Juezob 6:12 - Chol: I T’an Dios

¹² I yAngel lac Yum tsa' c'oti i pejcan. Tsi' yʌlʌ: Wʌle lac Yum an a wic'ot ti isujm. Wen ch'ejlet, che'en.

Chol de Tumbalá Bible

¹² I yAngel lac Yum tsa' c'oti i pejcan. Tsi' yʌlʌ: Wʌle lac Yum an a wic'ot ti isujm. Wen ch'ejlet, che'en.

Juezob 6:12 Iomraidhean Croise

Exodo 3:12

Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Mateo 1:23

“Awilan, mi caj i cʌntan alʌl juntiquil xch'oc maxto bʌ pi'lebilic. Mi caj i yʌc' ti pañimil ch'iton bʌ i yalobil. Mi caj i yotsʌbentel i c'aba' Emanuel”. An i sujmlel Emanuel ti lac t'an: Jiñʌch Dios la quic'ot.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Lucas 1:11

Tsa' tsictiyi ti' wut Zacarías i yángel lac Yum, wa'al ti' ñoj ba'an i pulʌntib pom.

Lucas 1:28

Che' bʌ tsa' ochi ángel ya' ba'an María tsi' sube: Cotañet. Uts'at woli' q'uelet Dios. An lac Yum a wic'ot. X'ixicob mi caj i subob a ñuclel, che'en.

Deuteronomio 20:1

Che' mi la' loq'uel ti guerra, che' talob ti la' contra winicob yic'ot caballo yic'ot carreta tac ñumen bʌ ti tsic che' bajche' jatetla, mach mi la' bʌc'ñañob, come lac Yum Dios tsa' bʌ i loc'sayetla ti Egipto woli' coltañetla.

Josue 1:5

Ma'anic majch mi caj i mʌjlel i cha'an che' mi' contrajiñet, che' wʌ'to añet ti pañimil. Che' bajche' tsa' ajniyon quic'ot Moisés mi cajñel quic'otet ja'el. Ma'anic mi caj j cʌyet ti a bajñelil. Mach p'ump'unic mi caj j cʌyet.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Juezob 11:1

Jefté ch'oyol bʌ ti Galaad jiñʌch juntiquil soldado wen cabʌl bʌ i ch'ejlel. I yalobilʌch ts'i'lel bʌ x'ixic. I tat Jefté jiñʌch Galaad.

Juezob 13:3

Tsa' majli i yAngel lac Yum i suben jini x'ixic: Ma'anic a walobil c'ʌlʌl wʌle, pero mux caj a cʌntan a walobil. Mi caj a wʌc' ti pañimil alʌ ch'iton.

Juezob 2:18

Che' bʌ lac Yum tsi' choco tilel juez, tsi' coltayob che' cuxul to jini juez. Lac Yum tsi' p'unta jini winicob x'ixicob, come tsi' yubibeyob i yajcʌn che' bʌ tsa' tic'lʌntiyob cha'an jontolo' bʌ. Lac Yum tsi' coltayob che' cuxul to jini juez.

Juezob 6:11

Tsa' tili i yAngel lac Yum. Tsa' buchle ti yebal c'olol am bʌ ti Ofra, i cha'an Joás jini abiezer. Jini Gedeón (i yalobil Joás) woli' tijcan trigo ti' yotlel vino. Woli' muc jini trigo cha'an ma'anic mi' q'uelob jini madiañob.

Juezob 6:13

Gedeón tsa' caji i yʌl: Mi isujm wʌ' an lac Yum quic'ot, ¿chucoch tsa' ujti pejtelel ili wocol tic tojlel lojon? ¿Bacan tsiquil pejtelel i p'ʌtʌlel tsa' bʌ i pʌsbeyob c ñojte'el lojon? Tsi' subeyon lojon bajche' tsi' pʌyʌyob loq'uel ti Egipto. Lac Yum tsa'ix i cʌyʌyon lojon. Tsa'ix i yʌc'ʌyon lojon ti jilel ti' c'ʌbob madiañob. Che' tsi' yʌlʌ Gedeón.

xRut 2:4

Awilan tsa' c'oti Booz loq'uem bʌ ti Belén. Tsi' sube stsep cebadajob: La' ajnic lac Yum la' wic'ot, che'en. Jini stsep cebadajob tsi' cha' sutq'uibeyob cortesía: La' i yʌq'ueñet i yutslel lac Yum, che'ob.

1 Samuel 10:7

Che' wolix ti ujtel ti a tojlel iliyi, mele che' bajche' yom, come Dios woli' pi'leñet majlel.