Levitico 16:13 - Chol: I T’an Dios

¹³ Yom mi' yotsan jini xojocña bʌ perfume ti c'ajc tic tojel. Awilan i buts'il jini perfume mi caj i mose' jini ajñibʌl ti' pam Arca ba' mic ñusan mulil. Che' jini ma'anic mi caj i chʌmel.

Chol de Tumbalá Bible

¹³ Yom mi' yotsan jini xojocña bʌ perfume ti c'ajc tic tojel. Awilan i buts'il jini perfume mi caj i mose' jini ajñibʌl ti' pam Arca ba' mic ñusan mulil. Che' jini ma'anic mi caj i chʌmel.

Jiñi Tsiji' bʌ Wen T'añ cha'añ Estudio

¹³ Yom mi' yotsan jiñi xojocña bʌ ts'ac ti c'ajc tic tojlel, ixcu i buts'il jiñi perfume mi caj i mos jiñi ajñibʌl ti' pam Arca ba' mic ñusan mulil, cha'añ ma'añic mi' chʌmel.

Levitico 16:13 Iomraidhean Croise

Exodo 25:21

Yom ma' wʌq'uen i majc jini Arca ya' ti' pam. Mi caj a wotsan ti' mal jini Arca jini T'an mu' bʌ caj cʌq'ueñet.

Exodo 28:43

Aarón yic'ot i yalobilob mi caj i lʌpob che' mi' yochelob ya' ti Tabernáculo yic'ot che' mi' wa'tʌlob ti' tojlel jini pulʌntib, che' mi' cha'leñob que'tel ya' ti Ch'ujul bʌ Ajñibʌl. Che' jini ma'anic mi caj i tajob i mul cha'an ma'anic mi caj i chʌmelob. Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob.

Exodo 30:1

Che' ja'el yom ma' mel jump'ejl pulʌntib cha'an ba' ma' pulbeñon pom. Yom melbil ti acaciate'.

Levitico 22:9

Yom ts'ʌcʌl mi' jac'beñoñob c mandar, cha'an ma'anic mi' tajob i mul, cha'an ma'anic mi' chʌmelob, come joñoñʌch mu' bʌ c sʌq'uesañob.

Numeros 16:18

Che'ʌch tsi' meleyob. Tsi' ch'ʌmʌyob majlel pom ti' yajñib ti jujuntiquil. Tsi' yotsayob c'ajc yic'ot jini pom. Tsa' wa'leyob ya' ti' ti' jini Tabernáculo yic'ot Moisés yic'ot Aarón.

Numeros 16:46

Moisés tsi' sube Aarón: Ch'ʌmʌ i yajñib pom ti ora. Otsan jini nich c'ajc am bʌ ya' ti pulintib. Che' woli to ti pulel, cucu ti ajñel. Ch'ʌmʌ majlel ya' ba'an israelob cha'an mi' ñusʌbentelob i mul, come mich' lac Yum. Woli' pʌsbeñob i mich'ajel cha'an tsi' mich'leyob. Woliyobix ti chʌmel, che'en Moisés.

Numeros 4:15

Aarón yic'ot i yalobilob mi caj i pixob jini Ch'ujul bʌ Ajñibʌl, yic'ot pejtelel mu' bʌ i c'ʌjñel ya' ti Ch'ujul bʌ Ajñibʌl. Che' laj pixbilix mi caj i tilelob i yalobilob Coat cha'an mi' ch'ʌmob majlel che' mi' techob i xʌmbal. Pero mach mejlic i tʌlob jini ch'ujul tac bʌ ame chʌmicob. Jiñʌch ch'ujul bʌ i ye'tel i p'olbal Coat.

Numeros 4:20

Mach yomic mi' yochelob ti Ch'ujul bʌ Ajñibʌl i yalobilob Coat ame i q'uelob che' woli la' mos jini c'ax ch'ujul tac, ame chʌmicob.

Deuteronomio 33:10

Mi' cʌntesan i p'olbal Jacob bajche' yom melol yic'ot bajche' yom jac'ol a t'an. Mi' yʌq'ueñet a majtan ti pulʌntib cha'an xojocña ma' wubiben i yujts'il jini pulbil bʌ majtañʌl.

Hebreos 7:25

Jini cha'an mi mejlel i junyajlel coltan pejtel mu' bʌ i lʌc'tesañob i bʌ ba'an Dios ti' tojlel Jesús. Come chʌn cuxul ti pejtelel ora. Woli' chʌn tajob ti oración ti' tojlel Dios.

Hebreos 9:24

Come Cristo ma'anic tsa' ochi ti Ch'ujul bʌ Ajñibʌl melbil bʌ ti c'ʌbʌl, i yejtal jach bʌ panchan. Tsa' ochi ti panchan, jini mero Ch'ujul bʌ Ajñibʌl ba' woli' pʌs i bʌ ti' tojlel Dios cha'an mi' coltañonla.