Juezob 4:14 - Chol: I T’an Dios

¹⁴ Débora tsi' sube Barac: Ch'ojyen come ti ili q'uin lac Yum mi caj i yʌc' ti a c'ʌb jini Sísara. ¿Mach ba wolic i majlel lac Yum ti ñaxan ti' tojel a wut? che'en. Barac tsa' jubi ya' ti' wits Tabor yic'ot lujump'ejl mil winicob.

Chol de Tumbalá Bible

¹⁴ Débora tsi' sube Barac: Ch'ojyen come ti ili q'uin lac Yum mi caj i yʌc' ti a c'ʌb jini Sísara. ¿Mach ba wolic i majlel lac Yum ti ñaxan ti' tojel a wut? che'en. Barac tsa' jubi ya' ti' wits Tabor yic'ot lujump'ejl mil winicob.

Juezob 4:14 Iomraidhean Croise

Genesis 19:14

Lot tsa' majli i suben i nij'alob tsa' bʌ i c'ajtibeyob i yalobilob cha'an i yijñam: Ora yom mi la' loq'uel wʌ'i, come lac Yum mi caj i jisan ili tejclum, che'en. Pero i nij'alob tsi' lon ña'tayob sojquem i jol.

Genesis 44:4

Che' bʌ tsa' loq'uiyob ti tejclum, che' bʌ max to ñajtic añob, José tsi' sube xcʌnta otot i cha'an: Cucux. Tsajcan majlel jini winicob. Che' bʌ tsa'ix a tajayob, yom ma' subeñob: “¿Chucoch tsa' la' q'uextʌbeyon cutslel ti jontolil? ¿Chucoch tsa' la' xujch'ibeyon c taza melbil bʌ ti plata?

2 Samuel 5:24

Che' ma' wubin t'an che' bajche' xʌmbal ti' pam jini bálsama te', ti jim bʌ ora yom ma' cha'len wersa, come che' jini loq'uemonix ti' tojel a wut cha'an mic jisan jini filisteojob. Che' tsi' yʌlʌ lac Yum.

Isaias 52:12

Come ma'anic mi caj la' loq'uel ti ajñel. Ma'anic mi caj la' puts'el loq'uel. Come ñaxan mi' majlel lac Yum ti la' tojlel. Mi' cʌntañetla majlel ti la' pat i Dios Israel.

Miqueas 2:13

Ñaxan mi caj i majlel ti' tojel la' wut jini mu' bʌ caj i pʌt majlel jini bij. Mi caj i pʌyetla loq'uel ti' wenta yambʌ yumʌlob. Mi caj i jambeñetla i ti' ts'ajc ba' ñup'uletla cha'an mi la' sujtel ti la' lumal. La' rey mi caj i majlel ti' tojel la' wut. Jiñʌch la' Yum. Mi caj i toj'esañetla majlel ti la' bijlel.

Deuteronomio 9:3

Jini cha'an yomix mi la' ña'tan, jiñʌch lac Yum Dios mu' bʌ caj i coltañetla. Lajal lac Yum bajche' c'ajc yujil bʌ jisaya. Mi caj i jisañob ti la' tojlel. Mi caj i ju'sʌbeñob i pusic'al. Mi cajel la' chocob loq'uel ti lum. Mi caj la' tsʌnsañob che' bajche' tsi' subeyetla lac Yum Dios.

Josue 10:8

Lac Yum tsi' sube Josué: Mach ma' cha'len bʌq'uen. Mi caj cʌq'ueñet ti a c'ʌb pejtel jini winicob. Ma'anic mi juntiquilic a contra mu' bʌ caj i mʌjlel i cha'an, che'en lac Yum.

Josue 7:13

Sʌq'uesan jini israelob. Yom ma' subeñob: “Sʌq'uesan la' bʌ cha'an mi la' tempan la' bʌ ijc'ʌl, come lac Yum i Dios Israel mi' yʌl: Tsa'ix la' xujch'i c cha'an bʌ. Mach mʌjlic la' cha'an ti' tojlel la' contrajob jinto mi la' choc loq'uel jini tic'bil tac bʌ.

Juezob 19:28

Tsi' sube: Tejchenix cha'an mi lac cha' majlel, che'en. Pero jini x'ixic ma'anix tsi' chʌn cha'le t'an. Che' jini tsi' licchoco ti' pam jini burro. Tsa' cha' caji ti xʌmbal majlel ti' lumal.

Juezob 4:10

Barac tsi' tempa majlel lujump'ejl mil winicob i p'olbal Zabulón yic'ot Neftalí. Débora tsa' majli yic'otob.

Juezob 7:9

Ti jim bʌ ac'ʌlel lac Yum tsi' pejca: Ch'ojyen ti ora. Cucu ya' ba' much'ulob jini madiañob, come tsa'ix cʌc'ʌyob ti a wenta cha'an ma' jisañob.

1 Samuel 9:26

Che' ti yijc'ʌlal seb to tsa' ch'ojyiyob. Che' wen sʌc'ajel to, Samuel tsi' pʌyʌ Saúl che' ya' ñolol ti' jol jini ts'ajc bʌ i yotot. Tsi' sube: Ch'ojyenix. Mi caj c pi'leñet majlel cha'an mij cʌyet ti bij, che'en. Che' jini tsa' ch'ojyi Saúl. Temel tsa' loq'uiyob majlel.