Levitico 10:6 - Chol: I T’an Dios

⁶ Moisés tsi' sube Aarón yic'ot jini cha'tiquil i yalobilob, Eleazar yic'ot Itamar: Mach yomic mi la' cha'len uq'uel. Mach mi la' tsil la' pislel i yejtal bʌ la' ch'ijiyemlel, ame chʌmiquetla ja'el, ame mich'lenticob pejtelel israelob ti' tojlel Dios. La' i cha'leñob uq'uel yaño' bʌ israelob cha'an tsa' chʌmiyob Nadab yic'ot Abiú che' bʌ tsi' choco tilel lac Yum jini bʌbʌq'uen bʌ c'ajc.

Chol de Tumbalá Bible

⁶ Moisés tsi' sube Aarón yic'ot jini cha'tiquil i yalobilob, Eleazar yic'ot Itamar: Mach yomic mi la' cha'len uq'uel. Mach mi la' tsil la' pislel i yejtal bʌ la' ch'ijiyemlel, ame chʌmiquetla ja'el, ame mich'lenticob pejtelel israelob ti' tojlel Dios. La' i cha'leñob uq'uel yaño' bʌ israelob cha'an tsa' chʌmiyob Nadab yic'ot Abiú che' bʌ tsi' choco tilel lac Yum jini bʌbʌq'uen bʌ c'ajc.

Jiñi Tsiji' bʌ Wen T'añ cha'añ Estudio

⁶ Che' jiñi Moisés tsi' su'be Aarón yic'ot jiñi cha'tiquil i yalobilob, Eleazar yic'ot Itamar: “Mach yomic mi la' loc'san i pislel la' jol, mach mi la' tsil la' pislel i yejtal la' ch'ijiyemlel, ame chʌmiquetla ja'el, ame mich'lenticob pejtelel israelob ti' tojlel Dios. Pero la' i cha'leñob uq'uel yaño' bʌ israelob cha'añ tsa' chʌmiyob Nadab yic'ot Abiú che' bʌ tsi' choco tilel lac Yum jiñi bʌ'bʌq'uen bʌ c'ajc.

Levitico 10:6 Iomraidhean Croise

2 Samuel 24:1

Tsa' cha' caji ti mich' lac Yum yic'ot pejtelel israelob. Tsi' ña'ta i yʌq'ueñob wocol. Tsi' yotsa ti' pusic'al David cha'an mi' choc ñumel x'e'telob i cha'an, cha'an mi' melob censo ti tejclum tac.

Exodo 33:5

lac Yum tsa'ix i sube Moisés: Yom ma' subeñob jini israelob: “Wen tsʌts la' pusic'al. Muq'uic c majlel quic'otetla ti bij mic jisañetla ti ora jach. Wʌle loc'san la' ch'ʌjlil cha'an mic ña'tan chuqui mi caj c melbeñetla”, che'en.

Exodo 6:23

Aarón tsi' pʌyʌ Elisabet i yalobil Aminadab, i yijts'in Naasón. Tsi' yʌc'ʌ ti pañimil Nadab, Abiú, Eleazar yic'ot Itamar.

Jeremias 7:29

Set'e i tsutsel a jol, Jerusalén. Cucux ti uq'uel ti a bajñelil ya' ti' chañelal wits, come chocbiletix i cha'an lac Yum woli bʌ i mich'leñet. Cʌybiletix i cha'an.

Levitico 13:45

Juntiquil winic am bʌ leco bʌ i tsoy wersa mi caj i tsil i bujc. Che' jax wajtsuc'tic yom i jol. La' i pʌch'cʌm i pʌchʌlel i yej am bʌ ti chan. La' i yʌl: “Bibi'onix, an leco bʌ c tsoy”.

Miqueas 1:16

Yom mi la' cha'len uq'uel jatetla mu' bʌ la' c'uxbin la' walobilob tsa' bʌ la' meq'ue, come mi caj la' chilbentel. Ma'anix mi caj la' chʌn q'uelob. Tsa'ix pʌjyiyob majlel ti to'ol e'tel ti ñajt tac bʌ pañimil. Jujchin la' jol cha'an i ch'ijiyemlel la' pusic'al.

Numeros 1:53

Jini levíjob mi caj i melob i yotot ya' ti' pam jini Tabernáculo cha'an ma'anic mic mich'len israelob. An ti' wenta jini levíjob cha'an mi' cʌntañob Tabernáculo. Che' tsi' yʌlʌ lac Yum.

Numeros 14:6

Che' jini Josué i yalobil Nun, yic'ot Caleb i yalobil Jefone, jini tsajniyo' bʌ i q'uelob jini lum, tsi' tsiliyob i pislel cha'an i ch'ijiyemlel i pusic'al.

Numeros 16:22

Pero tsi' pʌcchocoyob i bʌ. Tsi' yʌlʌyob: C Dios, C Dios, jatet mu' bʌ a wʌq'ueñob i ch'ujlel pejtelel winicob, ¿mach ba juntiquilic jach jini tsa' bʌ i cha'le mulil? ¿Chucoch woli a laj mich'leñob ti pejtelelob? che'ob.

Numeros 18:5

Cojach jatetla motomajet bʌ la, an ti la' wenta jini e'tel ti Ch'ujul bʌ Ajñibʌl yic'ot ya' ti' t'ejl pulʌntib. Che' jini mi xuc'uletla ma'anix mi' chʌn tilel c mich'ajel ti' contra israelob.

Numeros 20:25

Pʌyʌx majlel Aarón yic'ot Eleazar i yalobil ya' ti wits i c'aba' Hor.

Numeros 5:18

Jini motomaj muq'uix i suben wa'tʌl jini x'ixic tic tojlel. Che' jini mi' ticben i jol jini x'ixic. Mi' yʌq'uen i chuc jini cebada mu' bʌ i yʌc' ti ña'tʌntel i mul che' tsʌytsʌyña i pusic'al i ñoxi'al. Jini motomaj yom chucbil i cha'an jini vaso but'ul bʌ ti ch'aj bʌ ja' mu' bʌ i yʌc' ti wocol jini am bʌ i mul.

Deuteronomio 33:9

Tsi' yʌlʌ: Mach j cʌñʌyic c tat c ña', che'en. Tsi' ts'a'le i pi'ʌlob ja'el yic'ot i yalobilob cha'an xuc'ul tsa' ajni ti a t'an, c Yum. Mi' c'uxbin jini xuc'ul bʌ a t'an.

Josue 22:18

¿Chucoch wolix la' cha' cʌy lac Yum ti ili ora? Tsa'ix la' cʌyʌ lac Yum wʌle. Jini cha'an ijc'ʌl mi caj i mich'leñob pejtelel i cha'año' bʌ Israel.

Josue 22:20

Na'tanla bajche' Acán (i yalobil Zera) tsi' ñusʌbe i t'an Dios che' bʌ tsi' ch'ʌmʌ jini tic'bil bʌ chubʌ'añʌl. Jini cha'an Dios tsi' mich'le pejtelel jini israelob. Mach jinic jach Acán tsa' chʌmi cha'an i mul”, che'ob.

Josue 7:1

Jini israelob tsi' ñusʌbeyob i t'an Dios. Acán (i yalobil Carmi, i yalobil bʌ Zabdi, i yalobil bʌ Zera tilemo' bʌ ti Judá) tsi' ch'ʌmʌ chuqui tac aq'uebil Dios. Dios tsi' mich'le israelob.

Josue 7:11

Jini israelob tsa'ix i cha'leyob mulil. Tsa'ix i ñusayob c t'an tsa' bʌ c subeyob. Tsa'ix i ch'ʌmʌyob jini tic'bil bʌ c cha'an. Tsa'ix i cha'leyob xujch'. Tsa'ix i xʌbʌ tac yic'ot i chubʌ'an.