Levitico 10:7 - Chol: I T’an Dios

⁷ Mach yomic mi la' wis loq'uel ti jini Tabernáculo, ame chʌmiquetla, come wa'chocobiletla yic'ot ch'ujul bʌ aceite ti' tojlel lac Yum, che'en. Jini cha'an Aarón yic'ot i yalobilob tsi' jac'ʌyob che' bajche' tsi' yʌlʌ Moisés.

Chol de Tumbalá Bible

⁷ Mach yomic mi la' wis loq'uel ti jini Tabernáculo, ame chʌmiquetla, come wa'chocobiletla yic'ot ch'ujul bʌ aceite ti' tojlel lac Yum, che'en. Jini cha'an Aarón yic'ot i yalobilob tsi' jac'ʌyob che' bajche' tsi' yʌlʌ Moisés.

Jiñi Tsiji' bʌ Wen T'añ cha'añ Estudio

⁷ Mach yomic mi la' wis tʌts' loq'uel la' bʌ ya' ti jiñi Tabernáculo ba' mi lac tempan lac bʌ, ame chʌmiquetla, come mulbiletla ti olivo aceite ti' tojlel lac Yum.” Jiñi cha'añ Aarón yic'ot i yalobilob tsi' jac'ʌyob che' bajche' tsi' yʌlʌ Moisés.

Levitico 10:7 Iomraidhean Croise

Exodo 28:41

Che'ʌch yom jini mu' bʌ a wʌq'ueñob i lʌp a wʌscun Aarón yic'ot i yalobilob. Che' jini yom ma' boñob, ma' sʌq'uesañob, cha'an ma' wa'chocoñob cha'an mi' melbeñoñob que'tel ti motomaj.

Exodo 29:7

Che' jini yom ma' ch'ʌm jini aceite mu' bʌ i c'ʌjñel tac ya' ti Tabernáculo. Mulben i jol. Boño jini motomaj.

Exodo 30:30

Boño ja'el jini Aarón yic'ot i yalobilob. Sʌq'uesañob cha'an mi' melbeñoñob que'tel ti motomaj.

Levitico 10:8

Lac Yum tsi' sube Aarón: Mach yomic mi la' jap jini paj'esʌbil bʌ i ya'lel ts'usub che' mi la' wochel ti' mal jini Tabernáculo, jatet yic'ot a walobilob ame chʌmiquetla. Yom chʌn c'ajal la' cha'an jatetla yic'ot pejtelel la' p'olbal ti jujunlajm.

Levitico 21:12

Mach ma' loq'uel ti Ch'ujul bʌ Ajñibʌl che' an a we'tel. Mach ma' lon q'uel jini Ch'ujul bʌ Ajñibʌl che' bajche' ba' jach bʌ otot, come joñon tsac wa'chocoyetla. Joñoñʌch la' Yumon.

Levitico 8:12

Moisés tsi' mulbe aceite ti' jol Aarón cha'an mi' wa'chocon ti' ye'tel.

Levitico 8:30

Tsi' ch'ʌmʌ ja'el jini aceite yic'ot jini ch'ich' am bʌ ti pulʌntib. Tsa' caji i tsijcan Aarón yic'ot i yalobilob yic'ot i pislelob. Che' jini Moisés tsi' yʌc'ʌ ti' c'ʌb Dios jini motomaj Aarón yic'ot i yalobilob yic'ot pejtel i pislelob.

Lucas 9:60

Jesús tsi' sube: La' i mucob chʌmeño' bʌ jini chʌmeño' bʌ i pi'ʌlob. Pero jatet, cucu, subu i yumʌntel Dios, che'en.

Hechos 10:38

Dios tsi' yajca Jesús, jini loq'uem bʌ ti Nazaret. Tsi' yʌq'ue Ch'ujul bʌ Espíritu yic'ot i p'ʌtʌlel. Baqui jach tsa' ñumi tsi' cha'le uts'at bʌ i ye'tel. Tsi' lajmesa pejtelel jini tic'lʌbilo' bʌ cha'an xiba, come an Dios yic'ot.

2 Corintios 1:21

Diosʌch mu' bʌ i tem xuc'chocoñonla ti Cristo. Diosʌch tsa' bʌ i yajcayonla cha'an i ye'tel.