Levitico 11:8 - Chol: I T’an Dios

⁸ Pejtelel iliyi mach yomic mi la' wis c'uxe'. Mach yomic mi la' tʌl che' chʌmen, come tic'bil ti mandar.

Chol de Tumbalá Bible

⁸ Pejtelel iliyi mach yomic mi la' wis c'uxe'. Mach yomic mi la' tʌl che' chʌmen, come tic'bil ti mandar.

Jiñi Tsiji' bʌ Wen T'añ cha'añ Estudio

⁸ Pejtelel iliyi mach yomic mi la' c'ux, mi yomic mi la' tʌl che' chʌmeñix, jiñi cha'añ q'uelela ti bi'bi'.”

Levitico 11:8 Iomraidhean Croise

Isaias 52:11

Loq'uenla ti Babilonia, c pi'ʌlob. Cʌyʌla pejtelel i mul jini año' bʌ ti pañimil. Mach yomic mi la' tʌl chuqui tac bibi'. Sʌq'uesan la' bʌ jatetla mu' bʌ la' cuch majlel i latu tac lac Yum.

Oseas 9:3

Ma'anic mi caj la' cʌytʌl ti' lumal lac Yum. Wersa mi caj la' pʌjyel majlel ti Egipto yic'ot ti Asiria. Ya'i mi caj la' c'ux i colojbal i bʌl i ñʌc' yaño' bʌ.

Levitico 11:9

Pejtelel chʌy mi mejlel la' c'ux, jini an tac bʌ i welo' ja', yic'ot i sujl an tac bʌ ti' mal ja', yic'ot ti alʌ ja'. Mi mejlel la' c'ux.

Levitico 5:2

Che' ja'el che' an majch mi' tʌl chʌmen bʌ alʌc'ʌl mi bʌte'el mi i chʌñil pañimil che' tic'bil bʌ mi la' c'ux, bibi' mi' cʌytʌl tic wut anquese mach tsajalic i cha'an che' bʌ tsi' tʌlʌ.

Mateo 15:11

Chuqui tac mi' yochel ti' yej winic, ma'anic mi' bibesan. Pero chuqui tac mi' loquel ti' yej, jiñʌch mu' bʌ i bibesan, che'en.

Mateo 15:20

Jiñʌch mu' bʌ i bibesan winic. Ma'anic mi' bibesʌntel winic che' mi' c'ux waj che' mach pocolic i c'ʌb, che'en.

Marcos 7:15

Ti pañimil ma'anic chuqui c'uxbil bʌ mu' bʌ i bibesʌben i pusic'al winicob. Jini mu' bʌ i loq'uel ti' pusic'al winic, jiñʌch mu' bʌ i bibesan. Majqui jach an i chiquin cha'an mi yubin, la' i yubin. Che' tsi' yʌlʌ Jesús.

Marcos 7:18

Jesús tsi' c'ajtibeyob: ¿Jatetla ja'el, mach ba anic mi la' ch'ʌmben isujm? ¿Mach ba anic mi la' ña'tan ma'anic mi' bibesan winic jini mu' tac bʌ i yochel ti' mal?

Marcos 7:2

Tsi' q'ueleyob an xcʌnt'añob i cha'an mu' bʌ i c'uxob waj che' mach pocbilic i c'ʌb. Tsi' ts'a'leyob.

Hechos 10:28

Tsi' subeyob: La' wujil tic'bil ti mandar mi' yajñel judío yic'ot winic ch'oyol bʌ ti yambʌ lum. Tic'bil mi' jula'tan. Dios tsi' pʌsbeyon mach wenic mic ts'a'len winicob mi juntiquilic. Mach mejlic c bi'leñob.

Hechos 15:29

Cʌyʌ la' c'ux jini tsʌnsʌbil bʌ i majtan dioste' yic'ot i ch'ich'el yic'ot jini milbil bʌ. Mach mi la' cha'len ts'i'lel. Mi uts'at mi la' cʌntan la' bʌ cha'an pejtelel jini, uts'at mi la' mel. Ajñenla ti la' wenlel”. Che'ʌch tsi' ts'ijbayob.

Romanos 14:21

Mach ma' mel chuqui tac mi' yʌsan ti mulil a wermano. Mach ma' techben tile bixel bʌ i pusic'al o mi yambʌ wocol. Uts'at ma' cʌy a c'ux we'elʌl o mi vino o mi yan tac bʌ mu' bʌ i jisʌben i xuc'tilel i pusic'al.

1 Corintios 8:8

Mach cha'anic we'elʌl mi' q'uelonla ti uts'at Dios. Mi woli lac tic' lac bʌ ti' c'uxol, o mi woli laj c'ux, ma'anic mi' yʌq'ueñonla lac wenlel ti' tojlel Dios.

2 Corintios 6:17

“Jini cha'an loq'uenla ti' tojlel mach bʌ anic mi' ñopob. Tʌts'ʌ la' bʌ ba' añob”, che'en lac Yum. “Mach mi la' ñochtan chuqui tac bibi'. Mi caj c pʌyetla tilel ba' añon.

Efesios 5:11

Mach mi la' mel lolom jach bʌ che' bajche' jini año' bʌ ti ic'ch'ipan bʌ pañimil. Yom mi la' tsictesʌbeñob i mul.

Efesios 5:7

Mach mi la' chʌn majlel yic'otob.

Colosenses 2:16

Jini cha'an mach yomix mi la' lon q'uejlel ti xmulil cha'an chuqui tac mi la' c'ux, mi cha'an chuqui tac mi la' jap, mi cha'an q'uiñijel, mi che' woli ti pasel uw, mi che' ti' yorajlel c'aj o.

Hebreos 9:10

Come i melbal jach winicob ili waj yic'ot ili japbil bʌ. Mi' pocob ti ja'. I yejtal jach jini mero isujm bʌ. Che' mi' tilel jini isujm bʌ, mi' jilel i c'ʌjñibal yambʌ.