Levitico 14:10 - Chol: I T’an Dios

¹⁰ Che' ti yijc'ʌlal (jiñʌch i waxʌcp'ejlel q'uin) la' i pʌy tilel cha'cojt tat tiñʌme', mach bʌ wis anic i c'amʌjel mi i lojwel, yic'ot juncojt xch'oc tiñʌme' am bʌ jump'ejl i jabilel mach bʌ wis anic i c'amʌjel mi i lojwel, yic'ot lujump'is jini harina wen juch'bil bʌ, xajc'ubil bʌ yic'ot olivo aceite, yic'ot ojlil litro olivo aceite.

Chol de Tumbalá Bible

¹⁰ Che' ti yijc'ʌlal (jiñʌch i waxʌcp'ejlel q'uin) la' i pʌy tilel cha'cojt tat tiñʌme', mach bʌ wis anic i c'amʌjel mi i lojwel, yic'ot juncojt xch'oc tiñʌme' am bʌ jump'ejl i jabilel mach bʌ wis anic i c'amʌjel mi i lojwel, yic'ot lujump'is jini harina wen juch'bil bʌ, xajc'ubil bʌ yic'ot olivo aceite, yic'ot ojlil litro olivo aceite.

Jiñi Tsiji' bʌ Wen T'añ cha'añ Estudio

¹⁰ Che' ti' waxʌcp'ejlel q'uiñ mi caj i pʌy tilel cha'cojt tat tʌñʌme', mach bʌ wis añic i c'am-ʌjel mi i lojwemal, yic'ot juncojt xch'oc tʌñʌme' am bʌ jump'ejl i ja'bilel mach bʌ wis añic i c'am-ʌjel mi i lojwemal, yic'ot wʌcp'ejl kilo harina wen juch'bil bʌ trigo xajc'ubil bʌ ti olivo aceite, yic'ot ojlil litro olivo aceite.

Levitico 14:10 Iomraidhean Croise

Exodo 29:40

Yic'ot jini ñaxan bʌ tiñʌme' yom ma' wʌc' uxp'ejl litro harina wen juch'bil bʌ, xʌbʌl bʌ yic'ot ojlil i cha'p'ejl litro aceite olivo, wen pets'bil yom. Xʌbʌl yom ja'el yic'ot ojlil i cha'p'ejl litro vino.

Levitico 1:10

Mi tiñʌme', mi chivo jini ofrenda mu' bʌ i yʌq'ueñoñob, che' jini yom i tat bʌ mach bʌ wis anic i chʌmel.

Levitico 14:11

Jini motomaj mu' bʌ caj i sʌq'uesan, an ti wenta cha'an mi' yʌc' jini winic tic tojlel ya' ti' ti' Tabernáculo yic'ot pejtelel woli bʌ i yʌc' jini winic.

Levitico 14:12

Jini motomaj mi caj i ch'ʌm jini juncojt tat tiñʌme' cha'an i mul jini winic. Mi caj i jʌmts'un ojlil litro jini olivo aceite tic tojlel ya' ba'an jini pulʌntib.

Levitico 14:15

Yom ja'el mi' ch'ʌm jini olivo aceite cha'an mi' col ti' mal i c'ʌb ti' tojel i ts'ej.

Levitico 14:21

Mi c'ax p'ump'un jini winic, mi mach jasʌlic i cha'an cha'an mi' pʌy tilel cha'cojt alʌ tat tiñʌme', yom mi' pʌy tilel juncojt alʌ tat tiñʌme', cha'an mi' yʌq'ueñon cha'an i mul. Yom jʌmts'ubil jini c majtan cha'an i mul ya' ti' tojel jini pulʌntib. Yom jach uxp'ejl litro sʌsʌc bʌ harina wen juch'bil bʌ, xajc'ubil bʌ ti olivo aceite, cha'an c majtan melbil bʌ ti trigo. Yom ja'el ojlil i jo'p'ejl litro jini olivo aceite.

Levitico 2:1

Che' an juntiquil yom bʌ i yʌq'ueñon trigo tic majtan, la' i ch'ʌm tilel wen juch'bil bʌ trigo yic'ot olivo aceite yic'ot i pomil.

Levitico 2:11

Mach yomic xʌbʌl yic'ot levadura mi junchajpic jini majtañʌl mu' bʌ a wʌq'ueñon. Mach yomic che' xʌbʌl ti chab mic pulbentel c majtan.

Levitico 2:13

Yom ma' wotsʌben i yʌts'mil pejtelel majtañʌl mu' bʌ a wʌq'ueñon, come jini ats'am mi' yʌc' ti' ña'tʌntel jini xuc'ul bʌ t'an tsa' bʌ cʌq'ueyetla.

Levitico 23:13

Yom mi la' wʌq'ueñon yic'ot i ñujp cha'p'is harina xajc'ubil bʌ yic'ot aceite. Jiñʌch jini majtañʌl mu' bʌ c pulbentel, wen xojocña bʌ i yujts'il. Yom ja'el jini japbil bʌ majtañʌl, uxp'ejl litro vino.

Levitico 4:32

Che' ja'el mi tsi' pʌyʌ tilel juncojt alʌ tiñʌme' cha'an i ñusʌntel mulil, yom juncojt i ña'al bʌ tiñʌme' mach bʌ wis anic i c'amʌjel mi i lojwemal.

Levitico 9:1

Che' ti' waxʌcp'ejlel q'uin, Moisés tsi' pʌyʌ tilel Aarón yic'ot i yalobilob yic'ot jini xñoxob ti Israel.

Numeros 28:20

Yom an i ñujp ti ac'ol jini majtañʌl. Jiñʌch majtañʌl bʌ harina wen chʌmen bʌ juch'bil, xajc'ubil bʌ yic'ot aceite. Yom bolomp'ejl litro aceite, yic'ot jujuncojt alʌ tat wacax, wʌcp'ejl litro cha'an i ñujp jini tat tiñʌme', uxp'ejl litro cha'an jujuncojt alʌ tat tiñʌme', wuccojt tiñʌme' che' ti' pejtelel.

Numeros 6:14

La' i yʌq'ueñon juncojt tat tiñʌme' am bʌ jump'ejl i jabilel, mach bʌ wis anic i bibi'lel mi i c'amʌjel. Jiñʌch majtañʌl mu' bʌ i yʌc' ti pulel. La' i yʌq'ueñon ja'el xch'oc bʌ tiñʌme' am bʌ jump'ejl jab, mach bʌ wis anic i bibi'lel mi i c'amʌjel cha'an mi' ñusʌbentel i mul. La' i yʌc' juncojt tat tiñʌme' jiñʌch c'oc' bʌ ja'el. Jiñʌch majtañʌl cha'an wocolix cʌlʌ cha'an i coltʌntel.

Numeros 7:43

Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.

Mateo 8:4

Jesús tsi' sube: Chʌcʌ q'uele a bʌ. Mach ma' suben mi juntiquilic winic. Cucu pʌsʌ a bʌ ba'an motomaj. Aq'uen i majtan Dios che' bajche' tsi' yʌlʌ Moisés ti mandar cha'an mi' q'uelob sʌq'uesʌbilet, che'en Jesús.

Marcos 1:44

Jesús tsi' sube: Chʌcʌ q'uele a bʌ cha'an ma'anic majqui ma' suben chuqui tsa' ujti. Cucu. Pʌsʌ a bʌ ba'an motomaj. Ac'ʌ chuqui tsi' subu Moisés ti mandar cha'an mi' q'uelob winicob x'ixicob sʌq'esʌbilet, che'en Jesús.

Lucas 5:14

Jesús tsi' tiq'ui cha'an ma'anic mi' suben mi juntiquilic. Cucu, che'en, pʌsʌ a bʌ ba'an motomaj. Ac'ʌ chuqui tsi' subu Moisés ti mandar cha'an mi' ña'tañob winicob x'ixicob sʌq'uesʌbilet, che'en Jesús.

Juan 1:29

Ti yijc'ʌlal Juan tsi' q'uele wolix i tilel Jesús. Tsi' yʌlʌ: Awilan, jiñʌch i Tiñʌme Dios mu' bʌ i ch'ʌm majlel i mul pejtel pañimil.

Juan 6:33

Come jini Waj ch'oyol bʌ ti Dios, jiñʌch tsa' bʌ jubi tilel ti panchan mu' bʌ i yʌq'ueñob i cuxtʌlel jini año' bʌ ti pañimil, che'en Jesús.

Juan 6:51

Joñon cuxul bʌ Wajon tsa' bʌ jubiyon tilel ti panchan. Mi an majqui mi' c'ux jini Waj, chʌn cuxul ti pejtelel ora. Jini Waj mu' bʌ cʌc' jiñʌch c bʌc'tal mu' bʌ cʌc' cha'an i cuxtʌlel jini año' bʌ ti pañimil. Che' tsi' yʌlʌ Jesús.

1 Pedro 1:19

Pero mʌmbiletla ti' ch'ich'el Cristo, letsem bʌ i tojol, che' bajche' juncojt alʌ tat tiñʌme' mach bʌ anic i chʌmel mi i bibi'lel.