Juezob 4:11 - Chol: I T’an Dios

¹¹ Heber, jini ceneo, tsi' tʌts'ʌ i bʌ ti' tojlel yambʌ ceneojob i p'olbalob Hobab i nij'al Moisés. Tsa' majli i wa'chocon jini pisil bʌ i yotot ya' ti Zaanaim am bʌ ti t'ejl Cedes.

Chol de Tumbalá Bible

¹¹ Heber, jini ceneo, tsi' tʌts'ʌ i bʌ ti' tojlel yambʌ ceneojob i p'olbalob Hobab i nij'al Moisés. Tsa' majli i wa'chocon jini pisil bʌ i yotot ya' ti Zaanaim am bʌ ti t'ejl Cedes.

Juezob 4:11 Iomraidhean Croise

Exodo 18:1

Jetro, jini motomaj ya' ti Madián, i ñij'al Moisés, tsi' yubi pejtelel jini ñuc tac bʌ tsa' bʌ i mele Dios cha'an mi' coltan Moisés yic'ot i cha'año' bʌ che' bʌ tsi' pʌyʌyob loq'uel ti Egipto.

Exodo 2:18

Tsa' sujtiyob ti' yotot ba'an i tat i c'aba' Reuel. I tat tsi' subeyob: Ora jach tsa' sujtiyetla wʌle. ¿Chucoch? che'en.

Exodo 3:1

Moisés tsa' caji' cʌntʌben i yʌlac' i nij'al i c'aba' Jetro. Jiñʌch motomaj am bʌ ti Madián. Tsi' pʌyʌ majlel jini tiñʌme' ba'an colem bʌ i tiquiñal pañimil ya' ba' mi' bʌjlel q'uin. Tsa' c'oti ya' ti Horeb jini wits yajcʌbil bʌ i cha'an Dios.

Numeros 10:29

Moisés tsi' pejca Hobab i ja'an, jiñʌch i yalobil Ragüel am bʌ ti Madián. Tsi' sube: Muq'uix c majlel lojon ya' ti lum ba' mi caj i yʌq'ueñon lojon lac Yum. Conla. Mi a wom majlel quic'ot lojon tijicña mi caj a wajñel, come lac Yum tsa'ix i subeyob israelob mi caj i pʌsbeñob i yutslel i pusic'al, che'en.

Numeros 10:32

Mi awomʌch majlel quic'ot lojon, lac tem cha'an jach pejtelel mu' bʌ i yʌq'ueñonla lac Yum. Che' bajche' mi' melbeñon lojon, che'ʌch mi caj c melbeñet lojon ja'el. Che' tsi' yʌlʌ Moisés.

Josue 19:33

Tsa' tejchi jini cayajon ya' ti Helef yic'ot ti Alon Saananim. Tsa' c'axi ti Adami Neceb yic'ot Jabneel c'ʌlʌl ti Lacum. Tsa' c'oti ti Jordán ja'.

Juezob 1:16

I p'olbalob jini ceneo, i nij'al Moisés, tsa' loq'uiyob ti tejclum i c'aba' Palmeras temel yic'otob i p'olbal Judá. Tsa' c'otiyob ti' tiquiñal pañimil am bʌ ti Judá, am bʌ ti' tojel Arad ya' ti sur. Temel tsa' chumleyob yic'ot ya' bʌ añob ti' lumal.

Juezob 4:12

Tsa' subenti Sísara majlemix Barac (i yalobil Abinoam) ti' witsilel Tabor.

Juezob 4:6

Débora tsi' choco ti pʌyol Barac i yalobil Abinoam am bʌ ti Cedes ti Neftalí. Tsi' sube: Lac Yum, i Dios Israel, woli' subeñet: “Tempan a winicob ya' ti wits i c'aba' Tabor. Tempan lujump'ejl mil winicob i p'olbal Neftalí yic'ot i p'olbal Zabulón.

1 Samuel 15:6

Tsi' choco majlel winicob cha'an mi' subeñob jini ceneojob: Cucula ti loq'uel wʌ' ba'añetla. Yom mi la' tʌts' la' bʌ ba'an jini amalecob, ame jisʌntiquetla yic'otob. Com j coltañetla cha'an uts tsa' la' pʌsʌ la' bʌ ti' tojlel israelob che' bʌ tsa' letsiyob loq'uel ti Egipto, che'en Saúl. Jini cha'an tsi' tʌts'ʌyob i bʌ jini ceneojob ti' tojlel amalecob.

1 Samuel 27:10

Che' bʌ tsi' c'ajtibe Aquis: ¿Baqui tsa' cha'le guerra sajmʌl? David tsi' jac'be: Ya' ti Neguev ti Judá, yic'ot ya' ti Neguev Jerameel, yic'ot ya' ti Neguev ba'an ceneojob, che'en.