Levitico 1:4 - Chol: I T’an Dios

⁴ Jini woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jini majtañʌl. Che' jini joñon mi caj c ch'ʌm jini alʌc'ʌl cha'an ti' wenta jini winic. Che' mi' chʌmel jini alʌc'ʌl, ma'anic mi caj i chʌmel jini winic cha'an i mul.

Chol de Tumbalá Bible

⁴ Jini woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jini majtañʌl. Che' jini joñon mi caj c ch'ʌm jini alʌc'ʌl cha'an ti' wenta jini winic. Che' mi' chʌmel jini alʌc'ʌl, ma'anic mi caj i chʌmel jini winic cha'an i mul.

Jiñi Tsiji' bʌ Wen T'añ cha'añ Estudio

⁴ Jiñi woli bʌ i yʌq'ueñon wacax, yom mi' c'ʌcchocon i c'ʌb ya' ti' jol jiñi majtañʌl. Che' jiñi mi caj c ch'ʌm jiñi alʌc'ʌl ti' q'uexol jiñi wiñic cha'añ mi' ñusʌbentel i mul.

Levitico 1:4 Iomraidhean Croise

Exodo 29:10

Che' jini yom ma' pʌy majlel jini alʌ tat wacax ba'an jini Tabernáculo ba' mi' tempañob i bʌ. La' i yʌc'ob i c'ʌb jini Aarón yic'ot i yalobilob ya' ti' jol jini alʌ tat wacax ya' tic tojlel ba'an jini Tabernáculo.

Exodo 29:15

Che' jini yom ma' pʌy tilel juncojt tat tiñʌme'. La' i yʌc'ob i c'ʌb ya' ti' jol tat tiñʌme' jini Aarón yic'ot i yalobilob.

Exodo 29:19

Che' jini yom ma' ch'ʌm jini yambʌ tat tiñʌme'. La' i c'ʌcchocoñob i c'ʌb jini Aarón yic'ot i yalobilob ya' ti' jol jini tat tiñʌme'.

Exodo 29:33

Mi caj i c'uxob pejtelel tsa' bʌ aq'uentiyon cha'an i tojol i mulob, cha'an mi' wa'chocontelob ti ye'tel, cha'an mi' sʌq'uesʌntelob. Pero jini yambʌ joch winic mach mejlic i c'ux come jini ch'ujulʌch.

Isaias 56:7

mi caj c pʌyob tilel ti ch'ujul bʌ c wits ya' ti Jerusalén. Tal i yorajlel, mi caj cʌq'uen i tijicñʌyelob i pusic'al ti' yotlel oración ba' mi' pejcañoñob. Mi caj c ch'ʌmbeñob i yofrenda yic'ot pulbil bʌ c majtan ja'el, come jini cotot mi caj i pejcʌntel ti' yotlel oración i cha'an winicob x'ixicob ti pejtelel lum tac.

Ezequiel 45:15

Yom mi la' wʌq'uen yumʌl juncojt ña' tiñʌme' che' an lujunc'al la' cha'an. Jiñʌch majtañʌl tac melbil bʌ ti trigo, yic'ot pulbil bʌ majtañʌl cha'an mi la' wʌq'ueñon wocolix cʌlʌ. Cha'añʌch i ñusʌntel mulil, che'en lac Yum.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Levitico 16:21

Aarón mi caj i c'ʌcchocon ti' cha'ts'ijtlel i c'ʌb ti' jol jini chivo, cha'an mi' tsictesan pejtelel i mul israelob. Yom mi' choc majlel jini i tat chivo ti' wenta juntiquil winic wa'chocobil bʌ cha'an mi' pʌy majlel ya' ti colem bʌ i tiquiñal pañimil.

Levitico 16:24

La' i cha'len ts'ʌmel ya' ba'an sʌq'uesʌbil bʌ ja'. La' i cha' lʌp i pislel cha'an mi' loq'uel i yʌq'ueñon pulbil bʌ c majtan cha'an i bajñel mul yic'ot i mul jini winicob x'ixicob. Mi caj i ñusʌntel i bajñel mul yic'ot i mul jini israelob.

Levitico 22:21

Che' ja'el che' an juntiquil mu' bʌ i yʌq'ueñon c majtan cha'an i tijicñʌyel i pusic'al cha'an mi' ts'ʌctesan jini tsa' bʌ i wʌn ña'ta, mi tilem ti' bajñel pusic'al mi yʌc' ña' wacax, mi ña' tiñʌme', yom juncojt mach bʌ wis anic i c'amʌjel cha'an uts'at mij q'uel.

Levitico 3:2

La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

Levitico 4:15

Jini xñoxob ya' ti tejclum mi caj i c'ʌcchocoñob i c'ʌb ya' ti' jol jini wacax. Mi caj i tsʌnsañob jini wacax ya' tic tojlel.

Levitico 4:20

Che'ʌch yom mi' mel yic'ot jini wacax che' bajche' mi' mel yic'ot jini yambʌ majtañʌl mu' bʌ cʌq'uentel cha'an mi' ñusʌntelob i mul ti pejtelelob. Che' jini mi caj c ñusʌbeñob i mul ti' pejtelel.

Levitico 4:24

Yom mi' c'ʌcchocon i c'ʌb ti' jol jini chivo. Yom mi' tsʌnsan ya' baqui mi' tsʌnsʌntel jini pulbil tac bʌ majtañʌl. Che' jini yom mi' yʌq'ueñon. Jiñʌch majtañʌl cha'an i mul.

Levitico 4:26

Pejtelel i lewil tac yom mi' pulel ya' ti jini pulʌntib che' bajche' mi' pulel i lewil yan tac bʌ majtañʌl mu' bʌ cʌq'uentel cha'an wocolix cʌlʌ. Che'ʌch mi caj i yʌc' majtañʌl jini motomaj cha'an i tojol i mul jini yumʌl. Mi caj i ñusʌbentel i mul.

Levitico 4:29

Yom mi' c'ʌchocon i c'ʌb ya' ti' jol jini alʌc'ʌl woli bʌ i yʌc' cha'an i mul. Che' jini mi caj i tsʌnsan ya' ti ajñibʌl ba' mi' tsʌnsʌntel jini alʌc'ʌl tac mu' bʌ c pulbentel.

Levitico 4:31

Yom mi' loc'sʌbentel pejtelel i lewil che' bajche' tsa' loc'sʌnti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pam jini pulʌntib. Mi caj c mulan jini c majtan. Che'ʌch yom mi' mel jini motomaj cha'an mi' tojbentel i mul ili winic. Mi caj i ñusʌbentel i mul.

Levitico 4:33

Yom mi' pʌy tilel ba' mi' tsʌnsʌntel majtañʌl. Yom mi' c'ʌcchocon i c'ʌb ya' ti' jol jini tiñʌme'. Che' jini mi caj i tsʌnsan jini tiñʌme' cha'an i mul.

Levitico 4:35

La' i loc'sʌben pejtel i lewil che' bajche' tsa' loc'sʌbenti i lewil jini majtañʌl cha'an wocolix cʌlʌ. An ti' wenta jini motomaj cha'an mi' pul ya' ti pulʌntib che' bajche' yambʌ pulbil bʌ c majtan. Che' jini mi caj i tsʌnsʌbeñon cha'an i ñusʌntel mulil. Mi caj c ñusʌben i mul jini winic.

Levitico 4:4

Yom mi' pʌy tilel jini wacax ya' ti' ti' jini Tabernáculo. Yom mi' c'ʌcchocon i c'ʌb ya' ti' jol jini wacax. Che' jini mi caj i tsʌnsan tic tojlel.

Levitico 5:6

Yom mi' pʌy tilel juncojt alʌc'ʌl ba' añon, mi xch'oc tiñʌme' mi xch'oc chivo. An ti wenta motomaj cha'an mi' tsʌnsʌbeñon cha'an i tojol mulil. Che' jini mi caj c ñusʌben i mul.

Levitico 6:7

Jini motomaj mi caj i yʌq'ueñon tsʌnsʌbil bʌ c majtan cha'an i tojol i mul jini winic. Che' jini mi caj i ñusʌbentel pejtelel i mul, che'en.

Levitico 8:14

Ti wi'il tsa' caji i c'ajtin tilel jini alʌ tat wacax cha'an mulil. Aarón yic'ot i yalobilob tsi' yʌc'ʌyob i c'ʌb ya' ti' jol jini wacax cha'an mi' ñusʌbentelob i mul.

Levitico 8:18

Ti wi'il Moisés tsi' pʌyʌ tilel jini tat tiñʌme' cha'an mi' yʌq'uen lac Yum. Aarón yic'ot i yalobilob tsi' c'ʌcchocoyob i c'ʌb ya' ti' jol jini tat tiñʌme'.

Levitico 8:22

Ti wi'il Moisés tsi' c'ajti tilel jini yambʌ tat tiñʌme' cha'an mi' wa'chocon jini motomajob ti' ye'tel. Aarón yic'ot i yalobilob tsi' c'ʌcchocoyob i c'ʌb ya' ti' jol jini tat tiñʌme'.

Levitico 9:7

Moisés tsi' sube Aarón: Lʌc'tesan a bʌ ya' ti' t'ejl jini pulʌntib cha'an ma' wʌq'uen i majtan lac Yum cha'an i tojol mulil. Jiñʌch pulbil bʌ majtañʌl ja'el. Ñaxan yom ma' wʌq'uen i majtan lac Yum cha'an a mul, ti wi'il cha'an i mul pejtelel winicob, come che'ʌch tsi' yʌc'ʌ mandar lac Yum, che'en.

Numeros 15:25

Jini motomaj mi caj i tsʌnsan jini majtañʌl cha'an i tojol i mul pejtelel israelob. Che' jini mi caj i ñusʌbentelob i mul, come an i sajtemal anquese ma'anic tsi' ña'tayob. Jini cha'an ti' pejtelelob yom mi' ch'ʌmob tilel pulbil bʌ c majtan yic'ot majtañʌl cha'an mi' ñusʌbentelob i mul.

Numeros 15:28

Jini motomaj mi caj i yʌq'ueñon c majtan cha'an i tojol mulil. Mi caj c ñusʌbeñob i mul jini winicob.

Numeros 8:10

Pʌyʌ tilel jini levíjob ba' añon. Jini israelob mi caj i sʌts'ob i c'ʌb ti' pam jini levíjob.

Numeros 8:12

Jini levíjob mi caj i yʌc'ob i c'ʌb ya' ti' jol cha'cojt alʌ tat wacax. Muq'uix a tsʌnsan juncojt cha'an mulil. Yambʌ mi caj a tsʌnsan cha'an pulbil bʌ c majtan, cha'an che' jini tojbil mi' cʌytʌl i mul jini levíjob.

Romanos 12:1

Jini cha'an hermanojob, a wocolic mic subeñetla cha'an tsi' p'untayetla Dios, aq'uenla Dios la' bʌc'tal che' bajche' tsʌnsʌbil bʌ i majtan Dios anquese cuxulet to la. Jiñʌch ch'ujul bʌ i majtan Dios, uts'at bʌ mi' q'uel. Jiñʌch i ch'ujutesʌntel Dios ti isujm.

Romanos 3:25

Come Dios tsi' wa'choco Cristo cha'an mi' tojbeñob i mul yic'ot i ch'ich'el, cha'an mi' lajmel i mich'ajel ti' tojlel pejtel mu' bʌ i ñopob. Che' jini tsiquil tojʌch Dios tsa' bʌ i to'ol q'uelbeyob i mul winicob x'ixicob ti yambʌ ora che' woli to i cuchbeñob i mul.

Romanos 5:11

Mach cojic jach jini, pero tijicñayonla ti Dios cha'an lac Yum Jesucristo, come tsi' yuts'esa lac pusic'al yic'ot Dios.

Filipenses 4:18

Tsa'ix la' wʌq'ueyon pejtelel chuqui yom. An i ñumel. Jasʌlix. Epafrodito tsi' ch'ʌmbeyon tilel ti pejtelel. La' wofrenda, xojocña i yujts'il yilal, lajal bajche' pulbil bʌ i majtan Dios mu' bʌ i mulan, uts'at bʌ mi' q'uel.

Hebreos 10:4

Come i ch'ich'el tat wacax yic'ot i ch'ich'el tat chivo mach mejlic i jisan mulil.

1 Juan 2:2

Jiñʌch tsa' bʌ i yubi i mich'ajel Dios ti' caj lac mul, mach jinic jach lac mul pero i mul ja'el pejtelel año' bʌ ti pañimil.