il cha' anix i c'ʌjñibal.

Levitico 11:39

Che' an juncojt bʌte'el mu' bʌ mejlel la' c'ux, mi tsa' chʌmi cha'an i c'amʌjel, majqui jach mi' tʌlben i bʌc'tal, bibi' mi' cʌytʌl c'ʌlʌl mi' bʌjlel q'uin.

Levitico 11:40

Majqui jach mi' c'ux jini chʌmen bʌ alʌc'ʌl yic'ot majqui jach mi' ch'ʌmben majlel i bʌc'tal, la' i wuts' i pislel. Bibi' mi' cʌytʌl c'ʌlʌl mi' bʌjlel q'uin.

Levitico 14:8

Jini winic tsa' bʌ lajmi mi caj i wuts' i pislel. Mi caj i tsepben pejtelel i tsutsel i cuctal, mi caj i cha'len ts'ʌmel. Mi mejlel i cha' majlel ti chumtʌl ti' mal jini tejclum. Pero anto yom mi' ñumel wucp'ejl q'uin cha'an mi' cha' ochel ti pisil bʌ i yotot.

Levitico 15:27

Majqui jach mi' yochel ya' ti otot, mi tsi' tʌlʌ jini wʌyibʌl mi jini tem, wersa yom mi' wuts' i pislel. Yom mi' cha'len ts'ʌmel, pero bibi' to mi' cʌytʌl c'ʌlʌl mi' bʌjlel q'uin.

Levitico 16:10

Pero jini yambʌ chivo mach yomic mi' tsʌnsʌntel, yom cuxul tic tojlel. Aarón mi caj i yʌc' i c'ʌb ti' pam i jol jini chivo cha'an mi' cuch majlel jini mulil. Mi caj i col majlel jini cuxul bʌ chivo cha'an mi' ch'ʌm majlel jini mulil yilal ya' ti colem bʌ i tiquiñal pañimil.

Levitico 16:25

Yom mi' laj pulel ya' ti pulʌntib i lewil chivo cha'an i tojol mulil.

Levitico 16:28

Jini mu' bʌ majlel i pule' la' i wuts' i pislel. La' i cha'len ts'ʌmel. Ti wi'il mi caj i cha' ochel ti' mal jini tejclum.

Levitico 16:8

Jini Aarón la' i cha'len yajcaya ti alas cha'an mi' tsictiyel baqui bʌ jini cha'cojt chivo mi cʌq'uentel yic'ot baqui bʌ yom mi' colel.

Numeros 19:21

Jini cha'an yom mi' jajq'uel ili mandar ti pejtelel ora. Che' an majqui mi' tsijcan ti ja' yambʌ winic, wersa yom mi' wuts' i pislel ja'el. Che' an majqui mi' tʌl jini ja' mu' bʌ ti sʌq'uesaya, bibi' mi' cʌytʌl c'ʌlʌl mi' bʌjlel q'uin.

Hebreos 7:19

Come jini mandar ma'anic tsa' mejli i yʌq'ueñonla lac p'ʌtʌlel cha'an ts'ʌcʌl mi lac jac'. Pero tsa' tili wen uts'at bʌ lac pijtaya yic'ot Cristo. Jini cha'an mi mejlel lac lʌc'tesan lac bʌ ba'an Dios.