Juezob 7:22 - Chol: I T’an Dios

²² Che' bʌ tsi' wusuyob trompeta jini jo'lujunc'al israelob, lac Yum tsi' yʌq'ue madiañob i wʌlʌc tsʌnsañob i bʌ ti' tojlel i pi'ʌlob ya' ba' tempʌbilob. Jini soldadojob tsa' puts'iyob majlel ti Betsita, ya' ti' tojel Zerera, yic'ot c'ʌlʌl ba' jaxʌl i lumal Abelmehola ti Tabat.

Chol de Tumbalá Bible

²² Che' bʌ tsi' wusuyob trompeta jini jo'lujunc'al israelob, lac Yum tsi' yʌq'ue madiañob i wʌlʌc tsʌnsañob i bʌ ti' tojlel i pi'ʌlob ya' ba' tempʌbilob. Jini soldadojob tsa' puts'iyob majlel ti Betsita, ya' ti' tojel Zerera, yic'ot c'ʌlʌl ba' jaxʌl i lumal Abelmehola ti Tabat.

Juezob 7:22 Iomraidhean Croise

1 Reyob 19:16

Yom ma' wa'chocon ja'el Jehú (i yalobil Nimsi) cha'an mi' yochel ti' rey israelob. Wa'chocon ja'el Eliseo (i yalobil Safat) ch'oyol bʌ ti Abelmehola cha'an mi' yochel ti x'alt'an ti a q'uexol.

2 Cronicas 20:23

Come jini amoñob yic'ot jini moabob tsa' caji i contrajiñob jini ch'oyolo' bʌ ti wits i c'aba' Seir. Che' bʌ tsa' ujti i jisañob, tsa' caji i laj bʌ tsʌnsañob i bʌ.

Salmos 83:9

Laj aq'ueñob wocol che' bajche' tsa' wʌq'ueyob wocol jini año' bʌ ti Madián, Che' bajche' tsa' wʌq'ueyob wocol Sísara yic'ot Jabín ya' ti pa' i c'aba' Cisón.

Isaias 19:2

Lac Yum tsi' yʌlʌ: Mi caj cʌq'ueñob i wʌlʌc contrajiñob i bʌ jini egiptojob. Jujuntiquil mi caj i contrajin i yeran yic'ot i pi'ʌl ti chumtʌl. Jujump'ejl tejclum mi caj i contrajin yambʌ. Jini am bʌ i yumʌntel mi caj i contrajin yambʌ yumʌl.

Isaias 9:3

C Yum lojon, mi caj a cha' otsan Israel ti ñuc. Mi caj a cha' aq'ueñob i tijicñʌyel i pusic'al. Tijicña mi caj i yubiñob che' bajche' winicob ti' yorajlel c'ajbal, che' bajche' winicob mu' bʌ i t'oxbentelob chubʌ'añʌl che' mi' mʌlob ti guerra.

Isaias 9:4

Come Dios mi caj i ts'oc jini cadena tac mu' bʌ i cʌch i cha'año' bʌ. Mi caj i c'ʌs jini asiyal mu' bʌ i jats'ob che' bajche' tsi' jisʌbe i p'ʌtʌlel Madián ti' tojlel Gedeón. Come wen tijicña mi caj i yajñel pañimil ba' ora mi' lajmel guerra. Mi caj i laj jilel ti c'ajc pejtelel e'tijibʌl cha'an guerra, yic'ot pejtelel i pislelob pʌjq'uenticax ti ch'ich'.

Ezequiel 38:21

Mi caj c pʌy tilel pejtel pañimil ti a contra ya' ti' lumal Israel. Mi caj la' wʌlʌc contrajin la' bʌ, jujuntiquil ti' contra i yeran, che'en lac Yum Dios.

Habacuc 3:14

Tsa' wʌq'ueyob i wʌlʌc tsʌnsañob i bʌ soldadojob ti lanza che' bʌ tsa' tili i contrajiñob israelob che' bajche' sutujt ic'. Tsi' lon ña'tayob i mucul jisañob jini p'ump'uño' bʌ.

Hageo 2:22

Mi caj c chilben i ye'tel jini yumʌlob año' bʌ ti colem tejclum tac. Mi caj c jisʌbeñob i p'ʌtʌlel. Mi caj c ñew choc jini carreta tac yic'ot jini buchulo' bʌ ti mal. Jini caballo tac yic'ot jini c'ʌchʌlo' bʌ mi caj i yajlelob. Mi caj i wʌlʌc jats'ob i bʌ ti espada anquese i pi'ʌlob jach i bʌ, che'en lac Yum.

Zacarias 14:13

Ti jim bʌ ora mi caj i yubiñob cabʌl bʌq'uen chocbil bʌ tilel cha'an lac Yum. Mi caj i contrajiñob i bʌ cha'an mi' jisañob i bʌ.

2 Corintios 4:7

Uts'atʌch i sʌclel Cristo am bʌ ti lac pusic'al. Che' yilal bajche' c'ax letsem tac bʌ i tojol lotol bʌ ti uc'um, come melbilonla ti lum che' bajche' uc'um. Tsiquil mach ch'oyolic ti joñonla jini ñuc bʌ lac p'ʌtʌlel, pero ch'oyol ti Dios.

Josue 3:16

Jini ja' woli bʌ ti jubel tilel tsi' cʌyʌ i xʌmbal. Ñajt to tsa' wa'le che' bajche' bujtʌl. Tsa' cʌle ya' ti tejclum i c'aba' Adam am bʌ ti' t'ejl Saretán. Tsa' sʌcʌ jili jini ja' woli bʌ i ñumel majlel ti jini joctʌl Arabá c'ʌlʌl ba' mi' yochel ti colem ñajb i c'aba' Ats'am. Jini winicob x'ixicob tsa' c'axiyob majlel ti ja'. Tsa' c'otiyob lʌc'ʌl ti Jericó.

Josue 6:16

Che' ti wucyajlel, jini motomajob tsi' wusuyob trompeta. Josué tsi' subeyob jini soldadojob: Cha'lenla oñel, come lac Yum tsa'ix i yʌq'ueyetla jini tejclum, che'en.

Josue 6:20

Jini motomajob tsa' caji i wusob i trompeta. Che' bʌ tsi' yubiyob trompeta tac jini soldadojob, tsi' cha'leyob c'am bʌ oñel. Tsa' jejmi tac jini ts'ajc. Jini soldadojob tsa' ochiyob majlel ti tejclum. Toj tsa' ochiyob ti jujuntiquil. Tsi' ch'ʌmʌyob ti' wenta.

Josue 6:4

Yom wuctiquil motomaj cha'an mi' ch'ʌmob majlel wucts'ijt trompeta melbil bʌ ti' xulub tat tiñʌme'. La' majlicob ñaxan ti' tojel jini Arca. Che' ti' wucp'ejlel q'uin, yom wucyajl mi la' joyojtan. Jini motomajob mi caj i wusob majlel jini trompeta.

1 Samuel 18:19

Pero che' i yorajlelix mi' sijintel jini Merab cha'an i yijñam David, ma'anic tsi' pʌyʌ David, come tsa' aq'uenti yambʌ cha'an i yijñam. Tsi' pʌyʌ Adriel jini chumul bʌ ti Meholat.