Juezob 4:6 - Chol: I T’an Dios

⁶ Débora tsi' choco ti pʌyol Barac i yalobil Abinoam am bʌ ti Cedes ti Neftalí. Tsi' sube: Lac Yum, i Dios Israel, woli' subeñet: “Tempan a winicob ya' ti wits i c'aba' Tabor. Tempan lujump'ejl mil winicob i p'olbal Neftalí yic'ot i p'olbal Zabulón.

Chol de Tumbalá Bible

⁶ Débora tsi' choco ti pʌyol Barac i yalobil Abinoam am bʌ ti Cedes ti Neftalí. Tsi' sube: Lac Yum, i Dios Israel, woli' subeñet: “Tempan a winicob ya' ti wits i c'aba' Tabor. Tempan lujump'ejl mil winicob i p'olbal Neftalí yic'ot i p'olbal Zabulón.

Juezob 4:6 Iomraidhean Croise

Salmos 7:6

La'ix c Yum, yom ma' mich'len jini j contrajob woliyo' bʌ ti mich'ajel. Yomix ma' wa'tʌl a cha'len meloñel.

Salmos 89:12

Tsa'ix a mele jini pañimil c'ʌlʌl ti norte c'ʌlʌl ti sur. Jini wits tac Tabor yic'ot Hermón mi' tsictesañob i ñuclel a c'aba'.

Salmos 89:13

Cabʌlʌch i p'ʌtʌlel a c'ʌb, cabʌlʌch a melbal. Ma'anic i p'isol a p'ʌtʌlel.

Jeremias 46:18

Jini Rey, i c'aba' i Yum Panchan yic'ot Pañimil, mi' yʌl: Tal juntiquil ñuc bʌ ti isujm. An i ñuclel che' bajche' Tabor jini chan bʌ wits yic'ot ja'el jini wits Carmel, lʌc'ʌl bʌ ti colem ñajb.

Oseas 5:1

Ñich'tanla jini t'an, motomajob yic'ot yumʌlob ti Israel, yic'ot jini rey yic'ot i pi'ʌlob. Ti pejteletla mi caj la' toj la' mul, come tsa' la' soco winicob x'ixicob ya' ti Mizpa yic'ot ti Tabor. Tsa' la' cʌntesayob lot cha'an mi' ch'ujutesañob dioste' tac.

Hechos 13:47

Come che'ʌch tsi' yʌq'ueyon lojon mandar lac Yum. Tsi' yʌlʌ: “Tsa'ix c wa'chocoyet cha'an ma' pʌsbeñob i sʌclel pañimil jini gentilob, cha'an mi' tajob i coltʌntel c'ʌlʌl ti' petol pañimil”. Che' tsi' subeyon lojon lac Yum, che'ob Pablo yic'ot Bernabé.

Hebreos 11:32

¿Chuqui to yom mic sub? Ma'anic i yorajlel cha'an mic sub chuqui tsi' meleyob Gedeón, Barac, Sansón, Jefté, David, Samuel, yic'ot x'alt'añob.

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.

Josue 19:22

Tsa' c'axi jini cayajon ba'an Tabor, Sahazima, Betsemes c'ʌlʌl tsa' c'oti ti Jordán ja'. Jiñʌch wʌclujump'ejl (16) tejclum yic'ot jini xchumtʌl tac.

Josue 19:32

I wʌcpejtlel lum tsa' bʌ yajcʌnti ti alas i cha'añʌch Neftalí che' bajche' c'amel i yotot tac.

Josue 19:35

Jini lum tac chajpʌbil bʌ cha'an guerra jiñʌch: Sidim, Zer, Hamat, Racat, Cineret, Adama, Ramá, Hazor Cedes, Edrei, Enhazor, Irón, Migdalel, Horem, Betanat, Betsemes. Jiñʌch bolonlujump'ejl (19) tejclum tac yic'ot jini xchumtʌl tac.

Josue 21:32

Tsa' aq'uentiyob uxp'ejl tejclum yic'ot i lumob ya' ti Neftalí: Cedes am bʌ ti Galilea ba' mi' mejlel ti puts'el jini mu' bʌ i cha'len tsʌnsa, Hamotdor, Cartán.

Juezob 4:10

Barac tsi' tempa majlel lujump'ejl mil winicob i p'olbal Zabulón yic'ot Neftalí. Débora tsa' majli yic'otob.

Juezob 5:1

Ti jini q'uin Débora yic'ot Barac (i yalobil Abinoam) tsi' cha'leyob c'ay bajche' jini:

Juezob 6:35

Tsi' choco majlel suboñelob tac ti lumal Manasés. Tsa' caji i much'quiñob i bʌ ti' tojlel ja'el. Che' ja'el tsi' choco majlel suboñelob ti Aser, yic'ot ti Zabulón, yic'ot ti Neftalí. Jini ya' bʌ chumulob tsa' tiliyob ti' tojlel ja'el.

Juezob 8:18

Gedeón tsi' sube jini Zeba yic'ot Zalmuna: ¿Bajche' yilal jini winicob tsa' bʌ la' tsʌnsa ti Tabor? che'en. Tsi' jac'beyob: Che' bajche' jatet. Ti jujuntiquil che'ʌch yilal bajche' i yalobil rey, che'ob.

1 Samuel 10:3

Che' woliyet ti xʌmbal majlel che' lʌc'ʌlix jini c'olol ya' ti Tabor mi caj i tajet uxtiquil winicob. Woli' majlelob ti Betel cha'an mi' pejcañob Dios. Juntiquil woli' pʌy majlel uxcojt alʌ chivo. Yambʌ woli' ch'ʌm majlel uxq'uejl waj, yambʌ, junwojl vino.

1 Samuel 12:11

Lac Yum tsi' chocbeyob majlel Jerobaal, Barac, Jefté yic'ot Samuel. Tsi' coltayetla loq'uel ti' p'ʌtʌlel la' contrajob am bʌ ti la' joytʌlel. Che' jini cha' ñʌch'ʌletixla wʌ' ba' chumuletla.