Juezob 8:23 - Chol: I T’an Dios

²³ Pero Gedeón tsi' subeyob: Mach mejlicon ti ochel ti la' yum, mi calobilic, come co jach lac Yum Dios mi caj la' yuman.

Chol de Tumbalá Bible

²³ Pero Gedeón tsi' subeyob: Mach mejlicon ti ochel ti la' yum, mi calobilic, come co jach lac Yum Dios mi caj la' yuman.

Juezob 8:23 Iomraidhean Croise

Salmos 10:16

Lac Yum Reyʌch ti pejtelel ora. Jini mach bʌ i cha'añobic Dios mi caj i laj jilelob ti' lumal lac Yum.

Salmos 149:2

La' i yubiñob i tijicñʌyel israelob ti Dios tsa' bʌ i meleyob. La' i yubiñob i tijicñʌyel jini chumulo' bʌ ti Sion come yumʌlʌch i Rey.

Isaias 33:22

Come lac Yum jiñʌch lac Juez, lac Rey, jiñʌch x'ac' mandar. I bajñel jach mi caj i coltañonla.

Isaias 63:19

C Yum, ¿chucoch ma' q'uelon lojon che' bajche' sajtem bʌ mach bʌ i cʌñʌyetic, mach bʌ anic mi' yumañet, jini parte bʌ i c'aba' mach bʌ a walobilic?

2 Corintios 1:24

Mach la' yumonic lojon cha'an mic wersa subeñetla chuqui yom mi la' ñop. Wolij coltañetla cha'an mi la' taj i tijicñʌyel la' pusic'al, come xuc'uletla cha'an tsa' la' ñopo Cristo.

1 Pedro 5:3

Mach yomic mi la' chañ'esan la' bʌ ti' tojlel jini tiñʌme' año' bʌ ti la' wenta. Pʌsbeñob ti la' melbal bajche' yom mi' melob.

Juezob 10:18

Jini ñuc taco' bʌ am bʌ i ye'tel ya' ti Galaad tsi' c'ajtibeyob i bʌ. ¿Majqui mi caj i tech guerra ti' tojlel amoñob? Jini mu' bʌ i tech mi caj i yumʌntel ti' tojlel jini chumulo' bʌ ti Galaad, che'ob.

Juezob 2:18

Che' bʌ lac Yum tsi' choco tilel juez, tsi' coltayob che' cuxul to jini juez. Lac Yum tsi' p'unta jini winicob x'ixicob, come tsi' yubibeyob i yajcʌn che' bʌ tsa' tic'lʌntiyob cha'an jontolo' bʌ. Lac Yum tsi' coltayob che' cuxul to jini juez.

Juezob 8:22

Jini israelob tsi' subeyob Gedeón: La'ix ochiquet tic yum lojon, ti wi'il a walobil yic'ot a buts, come tsa'ix a coltayon lojon ti' tojlel jini madiañob, che'ob.

1 Samuel 10:19

Pero jatetla wolix la' cʌyon anquese tsaj coltayetla loq'uel ti pejtelel la' wocol, ti pejtelel la' ch'ijiyemlel. Wolix la' wʌl: Mach chʌn comix c yuman lojon Dios. Wa'chocobeñon lojon c rey wʌle, che'etla. Jini cha'an yom mi la' wa'tʌl tic tojlel ti mojt ti mojt”, che'en lac Yum. Che' tsi' yʌlʌ Samuel.

1 Samuel 12:12

Che' bʌ tsa' la' bʌc'ña Nahas i rey jini amoñob che' woli' contrajiñetla, tsa' la' subeyon: “Wersa comix lojon c rey”, che'etla, anquese añʌch la' rey, jiñʌch lac Yum Dios.