Levitico 10:12 - Chol: I T’an Dios

¹² Moisés tsa' caji i suben Aarón yic'ot i yalobilob Eleazar yic'ot Itamar: Ch'ʌmʌla jini trigo bʌ majtañʌl tsa' bʌ colobaji che' bʌ tsa' la' wʌq'ue i majtan lac Yum ya' ti pulʌntib. Yom mi la' c'ux jini waj mach bʌ anic i levadurajlel ya' ti' t'ejl jini pulʌntib. Ch'ujulʌch jini majtañʌl.

Chol de Tumbalá Bible

¹² Moisés tsa' caji i suben Aarón yic'ot i yalobilob Eleazar yic'ot Itamar: Ch'ʌmʌla jini trigo bʌ majtañʌl tsa' bʌ colobaji che' bʌ tsa' la' wʌq'ue i majtan lac Yum ya' ti pulʌntib. Yom mi la' c'ux jini waj mach bʌ anic i levadurajlel ya' ti' t'ejl jini pulʌntib. Ch'ujulʌch jini majtañʌl.

Jiñi Tsiji' bʌ Wen T'añ cha'añ Estudio

¹² Moisés tsi' su'be Aarón, yic'ot i yalobilob i c'aba' Eleazar yic'ot Itamar, jiñi tsa' to bʌ cʌleyob: “Ch'ʌmʌla jiñi trigo bʌ majtañʌl tsa' bʌ colojbaji che' bʌ tsa' la' wʌq'ue i majtañ lac Yum ya' ti pulʌntib. Yom mi la' c'ux jiñi waj mach bʌ añic i levadurajlel ya' ti' t'ejl jiñi pulʌntib, come ch'ujulʌch jiñi majtañʌl.

Levitico 10:12 Iomraidhean Croise

2 Cronicas 31:14

Coré (i yalobil Imna jini leví) tsa' wa'choconti ti xcʌnta ti' otot ya' ti' tojel i pasibal q'uin. Tsa' ajni ti' wenta cha'an mi' ch'ʌm jini ofrenda tac tsa' bʌ aq'uenti lac Yum cha'an mi' pucbeñob jini motomajob. I pi'ʌlob ti e'tel jiñobʌch: Edén, Miniamin, Jesúa, Semaías, Amarías yic'ot Secanías. Yajcʌbilob cha'an mi' pucbeñob jini motomajob yic'ot i pi'ʌlob ti jujump'ejl tejclum ti mojt ti mojt. Lajal tsi' t'oxbeyob jini añobix bʌ i jabilel che' bajche' jini maxto bʌ anic i colel.

Exodo 29:2

Chajpan waj mach bʌ paj'esʌbilic, yic'ot pan mach bʌ paj'esʌbilic, tiq'uesʌbil bʌ ti aceite, yic'ot galleta mach bʌ paj'esʌbilic, ts'ajbilix bʌ ti aceite. Yom mi la' c'ʌn harina melbil bʌ ti trigo wen juch'bil bʌ.

Exodo 29:33

Mi caj i c'uxob pejtelel tsa' bʌ aq'uentiyon cha'an i tojol i mulob, cha'an mi' wa'chocontelob ti ye'tel, cha'an mi' sʌq'uesʌntelob. Pero jini yambʌ joch winic mach mejlic i c'ux come jini ch'ujulʌch.

Exodo 6:23

Aarón tsi' pʌyʌ Elisabet i yalobil Aminadab, i yijts'in Naasón. Tsi' yʌc'ʌ ti pañimil Nadab, Abiú, Eleazar yic'ot Itamar.

Ezequiel 44:29

Jiñʌch mu' bʌ caj i c'uxob: Jini majtañʌl chajpʌbil bʌ ti trigo, yic'ot mu' bʌ i tsʌnsʌntel cha'an mulil. Pejtelel mu' bʌ i yʌc'ob jini israelob i cha'añobʌch jini motomajob.

Levitico 10:13

Jini cha'an yom mi la' c'ux ya' ti Ch'ujul bʌ Ajñibʌl, come jiñʌch tsa' bʌ aq'uentiyetla mi la' c'ux, jatetla yic'ot ch'iton bʌ la' walobilob. Loq'uemʌch ti pulbil tac bʌ i majtan lac Yum che' bajche' tsi' subeyon.

Levitico 21:22

Mi mejlel i c'ux jini ch'ujul bʌ c waj, jiñʌch c'ax ch'ujul bʌ c majtan.

Levitico 24:9

Aarón yic'ot i yalobilob mi caj i c'uxob jini waj ya' ti Ch'ujul bʌ Ajñibʌl. Come jiñʌch c'ax ch'ujul bʌ c majtan yom bʌ mic chʌn aq'uentel ti pejtelel ora. Che' tsi' yʌlʌ lac Yum.

Levitico 7:9

Jini motomaj am bʌ ti' wenta cha'an mi yʌq'ueñon jini uts'at tac bʌ majtañʌl melbil tac bʌ ti trigo mu' bʌ i colojbajel, mi tiq'uesʌbil ti horno, o mi ch'ilbil, mi caj i ch'ʌm. I cha'añʌch cha'an mi' c'ux.