Juezob 9:5 - Chol: I T’an Dios

⁵ Che' bʌ tsa' cha' tili Abimelec ti' yotot i tat ya' ti Ofra, tsi' tsʌnsa pejtel i yerañob anquese juntiquil jach i tatob i c'aba' Jerobaal, tsa' bʌ i cʌyʌ lujuntiquil i chʌnc'al i yalobilob. Ya' ti jini jach bʌ xajlel tsa' laj tsʌnsʌntiyob. Pero tsa' cʌle Jotam i xut alob Jerobaal, come tsa' puts'i.

Chol de Tumbalá Bible

⁵ Che' bʌ tsa' cha' tili Abimelec ti' yotot i tat ya' ti Ofra, tsi' tsʌnsa pejtel i yerañob anquese juntiquil jach i tatob i c'aba' Jerobaal, tsa' bʌ i cʌyʌ lujuntiquil i chʌnc'al i yalobilob. Ya' ti jini jach bʌ xajlel tsa' laj tsʌnsʌntiyob. Pero tsa' cʌle Jotam i xut alob Jerobaal, come tsa' puts'i.

Juezob 9:5 Iomraidhean Croise

1 Reyob 1:12

Jini cha'an mi caj c subeñet bajche' yom ma' mel mi a wom a cʌntan a bʌ yic'ot a walobil Salomón, ame chʌmiquetla.

1 Reyob 1:21

Machiqui mi caj c taj lojon c wocol, joñon quic'ot la calobil Salomón, che' chʌmeñetix. Mi caj i contrajiñon lojon. Che' jini mi caj c tsʌnsʌntel lojon, che'en Betsabé.

2 Reyob 10:17

Che' bʌ tsa' c'oti Jehú ya' ti Samaria, tsa' caji i jisan i pi'ʌlob Acab tsa' bʌ cʌleyob. Tsi' laj jisayob che' bajche' tsi' yʌlʌ lac Yum, che' bajche' tsi' yʌlʌ jini x'alt'an Elías.

2 Reyob 10:7

Che' bʌ tsa' c'oti jini carta, tsi' pʌyʌyob tilel i yalobilob rey. Tsi' tsʌnsayob jini lujuntiquil i chʌnc'al ch'itoñob. Pejtelel i jolob tsi' wojwox otsayob ti cabʌl chiquib. Che' jini tsi' chocoyob majlel ti Jezreel.

2 Reyob 11:3

Ya' tsa' coli ba' mujcubil. Wʌcp'ejl jab tsa' ajni ba' ma'anic tsa' mejli i tsʌnsan i chuchu'. Wʌcp'ejl jab tsi' cha'le yumʌl Atalía.

Mateo 2:16

Tsa' caji ti cabʌl mich'ajel jini Herodes che' bʌ tsi' ña'ta tsa'ix lotinti cha'an jini winicob año' bʌ cabʌl i ña'tʌbal. Tsi' yʌc'ʌ mandar cha'an mi' tsʌnsʌntelob pejtelel alʌ ch'itoñob maxto bʌ ts'ʌcʌlic cha'p'ejl i jabilel ya' bʌ añob ti Belén yic'ot ti' joytilel. Ña'tʌbilix i cha'an Herodes jayp'ejl i jabilel jini alʌl, come tsa' subenti cha'an jini winicob cabʌl bʌ i ña'tʌbal.

Mateo 2:20

Tsi' yʌlʌ: Ch'ojyen. Pʌyʌ majlel jini alʌl yic'ot i ña'. Cucu ti' lumal Israel come chʌmeñobix jini yomo' bʌ i tsʌnsan alʌl, che'en.

Juezob 6:11

Tsa' tili i yAngel lac Yum. Tsa' buchle ti yebal c'olol am bʌ ti Ofra, i cha'an Joás jini abiezer. Jini Gedeón (i yalobil Joás) woli' tijcan trigo ti' yotlel vino. Woli' muc jini trigo cha'an ma'anic mi' q'uelob jini madiañob.

Juezob 6:24

Jini cha'an Gedeón tsa' caji i melben lac Yum i pulʌntib i majtan. Tsi' yotsʌbe i c'aba' c Yum Salom mu' bʌ i yʌl ti lac t'an: “Lac Yum mi' ñʌch'tesañonla”. C'ʌlʌl wʌle ya'to an ili pulʌntib ya' ti Ofra ba'an jini abiezerob.

Juezob 8:30

An lujuntiquil i chʌnc'al i yalobilob Gedeón ti pejtelelob, come cabʌl i yixicob.

Juezob 9:18

Pero wʌle tsa'ix tejchiyetla ti' contra i pi'ʌlob c tat. Tsa'ix la' tsʌnsa jini ch'iton bʌ i yalobilob. Jump'ejl jach xajlel tsa' la' c'ʌñʌ la' tsʌnsan jini lujump'ejl i chʌnc'al (70) winicob queraño' bʌ. Tsa'ix la' wa'choco ti rey Abimelec i yalobil bʌ i criada Gedeón la' pi'ʌlʌch.

Juezob 9:2

La' wocolic subenla jini winicob ti Siquem: “¿Yom ba mi' cha'leñob yumʌl jini lujuntiquil i chʌnc'al i yalobilob Jerobaal? ¿Mach ba yomic mi' yochel juntiquil jach ti yumʌl?” che'etla. Yom mi la' wen ña'tan lac pi'ʌl jach lac bʌ, junlajal lac ñojte'el yic'ot lac lumal, che'en Abimelec.

Juezob 9:6

Tsa' caji i laj tempañob i bʌ año' bʌ ti Siquem yic'ot ti Betmilo ya' ba'an jini ñoxix bʌ c'olol te' am bʌ ti Siquem cha'an mi' wa'chocoñob Abimelec ti rey.