Levitico 14:7 - Chol: I T’an Dios

⁷ Wucyajl yom mi' tsijcan jini i ch'ich'el ti' pam i bʌc'tal jini winic tsa' bʌ lajmi leco bʌ i tsoy. Jini motomaj mi caj i tsictesan lajmenix. Yom mi' cole' jini cuxul bʌ mut cha'an mi' cha' wejlel majlel.

Chol de Tumbalá Bible

⁷ Wucyajl yom mi' tsijcan jini i ch'ich'el ti' pam i bʌc'tal jini winic tsa' bʌ lajmi leco bʌ i tsoy. Jini motomaj mi caj i tsictesan lajmenix. Yom mi' cole' jini cuxul bʌ mut cha'an mi' cha' wejlel majlel.

Jiñi Tsiji' bʌ Wen T'añ cha'añ Estudio

⁷ Wucyajl mi caj i tsijcan jiñi ch'ich' ti' pam i bʌc'tal jiñi wiñic tsa' bʌ lajmi leco bʌ i tsoy. Jiñi motomaj mi caj i tsictesan lajmeñix. Che' jiñi yom mi' cha' col jiñi cuxul to bʌ mut cha'añ mi' cha' wejlel majlel ti mate'el.”

Levitico 14:7 Iomraidhean Croise

2 Reyob 5:10

Eliseo tsi' choco majlel i winic cha'an mi' suben: Cucu ti ts'ʌmel ti Jordán. Wucyajl yom ma' choc ochel a bʌ ti ja'. Che' jini mi caj i lajmel a tsoy. Sʌc mi caj a cʌytʌl, che'en.

2 Reyob 5:14

Jini cha'an tsa' majli Naamán ya' ti Jordán. Wucyajl tsi' choco ochel i bʌ che' bajche' tsi' sube jini x'alt'an Eliseo. Che' jini tsa' junyajlel lajmi jini leco bʌ i tsoy am bʌ ti' bʌc'tal. Lajal tsa' cʌle che' bajche' i pʌchʌlel alʌl.

Salmos 51:2

Lu' pocbeñon loq'uel c jontolil. Sʌq'uesʌbeñon c pusic'al cha'an tsac cha'le mulil.

Salmos 51:7

Sʌq'uesañon yic'ot i ch'ich'el alʌc'ʌl Cha'an wen sʌc mi cajñel. Pocoyon cha'an ñumen sʌc mi cajñel bajche' sʌsʌc bʌ tocal.

Isaias 52:15

Che' jini mi caj i mulbeñob ti' ch'ich'el cabʌl winicob x'ixicob ti yan tac bʌ lum. Jini yumʌlob ñʌch'ʌlix mi caj i cʌytʌlob ti' tojlel jini winic. Come ma'anic tsa' subentiyob chucoch tsa' tic'lʌnti, pero che' mi' q'uelob mi caj i ch'ʌmbeñob isujm jini mach bʌ anic tsi' yubiyob.

Ezequiel 36:25

Mi caj c muletla yic'ot yʌx bʌ ja' cha'an mic sʌq'uesañetla ti pejtelel la' bibi'lel. Che' sʌquetla ma'anix mi caj la' chʌn ch'ujutesan dioste' tac.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Levitico 13:13

che' jini, jini motomaj mi caj i cha' tsictesan cha'an c'oq'uix jini am bʌ leco bʌ i tsoy, cha'an cha' sʌquix i pʌchʌlel. Tsa'ix lajmi.

Levitico 14:51

Yom mi' ts'ajtʌl jini ch'ujte' yic'ot jini hisopo, yic'ot jini chʌchʌc bʌ chij, yic'ot jini cuxul to bʌ mut ya' ti' ch'ich'el jini mut tsa' bʌ tsʌnsʌnti. Wucyajl yom mi' tsijcʌntel jini otot. Che' jini mi' sʌq'uesʌntel jini otot.

Levitico 16:14

Mi caj i ch'ʌm tilel lamital i ch'ich'el alʌ wacax cha'an mi' tsijcan ti' c'ʌb jini ajñibʌl ba' mi ñusʌntel mulil. Yom mi' tsijcan ti' tojel i pasibal q'uin. Wucyajl yom mi' tsijcan jini i ch'ich'el ya' ti' tojel jini ajñibʌl.

Levitico 16:19

Wucyajl yom mi' tsijcan jini ch'ich' ya' ti pulʌntib yic'ot i yal i c'ʌb. Che' jini cha' sʌquix mi caj j q'uel come tsa' bib'esʌnti cha'an i mul pejtelel israelob.

Levitico 16:22

Jini i tat chivo mi' ch'ʌmbeñob majlel i mul pejtelel winicob ya' ti lum, ya' ba' ma'anic xchumtʌl. Jini winic mi' caj i col jini chivo ya' ti' tiquiñal pañimil.

Levitico 4:17

Jini motomaj mi caj i ts'aj i c'ʌb ti' ch'ich'el jini wacax. Wʌcyajl yom mi' cha'len tsijcaya tic tojlel ya' ba'an jini joc'ol bʌ pisil.

Levitico 8:11

Wucyajl tsi' tsijca jini pulʌntib. Che' ja'el tsi' tsijca pejtelel chuqui tac c'ʌmbil, yic'ot i yajñib, yic'ot i buchlib. Tsi' laj sʌq'uesa.

Miqueas 7:19

Mi caj a cha' p'untañon lojon. Mi caj a mucbeñon lojon c mul. Ñajt mi caj a lu' choc ochel c mul lojon ti' yebal colem ñajb.

Juan 19:34

Juntiquil soldado tsi' jeq'ue ti yebal i ch'i'lat yic'ot i lanza. Ti ora jach tsa' loq'ui i ch'ich'el yic'ot ja'.

Hebreos 10:22

Jini cha'an la' lac lʌc'tesan lac bʌ ba'an Dios ti jump'ejl lac pusic'al. Mach yomic tile bixel lac pusic'al che' mi lac ñop. Yom sʌq'uesʌbil lac pusic'al. Yom pocbil lac bʌc'tal ti yʌx bʌ ja'.

Hebreos 12:24

Tsa'ix c'otiyetla ba'an Jesús, jini tsa' bʌ i yʌq'ueyonla jini tsijib xuc'ul bʌ t'an ba' tsijcʌbil i ch'ich'el cha'an mi' ñusʌntel lac mul. Ñumen uts'at i ch'ich'el come ma'anic mi' c'ajtin i q'uexol che' bajche' i ch'ich'el Abel.

Hebreos 9:13

I ch'ich'el tat wacax yic'ot i ch'ich'el alʌ chivo yic'ot i tʌñil alʌ ña' wacax tsa' mejli i poj sʌq'uesʌbeñob i bʌc'tal jini bibi'o bʌ che' tsijcʌbil ti' pam.

Hebreos 9:19

Moisés che' bʌ tsa' ujti i subeñob pejtelel winicob pejtelel i mandar Dios tsi' ch'ʌmʌ i ch'ich'el alʌ wacax yic'ot i ch'ich'el chivo yic'ot ja', yic'ot chʌchʌc bʌ i tsutsel tiñʌme', yic'ot pimel cha'an mi' tsijcan i juñilel mandar yic'ot pejtelel winicob x'ixicob.

Hebreos 9:21

Che' ja'el tsi' tsijca ti ch'ich' jini pisil bʌ otot yic'ot pejtelel i bʌl mu' bʌ i c'ʌjñel ti' ye'tel Dios.

Hebreos 9:26

Che'ic jini, wersa tsa' cha' chʌmi Cristo ti jujumuc' c'ʌlʌl ti' tejchibal pañimil. Pero mach che'ic. Jasʌl junyajl tsa' tsictiyi Cristo che' lʌc'ʌlix jini cojix bʌ q'uin tac. Tsi' yʌc'ʌ i bʌ ti tsʌnsʌntel cha'an mi' jisʌbeñonla lac mul.

1 Pedro 1:2

Yajcʌbiletla che' bajche' tsi' wʌn ña'ta Dios lac Tat. Jini Espíritu woli' sʌq'uesañetla cha'an mi la' jac'ben Jesucristo, yic'ot ja'el cha'an mi la' mujlel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.

1 Juan 5:6

Jiñʌch Jesucristo tsa' bʌ tili. Dios tsi' tsictesa che' bʌ tsi' ch'ʌmʌ ja' yic'ot che' bʌ tsi' yʌc'ʌ i ch'ich'el. Mach ti ja'ic jach tsi' tsictesa, pero yic'ot ja' yic'ot i ch'ich'el. Testigojʌch jini Espíritu ja'el, come i sujmlelʌch jini Espíritu.