Levitico 11:44 - Chol: I T’an Dios

⁴⁴ Come joñon la' Yumon, la' Dioson. Jini cha'an cʌntan la' bʌ cha'an mi la' wajñel ti ch'ujul, come ch'ujulon. Yom tsajiletla cha'an ma'anic mi la' pʌc' la' bʌ ti' chʌñil tac pañimil jexecña bʌ yic'ot tip'tip'ña bʌ mi' majlel tac ti lum.

Chol de Tumbalá Bible

⁴⁴ Come joñon la' Yumon, la' Dioson. Jini cha'an cʌntan la' bʌ cha'an mi la' wajñel ti ch'ujul, come ch'ujulon. Yom tsajiletla cha'an ma'anic mi la' pʌc' la' bʌ ti' chʌñil tac pañimil jexecña bʌ yic'ot tip'tip'ña bʌ mi' majlel tac ti lum.

Jiñi Tsiji' bʌ Wen T'añ cha'añ Estudio

⁴⁴ Come joñon la' Yumon, la' Dioson. Jiñi cha'añ cʌntan la' bʌ cha'añ sʌc mi la' wajñel yic'ot cha'añ ch'ujul mi la' wajñel, come joñon ch'ujulon. Jiñi cha'añ mach mi la' bi'b-esan la' bʌ yic'ot ili jexecña tac bʌ mi cha'len xʌmbal ti lum.

Levitico 11:44 Iomraidhean Croise

Salmos 99:5

Subula i ñuclel lac Yum Dios. Pʌcchocon la' bʌ ba'an i yoc. Ch'ujul jax lac Yum.

Salmos 99:9

C'uxbinla lac Yum Dios. Pʌcchocon la' bʌ ya' ba'an ch'ujul bʌ wits i cha'an, Come ch'ujulʌch lac Yum Dios.

Exodo 19:10

Cucu subeñob, la' i wʌn chajpañob i bʌ wʌle yic'ot ijc'ʌl. La' i wuts'ob i pislel.

Exodo 19:6

Mi caj la' wochel ti motomaj yic'ot ti ch'ujul. Mi caj la' yumʌntel”. Jiñʌch mu' bʌ caj a cha' subeñob israelob, che'en lac Yum.

Exodo 22:30

Aq'ueñon ja'el i yʌx'al a wacax yic'ot a tiñʌme'. Wucp'ejl q'uin mi' cʌytʌl yic'ot i ña'. Ti waxʌcp'ejlel q'uin mi caj a wʌq'ueñon.

Exodo 22:31

Yom mi la' wajñel ti ch'ujul. Mi tsi' c'uxu a wʌlac' jini bʌte'el mach mi la' c'ux i colojbal i we'el che' mi la' taj ti jamil. Yom mi la' chocben ts'i'.

Exodo 23:25

Joñon a Yumon a Dioson. Yom mi la' melbeñon que'tel. Mi caj cʌq'ueñetla cabʌl i bʌl la' ñʌc yic'ot ja'. Mi caj c lajmesʌbeñetla la' c'amʌjel.

Exodo 6:7

Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Isaias 43:3

Come joñon a Yumon a Dioson, Ch'ujulon Bʌ i cha'an israelob, a waj Coltayajon. Joñon tsa cʌc'ʌ Egipto, yic'ot Etiopía, yic'ot Seba ti' p'ʌtʌlel jini yumʌl Ciro ti' a q'uexol cha'an mij cʌntañet, Israel.

Isaias 51:15

Joñon a Yum Dios, i Yumon Panchan yic'ot Pañimil. Jiñʌch j c'aba. Tsac t'oxo colem ñajb. Tsac tiquesʌbeyet bij ti ojlil wʌlʌcña bʌ ja'.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Levitico 19:10

Mach yomic mi la' laj tuc'ben i wut la' ts'usubil. Mach la' chʌn lot jini mu' bʌ i yajlel ti lum, come i cha'anix jini pump'uño' bʌ yic'ot jini ñajt bʌ ch'oyolob. Ña'tanla iliyi come la' Yumon la' Dioson.

Levitico 19:3

Yom c'ajal la' cha'an i q'uiñilel c'aj o. Mach yomic mi la' cʌyon cha'an mi la' ch'ujutesan jini dioste' tac. Mach yomic mi' la' mel dios tac. Come joñoñʌch la' Yumon, la' Dioson.

Levitico 20:26

Yom ch'ujul mi la' wajñel tic tojlel, come joñon la' Yumon, ch'ujulon. Ma'anic tsac yajca yambʌ winicob x'ixicob. Tsac yajcayetla cha'an mi la' wochel tic cha'an bʌ.

Levitico 20:7

Jini cha'an yom ch'ujul mi la' wajñel ti pejtelel la' melbal, come la' Yumon la' Dioson.

Levitico 21:8

Ch'ujul mi caj la' wajñel cha'an mi la' wʌq'ueñon c majtan tac, come ch'ujulon mu' bʌ c sʌq'uesañetla.

Amos 3:3

¿Temel ba mi' majlelob cha'tiquil che' cha'p'ejlob i pusic'al?

Numeros 15:40

Yom c'ajal la' cha'an ti pejtelel ora cha'an mi la' jac' pejtelel jini c mandar, cha'an ch'ujul mi la' wajñel tic tojlel.

Mateo 5:48

Jini cha'an yom ts'ʌcʌl i yutslel la' pusic'al che' bajche' ts'ʌcʌl i yutslel i pusic'al la' Tat am bʌ ti panchan.

Deuteronomio 14:2

Come ch'ujul bʌ i tejclumetla lac Yum Dios. Yajcʌbiletla i cha'an, cha'an mi la' wajñel ti ch'ujul ti' tojlel lac Yum. Mach che'iquetla bajche' yaño' bʌ tejclumob ti pañimil.

1 Tesalonicenses 4:7

Ma'anic tsi' pʌyʌyonla Dios cha'an mi la cajñel ti lac bibi'lel. Tsi' pʌyʌyonla cha'an mi lac sʌq'uesʌntel.

Josue 24:19

Josué tsi' subeyob jini winicob x'ixicob: Mach mejlic la' ch'ujutesan lac Yum, come ch'ujulʌch Dios, bʌc'ñʌbilʌch ja'el. Ma'anic mi caj i ñusʌbeñetla la' mul che' mi la' ñusʌben i t'an.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

Apocalipsis 22:11

Jini xjontolil, la' i chʌn cha'len jontolil. Jini bibi' bʌ, la' i chʌn bib'esan i bʌ. Jini toj bʌ, la' i chʌn cha'len chuqui toj. Jini ch'ujul bʌ, la' chʌn ajnic ti ch'ujul, che'en.

1 Samuel 2:2

Ma'anic yambʌ ch'ujul bʌ che' bajche' lac Yum. Come ma'anic yambʌ lajal bʌ bajche' Dios. Ma'anic yambʌ Xajlel, jini jach Dios.

1 Samuel 6:20

Tsa' caji i yʌlob jini año' bʌ ti Betsemes: ¿Majqui mi mejlel i yajñel ti' tojlel lac Yum jini ch'ujul bʌ Dios? ¿Baqui mi mejlel lac choc majlel jini Arca? che'ob.