Levitico 1:2 - Chol: I T’an Dios

^2-3 Tsi' sube cha'an mi' yʌq'ueñob mandar jini israelob. Tsi' yʌlʌ: Che' mi la' tsʌnsʌbeñon c majtan, yom mi la' c'ʌn alʌc'ʌl tac loq'uem bʌ ti la' wacax yic'ot ti la' tiñʌme'. Mi mux la' wʌq'ueñon wacax, yom mi la' yajcan juncojt i tat bʌ mach bʌ wis anic i c'amʌjel. Yom mi la' pʌy tilel ti' ti' jini Tabernáculo ba' mi caj i ch'ʌmob jini motomajob.

Chol de Tumbalá Bible

^2-3 Tsi' sube cha'an mi' yʌq'ueñob mandar jini israelob. Tsi' yʌlʌ: Che' mi la' tsʌnsʌbeñon c majtan, yom mi la' c'ʌn alʌc'ʌl tac loq'uem bʌ ti la' wacax yic'ot ti la' tiñʌme'. Mi mux la' wʌq'ueñon wacax, yom mi la' yajcan juncojt i tat bʌ mach bʌ wis anic i c'amʌjel. Yom mi la' pʌy tilel ti' ti' jini Tabernáculo ba' mi caj i ch'ʌmob jini motomajob*.

Jiñi Tsiji' bʌ Wen T'añ cha'añ Estudio

² “Pejcan israelob, su'beñob: Che' bʌ añ majqui mi yʌq'ueñon c majtañ ti la' tojlel, yom mi la' c'ʌn alʌc'ʌl tac loq'uem bʌ ti la' wacax yic'ot ti la' tʌñʌme'.”

Levitico 1:2 Iomraidhean Croise

Genesis 4:3

Che' ñuquix Caín tsi' yʌq'ue i majtan lac Yum. Tsi' yajcʌbe wen tac bʌ i wut pʌc'ʌb.

Genesis 4:5

Mach uts'atic tsi' q'uele Caín yic'ot i majtan. Tsa' wen mich'a Caín. Mich'icña jax i wut.

1 Cronicas 16:29

Subenla i ñuclel i c'aba' lac Yum che' bajche' yom mi' subentel. Ch'ʌmbenla tilel i majtan, ochenla ti' pam i yotot. Ch'ujutesanla lac Yum ti sʌq'uesʌbil bʌ la' pusic'al.

Esdras 3:5

Tsi' yʌc'ʌyob ja'el jini pulbil tac bʌ majtañʌl che' bajche' yom che' ti' yorajlel c'aj o, yic'ot ti tsijib uw tac, yic'ot ti ñuc tac bʌ q'uin cha'an lac Yum. Parte an i yofrenda tac tsa' bʌ i yʌc'ʌyob ti' pusic'al jach.

Exodo 20:24

Yom mi la' melbeñon pulʌntib ti pajc'. Ya' yom mi la' pulbeñon jini tsʌnsʌbil bʌ c majtan, yic'ot c majtan cha'an wocolix cʌlʌ yic'ot tiñʌme' yic'ot wacax. Ya' jach yom ba' mi cʌc' j C'aba' cha'an mic ña'tʌntel. Che' jini mi caj c tilel ba' añetla cha'an mi cʌq'ueñetla i tijicñʌyel la' pusic'al.

Numeros 15:3

mi yomob i yʌq'ueñon pulbil tac bʌ c majtan, yic'ot jini tsʌnsʌbil tac bʌ c majtan tilem bʌ ti' pusic'al, che' mi' ts'ʌctesañob i t'an, o che' ti' yorajlel tac la' q'uiñijel, la' i yʌq'ueñoñob xojocña bʌ i yujts'il tic tojlel.

Numeros 7:15

Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum,

Marcos 7:11

Pero jatetla mi la' wʌl uts'at mi subeñob i tat i ña' ma'anic chuqui mi mejlel i yʌq'ueñob cha'an mi' coltañob, come Corbán i chubʌ'an mi' yʌlob. (Jini Corbán mi' yʌl ti lac t'an: Jiñʌch mu' bʌ cʌq'uen Dios.)

Romanos 12:1

Jini cha'an hermanojob, a wocolic mic subeñetla cha'an tsi' p'untayetla Dios, aq'uenla Dios la' bʌc'tal che' bajche' tsʌnsʌbil bʌ i majtan Dios anquese cuxulet to la. Jiñʌch ch'ujul bʌ i majtan Dios, uts'at bʌ mi' q'uel. Jiñʌch i ch'ujutesʌntel Dios ti isujm.

Romanos 12:6

Mach junchajpic jach laj c'ʌjñibal tsa' bʌ aq'uentiyonla ti' yutslel i pusic'al. Mi an laj c'ʌjñibal cha'an mi lac sub t'an, la' lac sub ti pejtelel lac pusic'al che' bajche' tsi' yʌq'ueyonla lac ñop Dios.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo. Tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtan Dios, che' bajche' ofrenda xojocña bʌ i yujts'il.