Juezob 4:3 - Chol: I T’an Dios

³ An i cha'an jini rey Jabín jo'c'al i yuxbajc' (900) carreta tac melbil bʌ ti tsucul taq'uin. Junc'alix jab woli' yubiñob wocol jini israelob. Jini cha'an c'am tsa' caji i pejcañob lac Yum.

Chol de Tumbalá Bible

³ An i cha'an jini rey Jabín jo'c'al i yuxbajc' (900) carreta tac melbil bʌ ti tsucul taq'uin. Junc'alix jab woli' yubiñob wocol jini israelob. Jini cha'an c'am tsa' caji i pejcañob lac Yum.

Juezob 4:3 Iomraidhean Croise

Salmos 106:42

I contrajob tsi' yʌc'ʌyob ti wocol. Wersa tsi' jac'beyob i mandar.

Salmos 50:15

Pejcañon che' ti' yorajlel wocol. Mi caj colet. Mi caj a tsictesan c ñuclel.

Salmos 78:34

Che' woli' jisañob Dios, tsa' caji i sʌclañob. Tsi' cha' sutq'uiyob i bʌ ba'an Dios. Tsa' caji i sʌclañob ti jump'ejl i pusic'al.

Exodo 2:23

Che' bʌ tsa' ñumi cabʌl q'uin, tsa' chʌmi jini rey ti Egipto. Jini hebreojob año' bʌ ti Egipto tsi' cha'leyob ajcʌn yic'ot uq'uel cha'an tsʌts bʌ e'tel. Dios tsi' yubi jini ajcʌn cha'an cabʌl i wocol ti' wenta i yumob.

Deuteronomio 28:29

Ti xinq'uiñil lajlaña mi caj a tʌl pañimil che' bajche' mi' mel jini xpots' ti ac'ʌlel. Ma'anic mi caj a seb c'otel baqui a wom majlel. P'ump'un mi caj a tic'lʌntel ti pejtelel ora. Mi caj i jilel a chubʌ'an ti xujch'. Ma'anic majqui mi caj i coltañet.

Deuteronomio 28:33

Pejtelel i wut a pʌc'ʌb mi caj i c'uxob yambʌ tejclumob mach bʌ a cʌñʌyic. P'ump'un jax mi caj a tic'lʌntel ti pejtelel ora.

Josue 17:16

I p'olbalob José tsi' yʌlʌyob: Mach jasʌlic c cha'an lojon jini wits. Pejtelel jini cananeojob año' bʌ ti joctʌl an i cha'añob carreta tac melbil bʌ ti tsucul taq'uin. Ya' chumulob ti Betseán yic'ot ti jini xchumtʌl tac am bʌ ti joytilel, yic'ot ti joctʌl i c'aba' Jezreel, che'ob.

Juezob 1:19

Lac Yum tsi' coltayob. Jini cha'an tsa' mejli i mʌlbeñob jini año' bʌ ti wits tac. Pero ma'anic tsa' mejli i chocob loq'uel jini año' bʌ ti joctʌl bʌ lum, come añob i cha'an carreta tac melbil bʌ ti tsucu taq'uin.

Juezob 10:10

Jini cha'an jini israelob c'am tsi' pejcayob lac Yum: Isujm tsa'ix c cha'le lojon mulil ti a tojlel, come tsa'ix j cʌyʌ lojon jini mero Dios. Tsac lon ch'ujutesa lojon jini Baal, che'ob.

Juezob 10:16

Che' jini tsi' chocoyob loq'uel jini dioste' tac. Tsa' caji i ch'ujutesañob lac Yum. Awilan jini lac Yum tsi' mele i pusic'al cha'an i wocol israelob.

Juezob 3:15

C'am tsi' cha'leyob t'an jini israelob ti' tojlel lac Yum. Lac Yum tsi' yʌq'ueyob juntiquil sts'ej c'ʌb cha'an mi' coltañob, jiñʌch Aod i yalobil Gera, i p'olbal Benjamín. Jini israelob tsi' chocoyob majlel tojoñel ba'an Eglón rey ti Moab. Tsi' yʌc'ʌyob ti' c'ʌb Aod.

Juezob 3:9

Che' jini c'am tsi' pejcayob lac Yum. Lac Yum tsi' yʌc'ʌ juntiquil juez cha'an mi' coltañob, jiñʌch Otoniel i yalobil Cenaz, i yijts'in Caleb.

Juezob 4:13

Sísara tsi' tempa pejtelel i carreta tac. An jo'c'al i yuxbajc' (900) i carreta melbil bʌ ti tsucu taq'uin yic'ot pejtelel i winicob loq'uemo' bʌ ti Harosetgoim. Tsa' c'otiyob ti jini pa' am bʌ ti Cisón.

Juezob 4:4

Jini yumʌl ti Israel ti jim bʌ ora jiñʌch Débora, jini x'ixic bʌ x'alt'an, i yijñam bʌ Lapidot.

Juezob 5:8

Jini israelob tsi' yajcayob tsiji' bʌ dios tac. Tsa' junyajlel pujch'iyob jini israelob. Ma'anic i ye'tʌjib soldadojob ti lac tojlel. Ma'anic mʌctʌjib, mi lanza ti' tojlel cha'c'al mil israelob.

Juezob 6:6

Che' jini tsa' ochi ti pobre pejtelel israelob cha'an ti' caj jini madiañob. C'am tsi' pejcayob lac Yum.

1 Samuel 7:8

Tsa' caji i subeñob Samuel ti wocol t'an: Chʌn pejcan lac Yum Dios cha'an mi' coltañonla, ame jiliconla ti' c'ʌb filisteojob, che'ob.