Juezob 6:3 - Chol: I T’an Dios

³ Che' bʌ tsi' cha'leyob pac', tsa' tiliyob madiañob yic'ot amalecob, yic'ot yaño' bʌ ch'oyolo' bʌ ti' pasibal q'uin cha'an mi' contrajiñob.

Chol de Tumbalá Bible

³ Che' bʌ tsi' cha'leyob pac', tsa' tiliyob madiañob yic'ot amalecob, yic'ot yaño' bʌ ch'oyolo' bʌ ti' pasibal q'uin cha'an mi' contrajiñob.

Juezob 6:3 Iomraidhean Croise

Genesis 25:6

Abraham tsi' yʌq'ueyob i majtan tac jini ch'iton bʌ i yalobilob i majan ijñamob. Che' cuxul to Abraham tsi' chocoyob loq'uel ti' tojlel Isaac, ti lum ya' ti' tojel i pasibal q'uin.

Genesis 29:1

Jacob tsa' caji ti xʌmbal. Tsa' c'oti ti' lumal i ña' ti' tojel i pasibal q'uin.

1 Reyob 20:27

Jini israelob ja'el tsi' tempayob i bʌ ti mojt ti mojt. Tsoltsolña tsa' caji ti majlel jini israelob c'ʌlʌl tsi' tajayob i bʌ yic'ot siriajob. Che' yilalob israelob bajche' cha'mojt alʌ chivo ti' tojlel i contrajob, come wen witsilob jini siriajob.

1 Reyob 4:30

Ñumen an i ña'tʌbal bajche' pejtel yambʌ winicob ya' ti' pasibal q'uin yic'ot ti Egipto.

1 Reyob 5:10

Hiram tsi' yʌq'ue Salomón jini ch'ujte' yic'ot ciprés che' bajche' c'amel yom.

Job 1:3

An i cha'an cabʌl i yʌlac' ja'el, wucp'ejl mil tiñʌme', uxp'ejl mil camello, jo'c'al i yuxbajc' (1,000) tat wacax yic'ot jo'c'al i cha'bajc' (500) i ña'al burro. An cabʌl i winicob ja'el. Ma'anic ñuc bʌ winic lajal bajche' Job ti pejtelel lum ya' ba' mi' pasel q'uin.

Job 31:8

la' i c'uxob yaño' bʌ jini tsa' bʌ c pʌc'ʌ joñon. La' bojquic c pʌc'ʌb woli bʌ i yʌc' i wut.

Exodo 17:8

Tsa' tiliyob amalecob. Tsi' cha'leyob guerra ti' contra israelob ya' ti Refidim.

Isaias 11:14

Temel mi caj i majlel i jisañob jini filisteojob ya' ti' lumal ba' mi' bʌjlel q'uin. Temel mi caj i jisañob jini año' bʌ ti lum tac ba' mi' pasel q'uin. Mi caj i cha' ch'ʌmob i lum tsa' bʌ i chilbeyob Edom yic'ot Moab yic'ot Amón. Mi caj i yumʌntelob i cha'añob.

Isaias 62:8

Tsa'ix c wa'choco c t'an. Tsa'ix c letsa j c'ʌb yujil bʌ e'tel. Ma'anix mi caj c chʌn aq'ueñob i c'ux a trigo a contrajob. Jini ch'oyolo' bʌ ti yambʌ lum, ma'anix mi caj i japob a vino tsa' bʌ a mele.

Jeremias 49:28

Lac Yum woli ti t'an ti' contra Cedar yic'ot jini xchumtʌl tac ti Hazor. Tsi' pʌyʌ tilel Nabucodonosor, rey bʌ ti Babilonia, cha'an mi' jisan. Ch'ojyenla. Cucula ti' contra Cedar. Jisan ili lum tac ya' ti' pasibal q'uin.

Ezequiel 25:3

Suben jini amoñob: Ubibenla i t'an lac Yum Dios: An a mul, Amón, come tsa' wʌlʌ wen uts'at che' bʌ tsa' jisʌnti c Templo. Tijicñayet che' bʌ tsa' jisʌntiyob jini israelob che' bʌ tsa' cʌjchiyob majlel jini chumulo' bʌ ti Judá.

Ezequiel 25:4

Jini cha'an ti' caj a mul mi caj cʌq'uetla ti' wenta winicob año' bʌ ti' pasibal q'uin. Mi caj i melob i yotot ti a lum ba' mi' cajelob ti jijlel. Mi caj i c'uxob pejtelel i wut la' pʌc'ʌb. Mi caj i japob la' lech.

Miqueas 6:15

Mi caj la' cha'len pac', pero ma'anic mi caj la' c'aj. Mi caj la' lon juch'ben i wut olivote'. Mach jasʌlic i yaceite cha'an mi la' bon la' bʌ. Mi caj la' lon yʌts' ts'usub. Ma'anic mi caj la' japben i ya'lel.

Deuteronomio 28:51

Mi caj i c'uxob i yal a wʌlac', yic'ot pejtel yujil bʌ colel ti a lum jinto ma' sʌc jisʌntel. Ma'anic mi caj i wis cʌybeñet a trigo yic'ot i ya'lel ts'usub, yic'ot aceite, yic'ot i yal wacax, yic'ot tiñʌme'. Che' jini mi caj i jisañet.

Juezob 10:12

ti' tojlel año' bʌ ti Sidón, ti' tojlel Amalec, yic'ot ti' tojlel Maón? Che' c'am tsa' la' pejcayon, tsaj coltayetla.

Juezob 3:13

Eglón tsi' laja i t'an yic'ot jini amoñob yic'ot jini amalecob. Tsi' mʌlbeyob jini israelob. Tsi' wersa ch'ʌmʌyob jini tejclum i c'aba' Palmeras.

Juezob 6:2

Che' añobix ti' wenta Madián, tsi' q'ueleyob cabʌl wocol. Cha'an ti caj jini madiañob tsa' caji i sʌclañob ch'en tac ti wits ba' mi' yajñelob.

Juezob 6:33

Awilan pejtelel jini madiañob yic'ot jini amalecob, yic'ot jini año' bʌ ti' pasibal q'uin junsujm jach tsi' tempayob i bʌ. Tsa' majli i tempañob i bʌ ya' ti joctʌl i c'aba' Jezreel.

Juezob 6:4

Che' bʌ tsa' coli pac', tsi' jisayob i wut jini pʌc'ʌbʌl c'ʌlʌl ti Gaza. Ma'anic chuqui tsi' cʌybeyob israelob cha'an mi' c'uxob, mi tiñʌme', mi wacax, mi burro.

Juezob 7:12

Awilan ya' much'ulob ti joctʌl cabʌl madiañob yic'ot amalecob, yic'ot jini tilemo' bʌ ti' pasibal q'uin. Lajal i yonlel bajche' sajc'. Ya'an bajc'ʌl camello che' bajche' i yonlel i ji'il colem ja'.

Juezob 8:10

Ti jim bʌ ora ya' añob Zeba yic'ot Zalmuna ti Carcor temel yic'ot jo'lojuntiquil mil soldadojob. Jiñobʌch i colobal jini winicob tilemo' bʌ ti' pasibal q'uin. Tsa' tsʌnsʌntiyob che' bajche' wʌcc'al mil winicob yujilo' bʌ guerra.