Levitico 14:25 - Chol: I T’an Dios

²⁵ Ti wi'il yom mi' tsʌnsan jini tiñʌme' cha'an i tojol mulil. Mi caj i lotben i ch'ich'el cha'an mi' bon jini winic mu' bʌ caj i sʌq'uesʌntel. Yom mi' bomben ti' c'unlel ñoj bʌ i chiquin jini winic, yic'ot ti ñoj bʌ i ña'al i c'ʌb, yic'ot ti ñoj bʌ i ña'al i yoc.

Chol de Tumbalá Bible

²⁵ Ti wi'il yom mi' tsʌnsan jini tiñʌme' cha'an i tojol mulil. Mi caj i lotben i ch'ich'el cha'an mi' bon jini winic mu' bʌ caj i sʌq'uesʌntel. Yom mi' bomben ti' c'unlel ñoj bʌ i chiquin jini winic, yic'ot ti ñoj bʌ i ña'al i c'ʌb, yic'ot ti ñoj bʌ i ña'al i yoc.

Jiñi Tsiji' bʌ Wen T'añ cha'añ Estudio

²⁵ Ti wi'il jiñi motomaj mi caj i tsʌnsan jiñi tʌñʌme' cha'añ i ñusʌntel mandar, mi caj i ch'ʌmben i ch'ich'el cha'añ mi' bomben ti' c'unlel ñoj bʌ i chiquin jiñi wiñic mu' bʌ i sʌc-esʌntel yic'ot ti ñoj bʌ i ña'al i c'ʌb yic'ot ti ñoj bʌ i ña'al i yoc.

Levitico 14:25 Iomraidhean Croise

Salmos 40:6

Ma'anic ma' mulan tsʌnsʌbil bʌ a majtan yic'ot ofrenda. Ma'anic tsa' c'ajtibeyon pulbil bʌ a majtan yic'ot majtañʌl cha'an i tojol c mul. Pero tsa' wʌq'ueyon c ch'ujbin a t'an.

Exodo 29:20

Tsʌnsan ja'el. Yom ma' ch'ʌmben i ch'i'ch'el ti a c'ʌb cha'an ma' bomben ti' ñoj bʌ i c'unlel i chiquin Aarón. Che' ja'el i yalobilob yom ma' bombeñob ja'el. Yom ma' bombeñob ja'el ñoj bʌ i ña'al i c'ʌb yic'ot ñoj bʌ i ña'al i yoc. Tsijcan i colojbal jini ch'ich' ti' joytʌlel jini pulʌntib.

Eclesiastes 5:1

Tsajalet me. Yom ñʌch'ʌlet che' mi la' wochel ti Templo. Yom jamʌl a chiquin cha'an ma' wubin. Mach a mel bajche' tontojo' bʌ. Mi' yʌq'ueñob i majtan Dios, pero mach yujilobic che' woli' ñusʌbeñob i t'an.

Levitico 14:26

Mi caj i col jini aceite ti' mal jini ts'ej bʌ i c'ʌb.

Levitico 5:7

Mi ma'anic i tojol jini alʌ tat tiñʌme' cha'an mi' yʌq'ueñon, la' i ch'ʌmbeñon tilel cha'cojt xpuruwoc mi cha'cojt x'ucujts, juncojt cha'an majtañʌl cha'an mulil, yambʌ cha'an majtañʌl mu' bʌ c pulbentel.

Levitico 8:23

Che' jini Moisés tsi' tsʌnsa jini tat tiñʌme'. Tsi' ch'ʌmbe lamital i ch'ich'el. Tsi' bombe ñoj bʌ i chiquin Aarón yic'ot ñoj bʌ i ña'al i c'ʌb yic'ot jini ñoj bʌ i ña'al i yoc.