Levitico 10:3 - Chol: I T’an Dios

³ Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Chol de Tumbalá Bible

³ Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Jiñi Tsiji' bʌ Wen T'añ cha'añ Estudio

³ Moisés tsi' su'be Aarón: Jiñʌch tsa' bʌ i yʌlʌ lac Yum: “Jiñi mu' bʌ i lʌc'tesañob i bʌ, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob wiñicob x'ixicob.” Che' jiñi ñʌch'ʌl tsa' cʌle Aarón.

Levitico 10:3 Iomraidhean Croise

Genesis 18:25

¿Mu' ba caj a tsʌnsan jini tojo' bʌ yic'ot jontolo' bʌ? Che' jini junlajalob yilal jini tojo' bʌ yic'ot jontolo' bʌ. Pero mach che'ic ma' mel. Jini xMeloñel mu' bʌ i mel pejtel año' bʌ ti pañimil, ¿mach ba muq'uic i melob ti toj? Mu' cu. Che' tsi' yʌlʌ Abraham.

Job 2:10

Job tsi' sube i yijñam: Lajal ma' cha'len t'an che' bajche' tonto bʌ x'ixicob. Tsa'ix lac taja cabʌl wen tac bʌ ti' c'ʌb Dios. ¿Mach ba yomic mi lac taj wocol ja'el? che'en Job. Che' jini tsi' cʌnta i yej Job. Anquese cabʌl i wocol, ma'anic tsi' cha'le mulil.

Salmos 119:120

Tsiltsilñayon come mic bʌc'ñañet. Mic bʌc'ñañet che' ma' cha'len meloñel.

Salmos 148:14

Tsi' yʌc'ʌ ti c'uxbintel i cha'año' bʌ. Tsi' cʌntesayob ti c'ay jini israelob cʌntʌbilo' bʌ i cha'an, Cha'an mi' c'ʌyiñob i ñuclel. Subula i ñuclel Dios. ¡Aleluya!

Salmos 39:10

Mach a chʌn jats'on. Lujbonix cha'an wola' jats'on ti a c'ʌb yilal.

Salmos 39:9

Tsaj cʌyʌ c cha'len t'an. Ma'anix mi caw quej, Come jatet tsa' wʌc'ʌyon ti wocol.

Salmos 46:10

Ch'abixla, ña'tanla joñon Dioson. Ñuc mi caj i q'ueloñob ti yan tac bʌ lum, Mi caj c ñuq'uesʌntel ti pañimil, che'en.

Salmos 89:7

Jini ángelob año' bʌ i ye'tel mi' bʌc'ñañob Dios. Wen ñuc Dios ya' ti' tojlel pejtel año' bʌ ti' joytilel.

Salmos 93:5

Wen xuc'ul a t'an, mach jilix ti pejtelel ora. C Yum, ch'ujul a wotot ti pejtelel ora.

Exodo 14:17

Mi caj c wen tsʌts'esʌbeñob i pusic'al egiptojob cha'an mi' yajñesañetla majlel. Mi caj c tsictesan c ñuclel ti' tojlel Faraón, ti' tojlel i soldadojob yic'ot jini c'ʌchʌlo' bʌ ti carreta tac yic'ot ti caballo.

Exodo 14:4

Mi caj c tsʌts'esʌben i pusic'al Faraón cha'an mi' yajñesañob. Mi caj c tsictesan c ñuclel ti' tojlel Faraón yic'ot ti' tojlel pejtel soldadojob. Jini egiptojob mi caj i ña'tañob joñon Yumʌlon. Che' tsi' yʌlʌ lac Yum. Jini israelob tsi' meleyob che' bajche' subebilob.

Exodo 19:22

La' ajnicob ti ch'ujul jini motomajob mu' bʌ caj i lʌc'tesañob ame mij contrajiñob.

Exodo 19:24

Lac Yum tsi' sube: Yom ma' cha' jubel. Pʌyʌ letsel Aarón awic'ot. Pero subeñob jini motomajob yic'ot winicob x'ixicob mach yomic mi' c'axelob ba'an mojon tac cha'an mi' tilelob ba' añon, ame mij contrajiñob, che'en lac Yum.

Exodo 30:30

Boño ja'el jini Aarón yic'ot i yalobilob. Sʌq'uesañob cha'an mi' melbeñoñob que'tel ti motomaj.

Isaias 39:8

Ezequías tsi' jac'be: Uts'at pejtel i t'an lac Yum che' bajche' wola' wʌl. Mach talic wocol che' cuxulon to. Ñʌch'ʌl to pañimil, xuc'ul to c yumʌntel che' cuxulon, che'en.

Isaias 49:3

Dios tsi' subeyon: “Israel c Winiquet, mero Israelet. Mi caj c taj c ñuclel ti jatet”, che'en.

Isaias 52:11

Loq'uenla ti Babilonia, c pi'ʌlob. Cʌyʌla pejtelel i mul jini año' bʌ ti pañimil. Mach yomic mi la' tʌl chuqui tac bibi'. Sʌq'uesan la' bʌ jatetla mu' bʌ la' cuch majlel i latu tac lac Yum.

Ezequiel 20:41

Che' mic cha' pʌyetla loq'uel ya' ba' cʌchʌletla, lajaletla tic wut bajche' xojocña bʌ i yujts'il pom. Che' jini ch'ujul mi caj j q'uejlel ti' wutob winicob ti pañimil che' mi la' c'uxbiñon.

Ezequiel 28:22

Subeñob: “Lac Yum Dios woli' yʌl: Wʌle wolix j contrajiñet Sidón. Mach jalix mi caj c pʌs c ñuclel ti a tojlel che' mic jisañet. Che' mic pʌs c bʌ ti ch'ujul ti a tojlel mi caj i ña'tañob ti pejtelel pañimil Yumʌlon.

Ezequiel 38:16

Che' jini mi caj a lon tilel ti' contra c tejclum Israel che' bajche' tocal mu' bʌ i mʌc pañimil. Ti jini cojix bʌ q'uin tac mi caj c pʌyet tilel tic tejclum. Che' jini mi caj i cʌñoñob yambʌ tejclumob ti pañimil che' mi' q'uelob bajche' mic jisañet. Mi caj i ña'tañob ch'ujulon.

Ezequiel 40:46

Jixcu ili am bʌ ti sur jiñʌch cha'an motomajob mu' bʌ i cʌntañob jini pulʌntib. Jiñʌch i yalobilob Sadoc, i p'olbalo' bʌ Leví. Jiñob jach mi mejlel i melbeñob i ye'tel lac Yum.

Ezequiel 42:13

Tsi' subeyon: Ch'ujulʌch jini tsalʌl tac am bʌ ti norte ti sur ya' bʌ an ti' tojel jini patio cha'an Templo. Jini motomajob i cha'an lac Yum mi caj i c'uxob jini majtañʌl tac ya'i. Ya'ʌch mi caj i yʌc'ob jini majtañʌl tac cha'an i ñusʌntel mulil, come ch'ujulʌch ili tsalʌl tac.

Levitico 21:21

Majqui jach mach c'oq'uic ti' tojlel i p'olbal jini motomaj Aarón mach mejlic ti ochel ba' añon cha'an mi' pulbeñon c majtan. Tic'bil mi' pulbeñon c majtan come mach c'oq'uic.

Levitico 21:6

Yom ch'ujuletla tic tojlel. Mach mi la' juch'tec' j c'aba', come an ti la' wenta la' wʌq'ueñon c majtan, come la' Yumon la Dioson.

Levitico 21:8

Ch'ujul mi caj la' wajñel cha'an mi la' wʌq'ueñon c majtan tac, come ch'ujulon mu' bʌ c sʌq'uesañetla.

Levitico 22:9

Yom ts'ʌcʌl mi' jac'beñoñob c mandar, cha'an ma'anic mi' tajob i mul, cha'an ma'anic mi' chʌmelob, come joñoñʌch mu' bʌ c sʌq'uesañob.

Levitico 8:35

Wucp'ejl q'uin yom mi la' wajñel ti' ti' jini Tabernáculo ti q'uiñil yic'ot ti ac'ʌlel cha'an ma'anic mi la' chʌmel, come che'ʌch tsi' subeyon lac Yum, che'en Moisés.

Numeros 20:12

Pero lac Yum tsi' sube Moisés yic'ot Aarón: Ma'anic tsa' la' ñopoyon che' bajche' yom. Ma'anic tsa' la' wʌc'ʌ ti cʌjñel c ñuclel ti' tojlel israelob cha'an mi' ña'tañob ch'ujulon. Jini cha'an mic subeñetla, ma'anic mi caj la' pʌy ochel ili winicob ti jini lum ba' tsa cʌq'ueyob, che'en lac Yum.

Mateo 10:37

Jini mu' bʌ i ñumen c'uxbin i tat i ña' bajche' mi' c'uxbiñon mach uts'atic mij q'uel. Jini mu' bʌ i ñumen c'uxbin i yalobil bajche' mi' c'uxbiñon mach uts'atic mij q'uel.

Juan 12:28

C Tat, pʌsʌ i ñuclel a c'aba', che'en Jesús. Jini cha'an tsa' tili t'an ch'oyol bʌ ti panchan. Tsi' yʌlʌ: Tsa'ix c pʌsʌ i ñuclel j c'aba'. Mi caj c cha' pʌs, che'en.

Juan 14:13

Pejtelel chuqui tac mi la' c'ajtiben c Tat tij c'aba', mi caj c cha'len cha'an mi' tsictiyel i ñuclel c Tat ti' Yalobil.

Deuteronomio 32:51

Ti la' cha'ticlel tsa' la' chañ'esa la' bʌ ya' ti ja' i c'aba' Meriba am bʌ ti Cades ya' ti colem bʌ i tiquiñal pañimil i c'aba' Zin. Ma'anic tsa' la' q'ueleyon ti ñuc ti' tojlel israelob.

2 Tesalonicenses 1:10

Ti jim bʌ q'uin mi caj i tilel lac Yum cha'an mi' sujbel ti ñuc ti' tojlel i cha'año' bʌ. Mi caj i q'uejlel ti ñuc lac Yum ti' tojlel pejtelel tsa' bʌ i ñopoyob yic'ot ti la' tojlel. Come tsa'ix la' ñopo c t'an lojon che' bʌ tsac subeyetla.

1 Pedro 4:17

Come i yorajlelix mi' melob i bʌ i cha'año' bʌ Dios. Mi ñaxan mi' melonla, ¿bajche' mi caj i yujtelob jini mach bʌ anic mi' jac'ob i wen t'an Dios?

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.

1 Samuel 3:18

Che' jini Samuel tsi' laj tsictesʌbe chuqui tsi' sube lac Yum. Ma'anic chuqui tsi' mucu. Elí tsi' jac'be: Jiñʌch lac Yum. La' i mel che' bajche' yom, che'en.

1 Samuel 6:20

Tsa' caji i yʌlob jini año' bʌ ti Betsemes: ¿Majqui mi mejlel i yajñel ti' tojlel lac Yum jini ch'ujul bʌ Dios? ¿Baqui mi mejlel lac choc majlel jini Arca? che'ob.