Juezob 9:4 - Chol: I T’an Dios

⁴ Che' jini tsi' yʌq'ueyob lujump'ejl i chʌnc'al sʌsʌc taq'uin loq'uem ti' templo Baalberit. Abimelec tsi' c'ʌñʌ jini taq'uin cha'an mi' pʌy jini winicob mach bʌ añobic i ña'tʌbal yic'ot mach bʌ añobic i c'ʌjñibal. Tsa'ʌch i jac'ʌyob.

Chol de Tumbalá Bible

⁴ Che' jini tsi' yʌq'ueyob lujump'ejl i chʌnc'al sʌsʌc taq'uin loq'uem ti' templo Baalberit. Abimelec tsi' c'ʌñʌ jini taq'uin cha'an mi' pʌy jini winicob mach bʌ añobic i ña'tʌbal yic'ot mach bʌ añobic i c'ʌjñibal. Tsa'ʌch i jac'ʌyob.

Juezob 9:4 Iomraidhean Croise

2 Samuel 6:20

Tsa' sujti majlel David ti' yotot cha'an mi' yʌc' i yutslel i t'an. Pero Mical tsa' tili i taj David. Tsi' yʌlʌ: ¿I t'ojol ba chuqui tsa' mele sajmʌl? ¿Che' ba yom mi' mel i rey israelob? Che' bʌ tsa' jocho a pislel ti' wut jini xch'ocob, tsa' pʌsʌ a bʌ bajche' tonto bʌ winic, che'en.

2 Cronicas 13:7

Tsa' caji i tempañob i bʌ cabʌl winicob mach bʌ añobic i c'ʌjñibal. Tsi' much'quiyob i bʌ yic'ot Jeroboam cha'an mi' contrajiñob Roboam i yalobil Salomón, come mach p'ʌtʌlic Roboam. Jini cha'an tsa' caji ti bʌq'uen. Ma'anic tsa' mejli i cha'len guerra.

Job 30:8

Che' bajche' i tatob che'ʌch ja'el i yalobilob. Ma'añobic i pusic'al. Chocbilob loq'uel ti' tojlel xchumtʌlob.

Proverbios 12:11

Mux i ñaj'an ti waj jini mu' bʌ i cha'len e'tel ti lum, pero ma'anic i pusic'al yilal jini mu' bʌ i tsajcañob majlel ti paxyal sajtemo' bʌ.

Sofonias 3:4

Jini x'alt'añob la' cha'an wen mañʌjax bajche' mi' melob. Wen yujilob lotiya. Jini motomajob ja'el mi' bib'esañob jini Templo. Mi' socbeñob i sujmlel jini mandar.

Hechos 17:5

Tsʌytsʌyñayob i pusic'al jini judíojob mach bʌ anic tsi' ñopoyob. Tsi' pʌyʌyob cha'tiquil uxtiquil jontolo' bʌ winicob. Tsi' tempayob cabʌl winicob. Tsi' ñijcayob ti cabʌl t'an pejtelel año' bʌ ti tejclum. Ti ajñel tsa' majliyob ti' yotot Jasón cha'an mi' loc'sañob Pablo yic'ot Silas ti' wut winicob x'ixicob.

Juezob 11:3

Jini cha'an Jefté tsa' wersa loq'ui ti' tojlel i yerañob. Tsa' majli ti chumtʌl ya' ti lum i c'aba' Tob. Ya' tsa' caji i tempañob jini winicob mach bʌ añobic i ye'tel. Temel tsa' cajiyob ti xujch' baqui jach tsa' majliyob.

Juezob 8:33

Pero che' chʌmenix Gedeón, jini israelob tsa' cha' caji i ch'ujutesañob jini dios Baal. Tsi' diosiyob jini Baalberit.

Juezob 9:27

Tsa' caji i tuc'ob jini ts'usubil. Tsi' pets'eyob jini ts'usub cha'an mi' melob q'uin. Tsa' ochiyob ti templo ba'an i dioste' tac. Tsa' cajiyob ti we'el ti uch'el. Tsa' caji i wen p'ajob Abimelec.

1 Samuel 22:2

Tsa' c'otiyob ja'el pejtelel jini ch'ijiyemo' bʌ i pusic'al yic'ot año' bʌ i bet, yic'ot año' bʌ i wocol. David tsa' ochi ti' yumob. Tsi' taja che' bajche' jumbajc' i winicob.