Juezob 8:6 - Chol: I T’an Dios

⁶ Jini año' bʌ i ye'tel ti Sucot tsi' yʌlʌyob: ¿Tsa'ix ba ajq'ui ti la' wenta jini Zeba yic'ot Zalmuna? ¿Yom ba mi cʌq'ueñob waj a soldadojob che' maxto anic tsa' la' cʌchʌyob? che'ob.

Chol de Tumbalá Bible

⁶ Jini año' bʌ i ye'tel ti Sucot tsi' yʌlʌyob: ¿Tsa'ix ba ajq'ui ti la' wenta jini Zeba yic'ot Zalmuna? ¿Yom ba mi cʌq'ueñob waj a soldadojob che' maxto anic tsa' la' cʌchʌyob? che'ob.

Juezob 8:6 Iomraidhean Croise

Genesis 25:13

Jiñobʌch i c'aba' ch'iton bʌ i yalobilob Ismael c'ʌlʌl ti ascuñʌl bʌ c'ʌlʌl ti' xut ijts'iñʌl: Nebaiot, Cedar, Adbeel, Mibsam, Misma, Duma, Massa, Hadar, Tema, Jetur, Nafis, Cedema.

Genesis 37:25

Tsa' buchleyob ti c'ux waj. Tsi' joy q'ueleyob pañimil. Tsi' q'ueleyob woli' tilelob ti Galaad junmojt ismaelob. Woli' sujtelob ti Egipto yic'ot i camello tac. Woli' cuchob majlel i ts'ʌcal i bʌl i ñʌc', yic'ot xojocña bʌ pom, yic'ot xojocña bʌ ts'ac.

Genesis 37:28

Woli' ñumelob xchoñoñelob ch'oyolo' bʌ ti Madián. I yʌscuñob José tsi' ch'uyuyob loq'uel ti joyol bʌ lum. Tsi choñoyob i yijts'in. Junc'al plata taq'uin tsi' tojoyob jini ismaelob. Tsi' pʌyʌyob majlel José ti Egipto.

1 Reyob 20:11

Acab jini rey ti Israel tsi' choco majlel i q'uexol i t'an: Yom ma' suben Benadad: “¿Yom ba ma' chañ'esan a bʌ che' maxto tsiquilic mi mux i mʌjlel a cha'an?” che'en.

2 Reyob 14:9

Joás rey bʌ ti Israel tsi' chocbe ili lajiya Amasías rey bʌ ti Judá. Tsi' sube: Jini ch'ix am bʌ ti Líbano tsi' sube jini ch'ujte': “Aq'ueñon xch'oc bʌ a walobil”, che'en jini ch'ix. Pero tsa' ñumi majlel jini jontol bʌ bʌte'el ya' ti Líbano. Tsi' laj jisa jini ch'ix.

Proverbios 18:23

Jini mach bʌ anic i chubʌ'an mi' c'ajtin ti wocol t'an, pero wocol mi' jac' jini wen chumul bʌ.

Filipenses 2:21

Ti pejtelelob mi' ña'tañob i bajñel wenlel. Ma'anic mi' ña'tañob chuqui yom Cristo Jesús.

Juezob 5:23

“Chocbil ti' wut Dios jini tejclum Meroz”, che'en i yAngel lac Yum. Chocbilix ja'el i pi'ʌlob ti chumtʌl, Come ma'anic tsa' tili i coltañob lac Yum Ti' contra jini p'ʌtʌlo' bʌ.

Juezob 8:15

Che' bʌ tsa' cha' c'oti Gedeón ya' ti Sucot, tsa' caji i subeñob: Awilan wʌ'ix an jini Zeba yic'ot Zalmuna. Tsa' la' wajleyon. Tsa' la' subeyon: “¿Anix ba ti la' c'ʌb jini Zeba yic'ot Zalmuna? Yom ba mi cʌq'ueñob i bʌl i ñʌc' la' winicob che' lujbeñob?” che'etla, che'en Gedeón.

Juezob 8:5

Che' jini tsa' tiliyob ti Sucot. Gedeón tsi' subeyob jini ya' bʌ añob ti Sucot: Awocolic mic subeñetla aq'ueñob chuqui mi' c'uxob yic'ot chuqui mi' japob ili winicob año' bʌ quic'ot, come wen lujbeñobix. Wolic toj sʌclan lojon jini Zeba yic'ot Zalmuna, reyob ti Madián, che'en.