Levitico 10:19 - Chol: I T’an Dios

¹⁹ Pero Aarón tsi' sube Moisés: Wʌle tsa'ix i yʌc'ʌyob jini majtañʌl cha'an i tojol i mulob yic'ot jini pulbil bʌ i majtan lac Yum. Pero leco jax chuqui tsa' ujti sajmʌl tic tojlel lojon. Mi tsa'ix j c'uxu jini we'elʌl, ¿uts'at ba mi' q'uel lac Yum? che'en Aarón.

Chol de Tumbalá Bible

¹⁹ Pero Aarón tsi' sube Moisés: Wʌle tsa'ix i yʌc'ʌyob jini majtañʌl cha'an i tojol i mulob yic'ot jini pulbil bʌ i majtan lac Yum. Pero leco jax chuqui tsa' ujti sajmʌl tic tojlel lojon. Mi tsa'ix j c'uxu jini we'elʌl, ¿uts'at ba mi' q'uel lac Yum? che'en Aarón.

Jiñi Tsiji' bʌ Wen T'añ cha'añ Estudio

¹⁹ Pero Aarón tsi' jac'be Moisés: —Q'uele, sajmʌl tsa'ix i yʌc'ʌyob jiñi majtañʌl cha'añ mi' ñusʌbentelob i mul yic'ot jiñi pulbil bʌ majtañʌl. Pero, leco jax chuqui tsa' ujti sajmʌl tic tojlel lojon, tsa'ic j c'uxu jiñi we'elʌl cha'añ i ñusʌntel mulil, ¿uts'at ba mi' q'uel lac Yum?

Levitico 10:19 Iomraidhean Croise

Isaias 1:11

Woli' yʌl lac Yum: ¿Chuqui to i ye'tel mi la' chʌn tsʌnsʌbeñon c majtan? Anquese cabʌl, mach tijicñayic c pusic'al. Tsa'ix c'ojyi j q'uel la' majtan tac. Mach chʌn comix tat tiñʌme' yic'ot i lewil i yal wacax. Mux c bi'len i ch'ich'el tat wacax yic'ot alʌ tiñʌme' yic'ot i tat chivo.

Isaias 1:15

Che mi la' lon letsan la' c'ʌb tic tojlel cha'an mi la' pejcañon ti oración, mux caj c mʌy c wut. Anquese cabʌl mi la' cha'len oración, mi wisilic mi caj c jac'beñetla cha'an ti' caj stsʌnsajetla, xbec' ch'ich'etla.

Jeremias 14:12

Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 6:20

Lolom jach mi la' ch'ʌmbeñon tilel pom ch'oyol bʌ ti Seba yic'ot canela ch'oyol bʌ ti ñajtʌl. Mach uts'atic mij q'uel c majtan ti la' c'ʌb. Lolom jach mi la' wʌq'ueñon c majtan ti pulʌntib. Mach xojocñayic mi cubin, che'en.

Oseas 9:4

Ya'i mach chʌn mejlix la' wʌq'uen i majtan la' Yum. Ma'anic mi caj i mulan i majtan mu' bʌ la' wʌq'uen ya'i. Come bibi' ti' wut che' bajche' we'elʌl ti' yotlel ch'ujlelʌl. Bibi'ob pejtel mu' bʌ i c'uxob. Mi mejlel i c'uxob come i bʌlʌch i ñʌc', pero mach mejlic i yʌq'ueñob Dios.

Levitico 10:20

Moisés tsi' wen ubibe i t'an. Tijicña tsa' cha' cʌle.

Levitico 9:12

Che' jini tsi' tsʌnsa jini alʌc'ʌl cha'an mi' pulben lac Yum. I yalobilob Aarón tsi' lotoyob jini ch'ich'. Aarón tsi' tsijca ya' ti pam pulʌntib.

Levitico 9:8

Jini cha'an Aarón tsi' lʌc'tesa i bʌ ya' ti pulʌntib. Tsi' tsʌnsa jini alʌ tat wacax cha'an i ñusʌntel i mul.

Malaquias 1:10

Uts'at anic juntiquil mu' bʌ i ñup'ben i ti' Templo cha'an ma'anix mi la' chʌn tsuc' jini c'ajc ti pulʌntib. Ma'anic mij q'ueletla ti uts'at, che'en i Yum Panchan yic'ot Pañimil. Ma'anic mic ch'ʌm tic wenta jini majtañʌl mu' bʌ la' wʌq'ueñon.

Malaquias 1:13

Mi la' ts'a'leñon. Wocol jax mi la' wubin che' mi la' wʌq'ueñon c majtan. ¡Ña'tanla! che' mi la' ch'ʌmbeñon tilel xpots' bʌ alʌc'ʌl yic'ot mach bʌ wenic i yoc yic'ot c'am bʌ, ¿yom ba mic ch'ʌm tic wenta?

Malaquias 2:13

An yambʌ la' mul mu' bʌ la' mel. Mi la' cha'len uq'uel ya' ba' mi' yʌq'uentel i majtan lac Yum, come ma'anix mi' q'uel ti uts'at i majtan mu' bʌ la' wʌq'uen. Ma'anix mi la' tajben i yutslel i pusic'al lac Yum.

Deuteronomio 12:7

Ya' mi caj la' c'ux ti' tojlel lac Yum Dios. Che' jini mi caj la' taj tijicña bʌ la' pusic'al ti pejtelel la' we'tel, jatetla yic'ot la' pi'ʌlob, come aq'uebiletix la' bendición ti lac Yum Dios.

Deuteronomio 26:14

Ma'anic tsaj c'uxu a cha'an bʌ che' woliyon ti uc'taya. Ma'anic tsac tʌlʌ che' bibi'on. Ma'anic tsa cʌq'ue jini ch'ujlelʌlob. Tsa'ix c mele che' bajche' tsa' subeyon.

Filipenses 4:4

Tijicñesan la' pusic'al ti lac Yum ti pejtelel ora. Mic cha' subeñetla: Tijicñesan la' pusic'al.

Hebreos 7:27

Mach wersajic mi' tsʌnsʌben i majtan Dios ti jujump'ejl q'uin che' bajche' yambʌ motomajob. Ñaxan tsi' tsʌnsʌbeyob i majtan Dios cha'an i bajñel mul, ti wi'il cha'an i mul i pi'ʌlob. Pero Jesús tsi' tojo lac mul che' bʌ tsi' yʌc'ʌ i bʌ ti chʌmel che' bajche' tsʌnsʌbil bʌ i majtan Dios. Jasʌl junyajl tsa' chʌmi.

Hebreos 9:8

Che' bajche' jini, jini Ch'ujul bʌ Espíritu mi' yʌq'ueñonla lac ña'tan maxto tsictiyemic bajche' mi la cochel ti jini C'ax Ch'ujul bʌ Ajñibʌl che' wa'al to jini ñaxan bʌ otot.