Levitico 16:12 - Chol: I T’an Dios

¹² Yom mi' ch'ʌm tilel i yajñib pom yic'ot i nich c'ajc tsa' bʌ i loc'sa ti pulʌntib ya' tic tojlel, yic'ot cha'mujch' xojocña bʌ ts'ac wen juch'bil bʌ cha'an mi' ch'ʌm majlel ya' ti' junwejlel tsalʌl bʌ pisil.

Chol de Tumbalá Bible

¹² Yom mi' ch'ʌm tilel i yajñib pom yic'ot i nich c'ajc tsa' bʌ i loc'sa ti pulʌntib ya' tic tojlel, yic'ot cha'mujch' xojocña bʌ ts'ac wen juch'bil bʌ cha'an mi' ch'ʌm majlel ya' ti' junwejlel tsalʌl bʌ pisil.

Jiñi Tsiji' bʌ Wen T'añ cha'añ Estudio

¹² Ti wi'il yom mi' ch'ʌm tilel i yajñib pom but'ul bʌ ti ñich c'ajc tsa' bʌ i loc'sa ti pulʌntib ya' tic tojlel, yic'ot cha'mujch' xojocña bʌ ts'ac wen juch'bil bʌ cha'añ mi' ch'ʌm majlel ya' ti' junwejlel tsalʌl bʌ pisil.

Levitico 16:12 Iomraidhean Croise

Exodo 31:11

Pejtelel jini tsa' bʌ c subeyet, cha'an jini aceite, cha'an bojñibʌl yic'ot jini xojocña bʌ pom, cha'an mi' c'ʌjñel ya' ti Ch'ujul bʌ Ajñibʌl, jiñob mi caj i laj melob. Che' tsi' yʌlʌ lac Yum.

Exodo 37:29

Che' ja'el tsi' c'ʌñʌ i ña'tʌbal cha'an mi' chajpan ch'ujul bʌ aceite cha'an bojñibʌl. Tsi' mele uts'at bʌ xojocña bʌ pom ja'el.

Levitico 10:1

Pero jini Nadab yic'ot Abiú, i yalobilob Aarón, leco bajche' tsi' meleyob. Tsi' bajñel tsuc'uyob c'ajc ti' yajñib pom. Tsi' yotsayob pom ya' ti pam c'ajc ti' tojlel lac Yum. Tsi' puluyob pom yic'ot c'ajc mach bʌ ch'ujulic. Leco tsi' q'uele lac Yum.

Numeros 16:18

Che'ʌch tsi' meleyob. Tsi' ch'ʌmʌyob majlel pom ti' yajñib ti jujuntiquil. Tsi' yotsayob c'ajc yic'ot jini pom. Tsa' wa'leyob ya' ti' ti' jini Tabernáculo yic'ot Moisés yic'ot Aarón.

Numeros 16:46

Moisés tsi' sube Aarón: Ch'ʌmʌ i yajñib pom ti ora. Otsan jini nich c'ajc am bʌ ya' ti pulintib. Che' woli to ti pulel, cucu ti ajñel. Ch'ʌmʌ majlel ya' ba'an israelob cha'an mi' ñusʌbentelob i mul, come mich' lac Yum. Woli' pʌsbeñob i mich'ajel cha'an tsi' mich'leyob. Woliyobix ti chʌmel, che'en Moisés.

Deuteronomio 33:10

Mi' cʌntesan i p'olbal Jacob bajche' yom melol yic'ot bajche' yom jac'ol a t'an. Mi' yʌq'ueñet a majtan ti pulʌntib cha'an xojocña ma' wubiben i yujts'il jini pulbil bʌ majtañʌl.

Hebreos 9:14

Ñumen i c'ʌjñibal i ch'ich'el Cristo. Come mi' poc loq'uel ti lac pusic'al jini tsucul bʌ lac melbal cha'an mi lac melben i ye'tel jini cuxul bʌ Dios. Ti' p'ʌtʌlel jini Espíritu mach bʌ ajnic mi' jilel, Cristo tsi' yʌc'ʌ i bʌ che' bajche' ch'ujul bʌ i majtan Dios mach bʌ anic i mul.

Hebreos 9:7

Pero ti cha'tsajlel i mal, cojach mi' yochel jini ñuc bʌ motomaj junyajl jach ti jump'ejl jab. Wersa mi' ch'ʌm ochel ch'ich' mu' bʌ i yʌc' cha'an i bajñel mul yic'ot i mul winicob x'ixicob che' mach tsajilobic i cha'an.

1 Juan 1:7

Pero mi woliyonla ti xʌmbal ti' sʌclel pañimil, che' bajche' mi' yajñel Dios ti' sʌclel pañimil, che' jini mi lac wen cʌn lac bʌ. I ch'ich'el Jesús i Yalobil Dios woli' sʌq'uesañonla ti pejtelel mulil.

Apocalipsis 8:5

Jini ángel tsi' ch'ʌmʌ i yajñib pom. Tsi' but'u ti' nich c'ajc loq'uem bʌ ti pulʌntib. Tsi' choco jubel ti pañimil. Tsa' tili i t'an chajc, yic'ot cabʌl t'an tac, yic'ot chajc yic'ot yujquel lum.