Levitico 10:11 - Chol: I T’an Dios

¹¹ An ti la' wenta cha'an mi la' cʌntesan israelob pejtelel jini mandar che' bajche' tsa cʌq'ue Moisés. Che' tsi' yʌlʌ lac Yum.

Chol de Tumbalá Bible

¹¹ An ti la' wenta cha'an mi la' cʌntesan israelob pejtelel jini mandar che' bajche' tsa cʌq'ue Moisés. Che' tsi' yʌlʌ lac Yum.

Jiñi Tsiji' bʌ Wen T'añ cha'añ Estudio

¹¹ yic'ot ja'el añ ti la' wenta cha'añ mi la' cʌntesan israelob ti' pejtelel jiñi mandar che' bajche' tsa' cʌq'ue Moisés.”

Levitico 10:11 Iomraidhean Croise

2 Cronicas 15:3

Cabʌlix ora woli' tʌts'ob i bʌ israelob. Ma'anic mi' ch'ujutesañob jini Cuxul bʌ Dios. Ma'anic i motomajob mu' bʌ i cʌntesañob. Mach i cʌñʌyobic i mandar.

2 Cronicas 17:9

Tsa' cajiyob ti cʌntesa ti pejtelel i lumal Judá. Tsi' ch'ʌmʌyob ñumel i juñilel i mandar lac Yum ti pejtelel jini tejclum tac.

2 Cronicas 30:22

Ezequías tsi' subeyob wocolix i yʌlʌ jini levíjob tsa' bʌ i ch'ujutesayob lac Yum yic'ot música. Tijicñayob tsi' cha'leyob q'uiñijel wucp'ejl q'uin. Tsi' yʌq'ueyob i majtan lac Yum cha'an i ñʌch'tʌlel i pusic'al. Tsi' subeyob wocolix i yʌlʌ lac Yum i Dios i ñojte'elob. Tsi' subuyob i mul.

Nehemias 8:2

Che' ti ojlil septiembre, Esdras, jini motomaj, tsi' ch'ʌmʌ tilel jini mandar ba' tempʌbilob winicob x'ixicob yic'ot pejtel añobix bʌ i pusic'al cha'an mi' ch'ʌmbeñob isujm.

Nehemias 8:8

C'am tsi' pejcayob i mandar Dios ti jun cha'an mi' laj ubiñob. Tsi' pʌsbeyob i sujmlel cha'an mi' wen ch'ʌmbeñob isujm.

Jeremias 18:18

Tsa' caji i temob i t'an c pi'ʌlob: ¿Chuqui yom mi lac tumben Jeremías? che'ob. An lac cha'an motomajob yic'ot x'alt'añob yic'ot winicob cabʌl bʌ i ña'tʌbal. Ma'anic i ye'tel jini Jeremías. La' lac jop'ben i mul cha'an mi' cʌjchel. Mach yomic mi lac chʌn ñich'tʌben i t'an, che'ob.

Jeremias 2:8

Jini motomajob ja'el ma'anic woli' yʌlob: “¿Baqui an lac Yum?” Jini yujilo' bʌ mandar mach i cʌñʌyoñobix. Jini año' bʌ i ye'tel wolix i contrajiñoñob. Jini subt'añob woli' subob ti ñuc jini Baal. Woli' tsajcañob jini lolom jach bʌ.

Malaquias 2:7

Uts'at che' mi' wen subob i ña'tʌbal Dios jini motomajob ti' tojlel winicob x'ixicob cha'an mi' ñopob i mandar Dios. Jini motomajob subt'añobʌch cha'an i Yum Panchan yic'ot Pañimil. Uts'at che' mi' c'otelob winicob ba'an jini motomajob cha'an mi' cʌntesʌntelob.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Hechos 20:27

Ma'anic tsac cha'le bʌq'uen, pero ts'ʌcʌl tsac subeyetla i t'an Dios.

Deuteronomio 17:10

Jini cha'an che'ʌch yom mi la' mel che' bajche' mi' subeñetob jini año' bʌ i ye'tel ya' ti ajñibʌl yajcʌbil bʌ i cha'an lac Yum. Yom wen tsajiletla cha'an ts'ʌcʌl mi la' mel che' bajche' mi la' cʌntesʌntel.

Deuteronomio 17:11

Melela ti ts'ʌcʌl che' bajche' mi' subeñetob. Mach yomic mi la' wis tʌts' la' bʌ mi ti la' ts'ejic mi ti la' ñojic.

Deuteronomio 24:8

Tsajin a bʌ che' an juntiquil am bʌ leco bʌ i tsoy. Yom ma' jac'ben i t'an motomajob levíjob, cha'an ts'ʌcʌl ma' mel bajche' mi' subeñetob. Come tsa'ix cʌq'ueyob mandar bajche' yom melol.

Deuteronomio 33:10

Mi' cʌntesan i p'olbal Jacob bajche' yom melol yic'ot bajche' yom jac'ol a t'an. Mi' yʌq'ueñet a majtan ti pulʌntib cha'an xojocña ma' wubiben i yujts'il jini pulbil bʌ majtañʌl.

1 Tesalonicenses 4:2

Come la' wujilix bajche' yom mi la' wajñel che' bajche' tsac subeyet lojon ti lac Yum Jesús.