Levitico 16:23 - Chol: I T’an Dios

²³ Ti wi'il yom mi' cha' ochel Aarón ti Tabernáculo cha'an mi' joch i pislel tsa' bʌ i lʌpʌ cha'an mi yochel ti Ch'ujul bʌ Ajñibʌl. Ya' jach yom mi' cʌye'.

Chol de Tumbalá Bible

²³ Ti wi'il yom mi' cha' ochel Aarón ti Tabernáculo cha'an mi' joch i pislel tsa' bʌ i lʌpʌ cha'an mi yochel ti Ch'ujul bʌ Ajñibʌl. Ya' jach yom mi' cʌye'.

Jiñi Tsiji' bʌ Wen T'añ cha'añ Estudio

²³ Ti wi'il mi' cha' majlel Aarón ti Tabernáculo ba' mi la' tempan la' bʌ cha'añ mi' joch i pislel tsa' bʌ i lʌpʌ che' bʌ tsa' ochi ti Ch'ujul bʌ Ajñibʌl yic'ot ya' yom mi' cʌy i pislel.

Levitico 16:23 Iomraidhean Croise

Ezequiel 42:14

Che' mi' loq'uelob ti Ch'ujul bʌ Ajñibʌl jini motomajob, yom mi' q'uextañob i pislel cha'an mi mejlel i majlel ti patio ti jumpat. Mi' cʌyob i bujc cha'an motomajil come ch'ujul tac jini bujcʌl. Mi caj i xojob yambʌ i bujcob. Che' jini mi mejlel i ñochtañob winicob.

Ezequiel 44:19

Che' mi' loq'uelob ya' ti patio am bʌ ti jumpat, yom mi' cha' jochob tsa' bʌ i c'ʌñʌyob ya' ti mal. Che' jini yom mi' cʌyob ya' ti tsalʌl ti Ch'ujul bʌ Ajñibʌl. Muq'uix i cha' lʌpob yambʌ i pislel cha'an ma'anic mi' sʌq'uesañob ti' wut Dios jini winicob cha'an ti' pislelob.

Levitico 16:22

Jini i tat chivo mi' ch'ʌmbeñob majlel i mul pejtelel winicob ya' ti lum, ya' ba' ma'anic xchumtʌl. Jini winic mi' caj i col jini chivo ya' ti' tiquiñal pañimil.

Levitico 16:4

Yom mi' cha'len ts'ʌmel. Yom mi' lʌp jini ch'ujul bʌ i bujc yic'ot i wex, yic'ot i cajchiñʌc' melbil bʌ ti lino bʌ pisil ti' pejtelel. Yom mi' cʌch ti' jol jini lino bʌ pisil.

Levitico 6:11

Ti wi'il yom mi' cha' q'uextan i pislel cha'an mi' lʌp yambʌ i bujc. Che' jini yom mi' loc'san jini tan ya' baqui sʌc pañimil.

Romanos 8:3

Jini mandar ma'anic tsa' mejli i coltañonla, come c'uñonla cha'an lac tsucul pusic'al, pero tsa' mejli i coltañonla Dios che' bʌ tsi' choco tilel i Yalobil cha'an mi' toj lac mul. I Yalobil Dios tsi' ch'ʌmʌ i bʌc'tal lajal bajche' lac cha'an am bʌ i pʌyol ti mulil. Tsi' yʌc'ʌ i bʌ ti chʌmel cha'an mi' toj lac mul, cha'an mi' jilel i p'ʌtʌlel mulil am bʌ ti lac bʌc'tal.

Hebreos 9:28

Che' ja'el, Cristo junyajl jach tsa' ajq'ui cha'an mi' cuchbeñob i mul cabʌlob. Mi caj i tsictiyel ti' cha'yajlel cha'an mi' coltan jini woli bʌ i pijtañob, pero ma'anix mi caj i chʌn cuch mulil.