Levitico 16:18 - Chol: I T’an Dios

¹⁸ yom mi' loq'uel majlel ya' ba'an jini pulʌntib tic tojel, cha'an mi' pulbeñon c majtan cha'an sʌc mij q'uel jini pulʌntib. Yom mi' ch'ʌm tilel i ch'ich'el jini alʌ tat wacax yic'ot i ch'ich'el jini chivo. Yom mi' bomben i xulub tac jini pulʌntib.

Chol de Tumbalá Bible

¹⁸ yom mi' loq'uel majlel ya' ba'an jini pulʌntib tic tojel, cha'an mi' pulbeñon c majtan cha'an sʌc mij q'uel jini pulʌntib. Yom mi' ch'ʌm tilel i ch'ich'el jini alʌ tat wacax yic'ot i ch'ich'el jini chivo. Yom mi' bomben i xulub tac jini pulʌntib.

Jiñi Tsiji' bʌ Wen T'añ cha'añ Estudio

¹⁸ yom mi' loq'uel majlel ya' ba'añ jiñi pulʌntib am bʌ tic tojlel cha'añ sʌc mij q'uel jiñi pulʌntib: Mi caj i ch'ʌmben tilel i ch'ich'el jiñi tat wacax yic'ot i ch'ich'el jiñi chivo, mi caj i bomben i xulub tac jiñi pulʌntib.

Levitico 16:18 Iomraidhean Croise

Exodo 30:10

Jini Aarón, cojach junyajl yom ti jump'ejl jab mi' yʌc' majtañʌl cha'an mulil ya' ti' xulub jini pulʌntib. Yom mi' c'ʌmben i ch'ich'el jini majtañʌl cha'an bʌ mulil. Che' jini mi caj i yʌc' i tojol mulil ti jujump'ejl jab c'ʌlʌl ti pejtelel ora. C'ax ch'ujul tic tojlel. Che' tsi' yʌlʌ lac Yum.

Ezequiel 43:20

Yom ma' chucben lamital i ch'ich'el cha'an ma' wʌc' ya' ti' chʌnwejlel i xujc jini pulʌntib, yic'ot ti chʌnwejlel i xujc ba' mi' c'ajob i yo, yic'ot ti' joytʌlel i ti'il tac. Che'ʌch bajche' jini ma' sʌq'uesan.

Ezequiel 43:22

Ti yijc'ʌlal yom ma' tsʌnsan juncojt i tat chivo mach bʌ anic i c'amʌjel mi i lojwel cha'an i tojol mulil. Che' ja'el yom mi la' sʌq'uesan jini pulʌntib che' bajche' tsa' la' sʌq'uesa ti' ch'ich'el jini alʌ tat wacax.

Ezequiel 45:19

Jini motomaj yom mi' ch'ʌmben lamital i ch'ich'el cha'an mi' c'ʌn i bon i yoyel Templo, yic'ot ti' chʌnwejlel i xujc i buchlib jini pulʌntib, yic'ot ti' ts'ajquil ya' ba' mi la cochel ti jini patio am bʌ ti mal.

Levitico 16:16

Che' bajche' jini mi caj i yʌq'ueñon c majtan cha'an sʌc mij q'uel jini Ch'ujul bʌ Ajñibʌl, come tsa' bib'esʌnti cha'an i mulob israelob. Che'ʌch yom mi' sʌq'uesan ja'el jini Tabernáculo joyol bʌ ti winicob año' bʌ cabʌl i mul.

Levitico 16:17

Mach yomic mi yochel mi juntiquilic winic ya' ti' mal jini Tabernáculo che' mi' yochel Aarón ti Ch'ujul bʌ Ajñibʌl cha'an mi yʌc' ti ñusʌntel i mul winicob. Che' laj ujtemix i c'ajtin i ñusʌntel i bajñel mul yic'ot i mul i pi'ʌlob, yic'ot i mul pejtelel israelob

Levitico 4:18

Yom ja'el mi' ch'ʌm jini ch'ich' cha'an mi' bombembeñon i xulub jini pulʌntib am bʌ tic tojlel ti Tabernáculo. Jini i colobal jini ch'ich' la' i bec' ya' ti' yebal jini pulʌntib ya' ti' ti' jini Tabernáculo.

Levitico 4:25

Jini motomaj mi caj i ts'aj i c'ʌb ya' ti' ch'ich'el chivo. Mi caj i bomben i xulub jini pulʌntib ba' mi' pulel jini majtañʌl. La' i bec' i colobal i ch'ich'el ya' ti' yebal jini pulʌntib.

Levitico 4:7

Jini motomaj mi caj i c'ʌn lamital jini ch'ich' cha'an mi' bomben i xulub tac pulʌntib ba' mi' pulel pom tic tojlel ya' ti Tabernáculo. Jini i colobal jini ch'ich' la' i col ya' ti' yebal jini pulʌntib ya' ti' ti' jini Tabernáculo.

Numeros 28:22

Yom ja'el juncojt tat chivo cha'an i tojol la' mul.

Juan 17:19

Mi cʌq'ueñet c bʌ cha'an mi' yʌq'ueñetob i bʌ ja'el cha'an ti' sujmlel a t'an.

Hebreos 2:11

Jini mu' bʌ i sʌq'uesan winicob x'ixicob yic'ot jini mu' bʌ i sʌq'uesʌntelob an jach juntiquil i Tat ti pejtelob. Jini cha'an ma'anic mi' cha'len quisin Jesús che' mi' yermanojiñob.