Juezob 7:14 - Chol: I T’an Dios

¹⁴ Yambʌ winic tsi' jac'be: Jiñʌch i p'ʌtʌlel Gedeón (i yalobil Joás ch'oyol bʌ ti Israel). Dios tsa'ix i yʌc'ʌ ti' c'ʌb Gedeón pejtelel jini madiañob cha'an mi' jisañob, che'en.

Chol de Tumbalá Bible

¹⁴ Yambʌ winic tsi' jac'be: Jiñʌch i p'ʌtʌlel Gedeón (i yalobil Joás ch'oyol bʌ ti Israel). Dios tsa'ix i yʌc'ʌ ti' c'ʌb Gedeón pejtelel jini madiañob cha'an mi' jisañob, che'en.

Juezob 7:14 Iomraidhean Croise

Josue 2:9

Cujilʌch la' Yum tsa'ix i yʌq'ueyetla ili lum, come tsa'ix caji c bʌc'ñañet lojon. Tsa' toj sajtiyob i pusic'al pejtel xchumtʌlob ti ili lum cha'añetla,

Job 1:10

Wen q'uelel a cha'an jini Job yic'ot pejtel i pi'ʌlob yic'ot pejtel i chubʌ'an. Ma'anic i tic'lʌntel. Tijicña mi' ñusan q'uin. Ma' coltan ti' ye'tel. Ma' p'ojlesʌben i yʌlac' ti' joytilel.

Josue 5:1

I yumob amorreojob ya' ti junwejl Jordán ja' ya' ti bʌjlibal q'uin yic'ot i yumob cananeojob año' bʌ ti' ti' jini colem ja' tsa' caji i yubiñob. Lac Yum tsa'ix i tsʌc'mesa jini Jordán ja'. Tsa' lu' c'axiyob jini israelob. Che' bʌ tsi' yubiyob tsa' toj sajtiyob i pusic'al. Mach chʌn contentojobix tsa' ajniyob come tsi' bʌc'ñayob jini israelob.

Josue 2:24

Tsi' subeyob: Lac Yum woli' yʌc' ti laj c'ʌb pejtel i lumal. Woli' toj sajtelob i pusic'al jini ya' bʌ chumulob, che'ob.

Numeros 23:20

Awilan tsi' yʌq'ueyon tic wenta cha'an mi cʌq'ueñob i yutslel c t'an jini israelob. Come lac Yum tsa'ix i yʌq'ueyon i yutslel i t'an. Mach mejlic j q'uextan.

Numeros 23:5

Lac Yum tsi' sube: Cha' cucux ba'an jini rey Balac. Yom ma' suben ili t'an mu' bʌ c subeñet, che'en.

Numeros 22:38

Balaam tsi' sube: Wʌ'ix añon ti a tojlel, pero mic wʌn subeñet, añon ti' wenta c Yum. Jini jach mu' bʌ i subeñon c Dios, mi mejlel c cha' sub, che'en.

Juezob 7:13

Che' bʌ tsa' c'oti Gedeón ti lʌc'ʌl, juntiquil winic woli' suben i pi'ʌl chuqui tsi' ñajle: Joñon tsac ñajle junc'ojl waj. Woli' jubel tilel ba' much'quibilonla. Tsa' c'ʌlʌl jubi ti lac tojlel. Tsʌts tsi' cuju jump'ejl pisil bʌ otot. Tsa' ch'a' yajli, che'en.

Juezob 7:15

Gedeón tsi' yubi jini winic che' woli' sub i ñajal yic'ot che' woli' tsictesan i sujmlel. Tsi' ñocchoco i bʌ i ch'ujutesan lac Yum. Che' jini tsa' cha' c'oti ba' tempʌbilob jini israelob. Tsi' subeyob: Ch'ojyenla ti ora, come lac Yum tsa'ix i yʌc'ʌ ti laj c'ʌb pejtelel jini madiañob cha'an mi lac jisañob, che'en Gedeón.

Juezob 3:28

Tsi' yʌlʌ: Tsajcañonla, come lac Yum tsa'ix i yʌc'ʌ ti laj c'ʌb pejtelel laj contra ti Moab, che'en. Tsi' tsajcayob majlel. Tsi' mʌctayob jini c'axibʌl ya' ti Jordán ba' mi' c'axelob jini ch'oyolo' bʌ ti Moab. Ma'anic tsi' yʌc'ʌyob ti c'axel mi juntiquilic.

1 Samuel 14:12

Tsi' subeyob Jonatán yic'ot i yaj cuch e'tijibʌl: Yom mi la' letsel tilel ba' añon lojon. An chuqui com c subeñet lojon, che'ob. Che' jini Jonatán tsi' sube i yaj cuch e'tijibʌl: Yom ma' letsel tilel tic pat. Come lac Yum tsa'ix i yʌc'ʌyob ti' c'ʌb Israel, che'en.