Levitico 10:1 - Chol: I T’an Dios

¹ Pero jini Nadab yic'ot Abiú, i yalobilob Aarón, leco bajche' tsi' meleyob. Tsi' bajñel tsuc'uyob c'ajc ti' yajñib pom. Tsi' yotsayob pom ya' ti pam c'ajc ti' tojlel lac Yum. Tsi' puluyob pom yic'ot c'ajc mach bʌ ch'ujulic. Leco tsi' q'uele lac Yum.

Chol de Tumbalá Bible

¹ Pero jini Nadab yic'ot Abiú, i yalobilob Aarón, leco bajche' tsi' meleyob. Tsi' bajñel tsuc'uyob c'ajc ti' yajñib pom. Tsi' yotsayob pom ya' ti pam c'ajc ti' tojlel lac Yum. Tsi' puluyob pom yic'ot c'ajc mach bʌ ch'ujulic. Leco tsi' q'uele lac Yum.

Jiñi Tsiji' bʌ Wen T'añ cha'añ Estudio

¹ Nadab yic'ot Abiú, i yalobilob Aarón, ti jujuntiquil tsi' ch'ʌmʌyob i yajñib pom, che' jiñi tsi' tsuc'uyob c'ajc ya' ti yajñib pom, tsi' yotsayob pom ya' ti' pam c'ajc, tsi' tsuc'uyob c'ajc ti' tojlel lac Yum mach bʌ albilic i cha'añ.

Levitico 10:1 Iomraidhean Croise

1 Reyob 18:38

Tsa' bʌc' tili c'ajc chocbil tilel ti lac Yum. Tsa' puli i majtan Dios yic'ot si' yic'ot xajlel yic'ot lum. Jini ja' tsa' laj tsʌc'mi.

Salmos 141:2

La' letsic jini coración ba' añet che' bajche' i buts'il pom. Yom ma' q'uelon che' mic letsan j c'ʌb i wentajʌch a majtan che' ti ic'ajel.

Exodo 24:1

Lac Yum tsi' sube Moisés: Yom ma' letsel tilel ba' añon awic'ot Aarón, Nadab, Abiú, awic'ot lujuntiquil i chʌnc'al xñoxo' bʌ ti Israel. Ñajt mi caj i ch'ujutesañoñob.

Exodo 24:9

Tsa' letsi majlel ti wits Moisés yic'ot Aarón yic'ot Nadab yic'ot Abiú, yic'ot lujuntiquil i chʌnc'al (70) ñoxo' bʌ israelob.

Exodo 27:3

Yom mi la' mel ja'el poc' tac, yic'ot pala tac, yic'ot wechel tac bʌ e'tijibʌl cha'an mi la' c'ʌn la' jop loq'uel jini tan. Yom taza tac ja'el yic'ot pejtelel yan tac bʌ mu' bʌ i c'ʌjñel. Laj melbil yom ti bronce.

Exodo 28:1

Yom ma' wa'chocon Aarón yic'ot i yalobilob cha'an mi' coltañetob. Yom mi' melbeñoñob que'tel jini motomajob. Jiñʌch Aarón, Nadab, Abiú, Eleazar, yic'ot Itamar i yalobil Aarón.

Exodo 31:11

Pejtelel jini tsa' bʌ c subeyet, cha'an jini aceite, cha'an bojñibʌl yic'ot jini xojocña bʌ pom, cha'an mi' c'ʌjñel ya' ti Ch'ujul bʌ Ajñibʌl, jiñob mi caj i laj melob. Che' tsi' yʌlʌ lac Yum.

Exodo 37:29

Che' ja'el tsi' c'ʌñʌ i ña'tʌbal cha'an mi' chajpan ch'ujul bʌ aceite cha'an bojñibʌl. Tsi' mele uts'at bʌ xojocña bʌ pom ja'el.

Exodo 38:3

Tsi' mele ti bronce ja'el poc' tac, yic'ot wechel tac bʌ e'tijibʌl cha'an mi' jopob loq'uel jini tan. Tsi' mele ja'el jini taza tac yic'ot pejtelel yan tac bʌ mu' bʌ i c'ʌjñel.

Exodo 40:27

Tsi' pulu ti pulʌntib jini xojocña bʌ pom che' bajche' lac Yum tsi' sube.

Exodo 6:23

Aarón tsi' pʌyʌ Elisabet i yalobil Aminadab, i yijts'in Naasón. Tsi' yʌc'ʌ ti pañimil Nadab, Abiú, Eleazar yic'ot Itamar.

Exodo 8:27

Wersa mic majlel lojon uxp'ejl q'uin xʌmbal ti colem bʌ i tiquiñal lum cha'an mi cʌq'uen lojon tsʌnsʌbil bʌ i majtan c Yum lojon Dios che' bajche' mi caj i subeñon lojon, che'en.

Jeremias 19:5

Tsa' la' wa'chocobe i pulʌntib i majtan Baal ba' mi la' pul ti c'ajc la' walobilob. Mach c mandaric. Ma'anic tsac wis ña'ta j c'ajtibeñet.

Jeremias 32:35

Tsi' wa'chocobeyob i pulʌntib Baal ya' ti joctʌl i cha'an Hinom ba' mi' pulob jini ch'iton bʌ yic'ot xch'oc bʌ i yalobilob cha'an i ch'ujutesʌntel Moloc. Mach che'ic tsa cʌq'ueyob mandar. Mach tilemic tic pusic'al. Jiñʌch leco bʌ i melbal Judá woli bʌ i yʌsan ti ñuc bʌ i mul.

Jeremias 44:15

Ya' tempʌbilob bajc'ʌl winicob x'ixicob tsa' bʌ majliyob ti Egipto, chumulo' bʌ ti Patros. Añʌch i mul ili x'ixicob cha'an tsi' pulbeyob pom jini dioste' tac. Ña'tʌbil i cha'an i ñoxi'alob, pero ma'anic tsi' tiq'uiyob. Tsi' yʌlʌyob jini winicob:

Jeremias 44:8

¿Chucoch mi la' techbeñon c mich'ajel cha'an i melbal la' c'ʌb? Mi la' pulbeñob pom yambʌ diosob wʌ' ti Egipto ba' tsa' tiliyetla ti chumtʌl. Che' jini mi caj la' ts'a'lentel ti pejtelel lum tac ti pañimil.

Jeremias 7:31

Ya' ti joctʌl Hinom tsi' wa'chocoyob chan bʌ i yajñib tac c'ajc i c'aba' Tofet ba' mi' pulob ch'iton bʌ yic'ot xch'oc bʌ i yalobilob. Mach che'ic tsac subeyob. Leco bajche' mi' melob. Mach tilemic tic pusic'al.

Levitico 16:1

Che' bʌ tsa' ujti ti chʌmel jini cha'tiquil i yalobilob Aarón, che' bʌ tsi' tsuc'uyob jini tic'bil bʌ c'ajc ti' tojlel lac Yum, lac Yum tsi' sube Moisés: Suben a wʌscun Aarón mach yomic mi' yochel ya' ti Ch'ujul bʌ Ajñibʌl baqui jach bʌ ora ame chʌmic. Jini Ch'ujul bʌ Ajñibʌl jiñʌch am bʌ ti' junwejlel jini tsalʌl bʌ pisil, ya' ti' tojel jini Arca ba' mi' ñusʌntel mulil. Come joñon mic pʌs c bʌ ti tocal ya' ti' pam ba' mi' ñusʌntel mulil.

Levitico 16:12

Yom mi' ch'ʌm tilel i yajñib pom yic'ot i nich c'ajc tsa' bʌ i loc'sa ti pulʌntib ya' tic tojlel, yic'ot cha'mujch' xojocña bʌ ts'ac wen juch'bil bʌ cha'an mi' ch'ʌm majlel ya' ti' junwejlel tsalʌl bʌ pisil.

Levitico 22:9

Yom ts'ʌcʌl mi' jac'beñoñob c mandar, cha'an ma'anic mi' tajob i mul, cha'an ma'anic mi' chʌmelob, come joñoñʌch mu' bʌ c sʌq'uesañob.

Levitico 9:24

Tsa' loq'ui tilel c'ajc ti' tojlel lac Yum. Tsi' laj pulu jini majtañʌl yic'ot i lewil tac am bʌ ti' pam jini pulʌntib. Che' bʌ tsi' q'ueleyob jini winicob, tsi' cha'leyob c'am bʌ t'an. Tsi' pʌcchocoyob i bʌ ti' tojlel lac Yum.

Numeros 16:46

Moisés tsi' sube Aarón: Ch'ʌmʌ i yajñib pom ti ora. Otsan jini nich c'ajc am bʌ ya' ti pulintib. Che' woli to ti pulel, cucu ti ajñel. Ch'ʌmʌ majlel ya' ba'an israelob cha'an mi' ñusʌbentelob i mul, come mich' lac Yum. Woli' pʌsbeñob i mich'ajel cha'an tsi' mich'leyob. Woliyobix ti chʌmel, che'en Moisés.

Numeros 26:61

Pero tsa' chʌmiyob Nadab yic'ot Abiú che' bʌ tsi' yotsayob ti Tabernáculo ti' tojel lac Yum jini c'ajc mach bʌ ch'ujulic, tic'bil bʌ i cha'an.

Deuteronomio 12:32

Yom tsajiletla. Jac'ʌla pejtel woli bʌ c subeñetla. Mach yomic mi la' xʌb otsan a t'an. Mach yomic mi la' t'ox jisan.

Deuteronomio 4:2

Tsa'ix cʌq'ueyetla mandar. Mach yomic mi la' wotsan yambʌ. Mach yomic mi la' t'ox jisan. Ch'oyol ti lac Yum Dios jini mu' bʌ c subeñetla. Wersa yom mi la' jac' ti ts'ʌcʌl.

Hebreos 9:4

Ya'an i pulʌntib pom melbil bʌ ti oro yic'ot caxate' laj tep'bil bʌ ti oro ba' lotol jini xuc'ul bʌ t'an. Ya' ti mal caxate' an p'ejt melbil bʌ ti oro ba' lotol maná. Ya'an ja'el i barate' Aarón tsa' bʌ i cha'le nich yic'ot jini xajlel ba' ts'ijbubil jini lujump'ejl mandar.