Levitico 13:45 - Chol: I T’an Dios

⁴⁵ Juntiquil winic am bʌ leco bʌ i tsoy wersa mi caj i tsil i bujc. Che' jax wajtsuc'tic yom i jol. La' i pʌch'cʌm i pʌchʌlel i yej am bʌ ti chan. La' i yʌl: “Bibi'onix, an leco bʌ c tsoy”.

Chol de Tumbalá Bible

⁴⁵ Juntiquil winic am bʌ leco bʌ i tsoy wersa mi caj i tsil i bujc. Che' jax wajtsuc'tic yom i jol. La' i pʌch'cʌm i pʌchʌlel i yej am bʌ ti chan. La' i yʌl: “Bibi'onix, an leco bʌ c tsoy”.

Jiñi Tsiji' bʌ Wen T'añ cha'añ Estudio

⁴⁵ Jiñi am bʌ leco bʌ i tsoy yom mi' lʌp tsijlemix bʌ i bujc yic'ot mach yomic mosbil i jol. Che' ts'ita' mosbil i wut mi caj i yʌl ti c'am bʌ t'añ: “¡Bi'bi'oñix! ¡Bi'bi'oñix!”

Levitico 13:45 Iomraidhean Croise

Genesis 37:29

Che' bʌ tsa' cha' majli Rubén ba'an joyol bʌ lum tsi' q'uele mach ya'ix an José ti mal. Tsi' tsili i pislel.

2 Samuel 13:19

Tamar tsi' ch'ʌmʌ i tʌñil c'ajc. Tsi' p'ujp'u ti' jol. Tsi' jet' tsili i bujc. Che' woli ti xʌmbal tsa' caji i ñup'ye' majlel i jol. Tsa' caji ti uq'uel majlel.

2 Reyob 7:3

Ya' ti' ti' jini tejclum Samaria tsi' pejcayob i bʌ chʌntiquil winicob año' bʌ leco bʌ i tsoy. Tsi' yʌlʌyob: ¿Chucoch mi lac to'ol ñusan q'uin ilayi c'ʌlʌl mi lac chʌmel ti wi'ñal?

Job 1:20

Tsa' wa'le Job. Tsi' tsili i bujc. Tsi' set'e i jol cha'an ch'ijiyem i pusic'al. Tsi' choco i bʌ ti lum. Tsi' ch'ujutesa Dios.

Job 42:6

Jini cha'an mic ts'a'len c bʌ. Mic tsic c pusic'al cha'an c mul. Mij q'uel c bʌ ti pec'. Mic buchtan lum. Mic mujlan c bʌ ti' tʌñil c'ajc, che'en Job.

Salmos 51:3

Cujil tsac ñusʌbeyet a mandar. Mic ña'tan c mul ti pejtelel ora.

Salmos 51:5

Awilan, xmulilon tsa quila pañimil. Añʌch c mul c'ʌlʌl che' cʌntʌbilon i cha'an c ña'.

Isaias 52:11

Loq'uenla ti Babilonia, c pi'ʌlob. Cʌyʌla pejtelel i mul jini año' bʌ ti pañimil. Mach yomic mi la' tʌl chuqui tac bibi'. Sʌq'uesan la' bʌ jatetla mu' bʌ la' cuch majlel i latu tac lac Yum.

Isaias 6:5

Joñon tsa cʌlʌ: Obol jax c bʌ come sajtemon. Come tsa'ix j q'uele tic wut c Rey, i Yum Panchan yic'ot Pañimil. Xmulilon, bibi' c t'an, tem chumulon quic'ot winicob bibi' bʌ i t'an, cho'on.

Isaias 64:6

Tic pejtelel lojon bibi'on lojon ti a wut cha'an lojon c mul. Ma'anic ma' q'uel ti uts'at wen bʌ c melbal lojon. Che' yilalob ti a wut bajche' tuwix bʌ pisil. Lajal mi' jilel laj c'ʌjñibal che' bajche' mi' tiquin i yopol te'. Cha'an c mul lojon mic pʌjyel lojon majlel.

Jeremias 3:25

La' lac pʌcchocon lac bʌ cha'an cabʌl woliyonla ti quisin. Wen wocol añonla, come tsa' laj contraji lac Yum Dios, joñonla yic'ot lac tatob c'ʌlʌl che' ch'itoñon to la c'ʌlʌl wʌle. Ma'anic tsa' lac jac'be i t'an lac Yum Dios”. Che'ʌch woli' comol pejcañob i bʌ, che'en lac Yum.

Jeremias 36:24

Ma'anic tsi' cha'le bʌq'uen jini rey yic'ot i winicob che' bʌ tsi' yubiyob ili t'an. Ma'anic majch tsi' mele i pusic'al.

Lamentaciones 4:15

I pi'ʌlob tsi' subeyob: Cucula, bibi'etla. Cucula, ame la' pʌc'on lojon, che'ob. Tsa' puts'iyob. Tsa' ñumiyob ti pañimil. Ma'anic majqui tsi' pʌyʌyob ti chumtʌl. Mach mi la' wajñel quic'ot lojon, che'ob pejtel winicob.

Ezequiel 24:17

Yom ma' tic' a pusic'al ame tsictiyic a ch'ijiyemlel. Cʌchʌ a jol yic'ot i cʌjchil, lʌpʌ a zapato che' bajche' a tilel. Mach ma' mos a wut ti rebozo che' bajche' mi' melob x'uq'uelob. Mach ma' c'ux waj yic'otob. Che' tsi' yʌlʌ lac Yum.

Ezequiel 24:22

Che' jini mi caj la' mel che' bajche' woli' mel Ezequiel. Ma'anic mi caj la' mos la' wut ti rebozo che' bajche' mi' melob x'uq'uelob. Ma'anic mi caj la' c'ux jini waj mu' bʌ i c'uxob jini ch'ijiyemo' bʌ.

Joel 2:13

Mach mi la' tsil la' pislel che' ch'ijiyem la' pusic'al, pero yom pec' mi la' mel la' pusic'al. Sutq'uin la' bʌ ba'an lac Yum Dios, come an i yutslel i pusic'al. Yujil i p'untañetla. Mach orajic mi' mich'an. Cabʌl i yutslel i pusic'al. C'ux mi' yubiñet che' mi' ju'sʌbeñet la' pusic'al.

Levitico 10:6

Moisés tsi' sube Aarón yic'ot jini cha'tiquil i yalobilob, Eleazar yic'ot Itamar: Mach yomic mi la' cha'len uq'uel. Mach mi la' tsil la' pislel i yejtal bʌ la' ch'ijiyemlel, ame chʌmiquetla ja'el, ame mich'lenticob pejtelel israelob ti' tojlel Dios. La' i cha'leñob uq'uel yaño' bʌ israelob cha'an tsa' chʌmiyob Nadab yic'ot Abiú che' bʌ tsi' choco tilel lac Yum jini bʌbʌq'uen bʌ c'ajc.

Levitico 21:10

Suben jini ñuc bʌ motomaj tsa' bʌ bombenti i jol ti aceite, lʌpbil bʌ i cha'an jini yajcʌbil bʌ i pislel: “Mach yomic wojtsic'tic a jol. Mach ma' tsil a pislel.

Miqueas 3:7

Che' jini mi' cajelob ti quisin jini payxo bʌ x'alt'añob, come mach tilemic ti Dios i t'an. Mi caj i ñʌjch'elob, come ma'anic woli' pejcañob Dios.

Lucas 17:12

Che' bʌ tsa' ochi ti jump'ejl tejclum, awilan tsa' tili i tajob Jesús lujuntiquil winicob año' bʌ leco bʌ i tsoy. Ñajt to tsa' wa'leyob.

Lucas 5:8

Che' bʌ tsi' q'uele Simón Pedro, tsi' ñocchoco i bʌ ba'an Jesús. Tsi' sube: Loq'uen tic tojlel c Yum, come xmulilon, che'en.