Levitico 1:9 - Chol: I T’an Dios

⁹ Jini i yoc yic'ot i soyta' yom mi' pocob ti ja'. Che' jini ti wi'il jini motomajob mi caj i pulob ya' ti' pulʌntib cha'an uts'at bʌ c majtan mu' bʌ c mulan.

Chol de Tumbalá Bible

⁹ Jini i yoc yic'ot i soyta' yom mi' pocob ti ja'. Che' jini ti wi'il jini motomajob mi caj i pulob ya' ti' pulʌntib cha'an uts'at bʌ c majtan mu' bʌ c mulan.

Jiñi Tsiji' bʌ Wen T'añ cha'añ Estudio

⁹ Mi caj i pocbeñob ti ja' i ya' yic'ot i soyta', che' jiñi, jiñi motomajob mi caj i pulob ya' ti' pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 1:9 Iomraidhean Croise

Genesis 8:21

Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

2 Cronicas 4:6

Che' ja'el tsi' mele yambʌ lujump'ejl i yajñib ja'. Jo'p'ejl tsi' yʌc'ʌ ti' ñoj jini colem bʌ, jo'p'ejl ti' ts'ejtilel cha'an ya'i mi' pocob jini majtañʌl. Pero jini motomajob tsi' c'ʌñʌyob jini colem bʌ i yajñib ja' cha'an mi' pocob i bʌ.

Salmos 51:6

A wom a taj chuqui tac isujm ti' pusic'al winic, Jini cha'an aq'ueñon c wen ch'ʌmben isujm chuqui a wom.

Salmos 66:15

Mi caj cʌq'ueñet jujp'em bʌ tat tiñʌme' yic'ot i tat wacax yic'ot i tat chivo, pulbil tac bʌ a majtan, Yic'ot i buts'il tat tiñʌme'.

Exodo 12:9

Mach yomic mi la' c'ux che' tsij to mi che' ch'ʌxbil ti ja', pero pojpobil yic'ot i jol yic'ot i yoc yic'ot i pusic'al yic'ot i yolmal.

Exodo 29:18

Yom ma' pul pejtelel jini tat tiñʌme' cha'an pulbil bʌ i majtan a Yum. Jiñʌch yom bʌ mi' pulel, jini mu' bʌ c ch'ʌm tic wenta.

Exodo 29:25

Ti wi'il yom ma' ch'ʌmbeñob ti' c'ʌb cha'an ma' pul ya' ti pulʌntib. Jiñʌch pulbil bʌ c majtan, uts'at bʌ, xojocña bʌ, pulbil bʌ ti c'ajc.

Jeremias 4:14

Sʌq'uesan a pusic'al, Jerusalén. Cʌyʌ a mul cha'an ma' coltʌntel. ¿Jala to ba mi caj a chʌn ña'tan ti a pusic'al chuqui tac leco?

Ezequiel 20:28

Che' bʌ tsac pʌyʌyob tilel ila ti lum tsa' bʌ cʌq'ueyob che' bajche' tsac subeyob i tatob, tsi' ch'ujutesayob dioste' tac ba'an colem te' tac ti bujbujtʌl. Ya' tsa' majli i tsʌnsʌbeñob i majtan cha'an mi' yutsi techbeñoñob c mich'ajel. Ya' tsi' puluyob jini xojocña bʌ pom. Tsi' bec'beyob jini japbil bʌ majtañʌl tac.

Ezequiel 20:41

Che' mic cha' pʌyetla loq'uel ya' ba' cʌchʌletla, lajaletla tic wut bajche' xojocña bʌ i yujts'il pom. Che' jini ch'ujul mi caj j q'uejlel ti' wutob winicob ti pañimil che' mi la' c'uxbiñon.

Ezequiel 40:38

An jump'ejl tsalʌl mu' bʌ i jajmel ba' mi' pojquel jini pulbil bʌ majtañʌl tac.

Levitico 1:13

Mi caj i ñaxan pocbeñob ti ja' i soyta' yic'ot i yoc. Che' jini, jini motomajob mi caj i pulob ti' pejtelel, come tijicña mij q'uel pulbil bʌ c majtan.

Levitico 2:16

Che' jini, jini motomaj mi caj i pul lamital jini juch'bil bʌ trigo. Yom xajc'ubil yic'ot aceite yic'ot jini pom che' ma' wʌq'ueñon.

Levitico 2:2

La' i yʌq'ueñob i yalobilob Aarón. Juntiquil motomaj mi caj i ch'ʌm junmujch' majtañʌl loq'uem bʌ ya' ba' chajpʌbil cha'an mi' pule' yic'ot pom. Mic mulan ili majtañʌl.

Levitico 2:9

Jini motomaj mi caj i pul lamital jini majtañʌl cha'an c ña'tʌntel. Mi caj c ch'ʌm ti wenta ti' pejtelel.

Levitico 4:31

Yom mi' loc'sʌbentel pejtelel i lewil che' bajche' tsa' loc'sʌnti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pam jini pulʌntib. Mi caj c mulan jini c majtan. Che'ʌch yom mi' mel jini motomaj cha'an mi' tojbentel i mul ili winic. Mi caj i ñusʌbentel i mul.

Levitico 6:14

Mi caj la' wʌq'ueñon majtañʌl bʌ harina cha'an i bʌl ñʌc'ʌl. An ti' wenta i yalobilob Aarón cha'an mi' pulbeñon.

Levitico 8:21

Moisés tsi' pocbe i soyta' yic'ot i yoc tac. Tsi' laj otsa ti c'ajc ya' ti pam pulʌntib, come jiñʌch pulbil bʌ i majtan lac Yum, xojocña bʌ mi' yubin. Moisés tsi' mele pejtelel tsa' bʌ i yʌlʌ lac Yum.

Levitico 8:28

Ti wi'il Moisés tsi' cha' ch'ʌmʌ jini majtañʌl. Tsa' caji i pule' ti pam jini majtañʌl ya' ti pulʌntib. Jiñʌch jini pulbil bʌ i majtan lac Yum. Lac Yum tsi' mula jini i majtan.

Levitico 9:14

Tsi' sʌc'be i soyta'. Tsi' pocbe jini i yoc tac. Tsa' caji i pule' ja'el ya' ti' pulʌntib i majtan lac Yum.

Zacarias 13:7

I Yum Panchan yic'ot Pañimil woli' chʌn al: La' tilic i contra cha'an mi' low jini Xcʌntaya c cha'an, jini c pi'ʌl ti e'tel, lajal bʌ quic'ot. La' tsʌnsʌntic jini Xcʌntaya. Mi caj i pam pujquelob jini tiñʌme'. Pero mi caj c sujtel cha'an mij coltan jini ch'o'ch'oco' bʌ.

Numeros 15:3

mi yomob i yʌq'ueñon pulbil tac bʌ c majtan, yic'ot jini tsʌnsʌbil tac bʌ c majtan tilem bʌ ti' pusic'al, che' mi' ts'ʌctesañob i t'an, o che' ti' yorajlel tac la' q'uiñijel, la' i yʌq'ueñoñob xojocña bʌ i yujts'il tic tojlel.

Numeros 28:11

Che' ja'el ti' tejchibal tac jujump'ejl uw, yom mi la' wʌq'uen yambʌ pulbil bʌ i majtan. Yom cha'cojt alʌ tat wacax yic'ot juncojt tat tiñʌme', yic'ot wuccojt alʌ tat tiñʌme' am bʌ jujump'ejl i jabilel mach bʌ i p'ajomalic.

Numeros 28:7

Ti jini jach bʌ ora yom mi la' wʌq'uen japbil bʌ i majtan, ojlil i cha'p'ejl litro vino yic'ot jujuncojt alʌ tat tiñʌme' cha'an mi la' jeb loq'uel jini vino ya' ti Ch'ujul bʌ Ajñibʌl ti' tojlel lac Yum.

Numeros 28:8

Mi caj la' tsʌnsan yambʌ juncojt che' wolix ti bʌjlel q'uin. Aq'uenla yic'ot jini majtañʌl bʌ harina ja'el, yic'ot jini japbil bʌ i majtan. Jiñʌch pulbil bʌ i majtan xojocña bʌ mi' yubin.

2 Corintios 2:15

Come xojocña mi' yubiñonla Dios cha'an woli' yajñel Cristo ti lac pusic'al. Xojocña i yutslel Cristo ti' tojlel jini woli bʌ i coltʌntelob yic'ot jini woliyo' bʌ ti sajtel.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.

Deuteronomio 12:27

Che' jini yom mi la' wʌq'uen jini pulbil tac bʌ majtañʌl, i bʌc'tal yic'ot i ch'ich'el, ya' ti' pam jini pulʌntib i cha'an lac Yum Dios. Yom mi la' bec'ben i ch'ich'el ti' pam jini pulʌntib i cha'an lac yum Dios. Pero mi mejlel la' c'uxben i bʌc'tal jini majtañʌl.

Filipenses 4:18

Tsa'ix la' wʌq'ueyon pejtelel chuqui yom. An i ñumel. Jasʌlix. Epafrodito tsi' ch'ʌmbeyon tilel ti pejtelel. La' wofrenda, xojocña i yujts'il yilal, lajal bajche' pulbil bʌ i majtan Dios mu' bʌ i mulan, uts'at bʌ mi' q'uel.