Juezob 9:2 - Chol: I T’an Dios

² La' wocolic subenla jini winicob ti Siquem: “¿Yom ba mi' cha'leñob yumʌl jini lujuntiquil i chʌnc'al i yalobilob Jerobaal? ¿Mach ba yomic mi' yochel juntiquil jach ti yumʌl?” che'etla. Yom mi la' wen ña'tan lac pi'ʌl jach lac bʌ, junlajal lac ñojte'el yic'ot lac lumal, che'en Abimelec.

Chol de Tumbalá Bible

² La' wocolic subenla jini winicob ti Siquem: “¿Yom ba mi' cha'leñob yumʌl jini lujuntiquil i chʌnc'al i yalobilob Jerobaal? ¿Mach ba yomic mi' yochel juntiquil jach ti yumʌl?” che'etla. Yom mi la' wen ña'tan lac pi'ʌl jach lac bʌ, junlajal lac ñojte'el yic'ot lac lumal, che'en Abimelec.

Juezob 9:2 Iomraidhean Croise

Genesis 29:14

Labán tsi' sube: Lac pi'ʌlʌch lac bʌ, che'en. Jacob tsa' jal'a jump'ejl uw ba'an Labán.

2 Samuel 19:13

Pejcanla Amasa ti uts bʌ t'an. Suben: “Lac pi'ʌl lac bʌ. Junlajal lac bʌc'tal yic'ot lac bʌquel. La' q'uic'ot. Mux awilan cha'an cuxul lac Yum, mi caj a wochel ti a we'tel ti' wenta Joab. Mach loq'uiquet ti a we'tel ti pejtelel ora”, che'en David.

1 Cronicas 11:1

Che' jini, jini año' bʌ i ye'tel ti Israel tsa' majliyob ba'an David ya' ti Hebrón. Tsi' subeyob: A pi'ʌlon lojon.

Efesios 5:30

Come i bʌc'talonla Cristo. Cʌyʌlonla ti' tojlel.

Hebreos 2:14

An i bʌc'tal yic'ot i ch'ich'el i yalobilob. Jini cha'an Jesús tsi' taja i bʌc'tal yic'ot i ch'ich'el ja'el cha'an mi' yʌc' i bʌ ti chʌmel. Che' bʌ tsa' chʌmi tsi' jisa jini am bʌ i p'ʌtʌlel cha'an mi' yʌc' ti chʌmel winicob x'ixicob, jiñʌch xiba.

Juezob 8:30

An lujuntiquil i chʌnc'al i yalobilob Gedeón ti pejtelelob, come cabʌl i yixicob.

Juezob 9:18

Pero wʌle tsa'ix tejchiyetla ti' contra i pi'ʌlob c tat. Tsa'ix la' tsʌnsa jini ch'iton bʌ i yalobilob. Jump'ejl jach xajlel tsa' la' c'ʌñʌ la' tsʌnsan jini lujump'ejl i chʌnc'al (70) winicob queraño' bʌ. Tsa'ix la' wa'choco ti rey Abimelec i yalobil bʌ i criada Gedeón la' pi'ʌlʌch.

Juezob 9:5

Che' bʌ tsa' cha' tili Abimelec ti' yotot i tat ya' ti Ofra, tsi' tsʌnsa pejtel i yerañob anquese juntiquil jach i tatob i c'aba' Jerobaal, tsa' bʌ i cʌyʌ lujuntiquil i chʌnc'al i yalobilob. Ya' ti jini jach bʌ xajlel tsa' laj tsʌnsʌntiyob. Pero tsa' cʌle Jotam i xut alob Jerobaal, come tsa' puts'i.