Levitico 15:15 - Chol: I T’an Dios

¹⁵ Jini motomaj mi caj i yʌc' juncojt cha'an i mul jini winic, yambʌ cha'an mic pulbentel c majtan. Jini motomaj mi caj i yʌq'ueñon cha'an mic ñusʌben i mul jini winic cha'an ti' caj tsi' choco i p'ʌtʌlel i bʌc'tal.

Chol de Tumbalá Bible

¹⁵ Jini motomaj mi caj i yʌc' juncojt cha'an i mul jini winic, yambʌ cha'an mic pulbentel c majtan. Jini motomaj mi caj i yʌq'ueñon cha'an mic ñusʌben i mul jini winic cha'an ti' caj tsi' choco i p'ʌtʌlel i bʌc'tal.

Jiñi Tsiji' bʌ Wen T'añ cha'añ Estudio

¹⁵ Jiñi motomaj mi caj i yʌc' juncojt che' bajche' majtañʌl cha'añ i mul jiñi wiñic; jiñi yam bʌ mi yʌc' che' bajche' pulbil bʌ majtañʌl. Jiñi motomaj che'ʌch mi' sʌc-esan tic tojlel jiñi wiñic tsa' bʌ loq'ui i p'ʌtʌlel.”

Levitico 15:15 Iomraidhean Croise

Levitico 11:24

Majqui jach mi' tʌl jini chʌmen tac bʌ i chʌñil pañimil, bibi' c'ʌlʌl mi' yic'an pañimil.

Levitico 11:25

Majqui jach mi' tʌl jini chʌmen bʌ, wersa mi caj i wuts' i pislel ti ora. Wersa mi' cʌytʌl ti' yotot c'ʌlʌl mi' bʌjlel q'uin.

Levitico 11:27

Mach mejlic la' c'ux jini bʌte'el moch'ol tac bʌ mi' c'otel i yoc ti lum. Majqui jach mi' tʌl che' chʌmenix i bʌc'tal, bibi' mi' cʌytʌl c'ʌlʌl mi' bʌjlel q'uin.

Levitico 11:28

Majqui jach mi' ch'uyben majlel i bʌc'tal, wersa mi caj i wuts' i pislel ti ora. Bibi' mi' cʌytʌl c'ʌlʌl mi' bʌjlel q'uin, come tic'bilʌch.

Levitico 11:31

Majqui jach mi' tʌl chʌmen bʌ i bʌc'tal, bibi' mi' cʌytʌl c'ʌlʌl mi' bʌjlel q'uin.

Levitico 11:32

Che' ja'el ya' ba' mi' chʌmel jini bʌte'el, bibi' mi' cʌytʌl c'ʌlʌl mi' bʌjlel q'uin, mi te', mi bujcʌl mi coxtal, mi pʌchi. Wersa yom mi' yotsʌntel ti' mal jini ja'. Wi'il cha' anix i c'ʌjñibal.

Levitico 11:39

Che' an juncojt bʌte'el mu' bʌ mejlel la' c'ux, mi tsa' chʌmi cha'an i c'amʌjel, majqui jach mi' tʌlben i bʌc'tal, bibi' mi' cʌytʌl c'ʌlʌl mi' bʌjlel q'uin.

Levitico 11:40

Majqui jach mi' c'ux jini chʌmen bʌ alʌc'ʌl yic'ot majqui jach mi' ch'ʌmben majlel i bʌc'tal, la' i wuts' i pislel. Bibi' mi' cʌytʌl c'ʌlʌl mi' bʌjlel q'uin.

Levitico 12:7

Jini motomaj mi caj i yʌq'ueñon c majtan cha'an i mul jini x'ixic. Che' jini mi' taj i sʌq'uesʌntel cha'an i c'amʌjel. Che'ʌch yom mi la' mel che' an majqui mi' yʌc' ti pañimil i yalobil.

Levitico 12:8

Mi ma'anic i cha'an juncojt tiñʌme', la' i pʌy tilel cha'cojt x'ujcuts mi cha'cojt xpuruwoc. Jini juncojt mi caj i yʌc' cha'an pulbil bʌ c majtan. Jini yambʌ mi' yʌc' cha'an i mul. Jini motomaj mi caj i yʌq'ueñon ili majtañʌl tac cha'an i ñusʌntel i mul. Che' jini mi' cha' sʌq'uesʌntel, che'en lac Yum.

Levitico 4:20

Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Levitico 4:26

Pejtelel i lewil tac yom mi' pulel ya' ti jini pulʌntib che' bajche' mi' pulel i lewil yan tac bʌ majtañʌl mu' bʌ cʌq'uentel cha'an wocolix cʌlʌ. Che'ʌch mi caj i yʌc' majtañʌl jini motomaj cha'an i tojol i mul jini yumʌl. Mi caj i ñusʌbentel i mul.

Levitico 4:31

Yom mi' loc'sʌbentel pejtelel i lewil che' bajche' tsa' loc'sʌnti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pam jini pulʌntib. Mi caj c mulan jini c majtan. Che'ʌch yom mi' mel jini motomaj cha'an mi' tojbentel i mul ili winic. Mi caj i ñusʌbentel i mul.

Levitico 4:35

La' i loc'sʌben pejtel i lewil che' bajche' tsa' loc'sʌbenti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pulʌntib che' bajche' yambʌ pulbil bʌ c majtan. Che' jini mi caj i tsʌnsʌbeñon cha'an i ñusʌntel mulil. Mi caj c ñusʌben i mul jini winic.

Numeros 15:25

Jini motomaj mi caj i tsʌnsan jini majtañʌl cha'an i tojol i mul pejtelel israelob. Che' jini mi caj i ñusʌbentelob i mul, come an i sajtemal anquese ma'anic tsi' ña'tayob. Jini cha'an ti' pejtelelob yom mi' ch'ʌmob tilel pulbil bʌ c majtan yic'ot majtañʌl cha'an mi' ñusʌbentelob i mul.

Mateo 3:17

Awilan, tsa' loq'ui tilel t'an ti panchan. Tsi' yʌlʌ: Jiñʌch Calobil mu' bʌ j c'uxbin. Wen uts'at mij q'uel, che'en.

Efesios 1:6

La' lac sub i ñuclel Dios cha'an i yutslel i pusic'al tsa' bʌ i yʌq'ueyonla ti lac majtan ti' tojlel c'uxbibil bʌ i Yalobil.

Hebreos 1:3

Mi' wen ac' ti tsictiyel i ñuclel i Tat. Mero Diosʌch ajñel. I tsictiyemlelʌch i Tat. Ti' p'ʌtʌlel i t'an mi' cʌntan pejtel chuqui tac an. Che' bʌ tsa' ujti i bajñel poc lac mul, tsa' buchle ti' ñoj jini C'ax Ñuc Bʌ am bʌ ti chan.