Juezob 7:4 - Chol: I T’an Dios

⁴ Lac Yum tsi' cha' sube Gedeón: Cabʌl to a winicob tsa' bʌ cʌleyob. Pʌyʌyob majlel ya' ti ja' cha'an mic yajcʌbeñet jini weño' bʌ. Jini yajcʌbil bʌ c cha'an, jiñʌch yom bʌ mi' majlel a wic'ot. Pero jini mach bʌ yajcʌbilic c cha'an mach mejlic ti majlel a wic'ot, che'en lac Yum.

Chol de Tumbalá Bible

⁴ Lac Yum tsi' cha' sube Gedeón: Cabʌl to a winicob tsa' bʌ cʌleyob. Pʌyʌyob majlel ya' ti ja' cha'an mic yajcʌbeñet jini weño' bʌ. Jini yajcʌbil bʌ c cha'an, jiñʌch yom bʌ mi' majlel a wic'ot. Pero jini mach bʌ yajcʌbilic c cha'an mach mejlic ti majlel a wic'ot, che'en lac Yum.

Juezob 7:4 Iomraidhean Croise

Genesis 22:1

Che' bʌ tsa' ujti iliyi, Dios tsi' yʌc'ʌ ti prueba Abraham. Tsi' pejca: Abraham, che'en. Tsi' jac'ʌ: Wʌ' añon, che'en.

Job 23:10

Pero yujil Dios baqui mic majlel. Che' bʌ tsa'ix ujti i q'uelbeñon c pusic'al, mi caj c loq'uel che' bajche' oro.

Salmos 33:16

Mach cha'anic cabʌl soldadojob mi' coltʌntel rey. Mach cha'anic i bajñel p'ʌtʌlel mi' coltʌntel soldado.

Salmos 66:10

Jatet Dios, tsa'ix a wilʌbeyon lojon c pusic'al. Che' bajche' mi' pulel tsucul taq'uin tsa'ix a sʌq'uesayon lojon.

Salmos 7:9

La' jilic i jontolil jini jontol bʌ. Coltan jini tojo' bʌ cha'an mi' chʌn melob chuqui toj. Come Dioset, tojet, wola' q'uelbeñon lojon c pusic'al yic'ot c ch'ujlel lojon.

Juezob 7:5

Che' jini tsa' caji ti majlel Gedeón yic'ot pejtelel jini winicob ya' ti ja'. Lac Yum tsi' sube Gedeón: Parte yom ma' wʌc' pejtelel jini mu' bʌ i loch'ob ja' ti' c'ʌb cha'an mi' japob ja' che' bajche' mi' lec' ja' ts'i'. Che' ja'el parte yom ma' wʌc' pejtel jini winicob mu' bʌ i ñoctʌlob ti lum cha'an mi' japob ja'.

1 Samuel 14:6

Jonatán tsi' sube jini x'e'tel i cha'an mu' bʌ i ch'ʌmben majlel e'tijibʌl cha'an guerra: Conla ti ñumel ya' ba' añob jini mach bʌ tsepbilobic i pʌchʌlel. Tic'ʌl mux i coltañonla lac Yum, come cabʌl i p'ʌtʌlel jini lac Yum. Mi' c'ʌn winicob ti' ye'tel. Mi cabʌlob o mi ma'anic jaytiquil, junlajal ti' wut, che'en.

1 Samuel 16:7

Pero lac Yum tsi' sube Samuel: Mach a lon q'uelben i wut yic'ot i bʌc'tal jini winic, come tsa'ix c ñusa. Ma'anic mic ch'ʌm tic wenta anquese wen i t'ojol jax, anquese wen chan. Joñon mach lajalic mij q'uel che' bajche' winicob. Cojach mi' q'uelbeñob i bʌ i wut pero joñon mij q'uelbeñob i pusic'al, che'en.